ಕುಡ್ಲ : ಪ್ರತಿಭಾವಂತ ಪೊಣ್ಣು ಕುಡ್ಲದ ಶಿಖಾ ಸುಶೀಲ್ ಮೇರ್ ಪ್ರತಿಷ್ಠಿತ ಹಿಸ್ನಾ ಮಿಸ್ಸ್ ದಾಯ್ಜಿವರ್ಲ್ಡ್-2026 ಸೌಂದರ್ಯ ಸ್ಪರ್ಧೆಡ್ ಕಿರೀಟ ಗೆಂದ್ದೆರ್.
ಕುಡ್ಲದ ಮಿಲಾಗ್ರಿಸ್ ಸಭಾಭವನಡ್ ಶನಿವಾರ ರಾತ್ರಿ ನಡತಿನ ಸೌಂದರ್ಯ ಸ್ಪರ್ಧೆದ ಅಕೇರಿದ ಅಂತಿಮ ಸುತ್ತುಡು ಶಿಖಾ ಸುಶೀಲ್ ಮೆರೆನ್ ವಿನ್ನರ್ ಪಂದ್ ಘೋಷಣೆ ಮಲ್ತೆರ್. ಸೆರೆನಾ ಎವ್ಜಿನ್ ಪ್ರಥಮ ರನ್ನರ್ ಅಪ್ ಪ್ರಶಸ್ತಿ ಪಡೆತೆರ್. ಫೇ ಮಾರ್ಟಿಸ್ ರಡ್ಡನೇ ರನ್ನರ್ ಅಪ್ ಪ್ರಶಸ್ತಿ ಪಡೆತೆರ್.
ದೇಶ ವಿದೇಶಲ ಸೇರ್ದ್ ಒಂಜಿ ಸಾಋ್ದ್ ಜಾಸ್ತಿ ಸ್ಪರ್ಧಿಲು ಪಾಲ್ ಪಡೆದಿತ್ತಿನ ಈ ಸೌಂದರ್ಯ ಸ್ಪರ್ಧೆದ ರಡ್ಡನೇ ಸುತ್ತುಗು ಇರ್ವತ್ತೈನ್ ಜನ ಆಯ್ಕೆ ಆದಿತ್ತೆರ್.
ಅಕೇರಿದ ಸುತ್ತುದ ಸ್ಪರ್ಧೆಡ್ ಆತ್ಮಸ್ಥೈರ್ಯ, ಸ್ವಯಂ ಪರಿಚಯ, ರ್ಯಾಂಪ್ ವಾಕ್, ಪ್ರಶ್ನೋತ್ತರ ಅಂಚೆನೆ ಎಕ್ಸ್ ಫಾಕ್ಟರ್ ವಿಭಾಗಡ್ ರೈಸಿನ ಶಿಖಾ ಸುಶೀಲ್, ಹಿಸ್ನಾ ಮಿಸ್ಸ್ ದಾಯ್ಜಿವರ್ಲ್ಡ್ ಕಿರೀಟನ್ ತರೆಕ್ಕ್ ದೀವೊಂಡೆರ್. ಹಿಸ್ನಾ ಇಂಟರ್ ನ್ಯಾಶನಲ್ ನಿರ್ದೇಶಕೆರ್ ರೊನಾಲ್ಡ್ ಪಿಂಟೊ , ಪತ್ನಿ ದೊರೊತಿ ಪಿಂಟೊ ಮೊಕುಲು ಗೆಂದಿನಕ್ಲೆಗ್ ಕಿರೀಟದ ಒಟ್ಟುಗು ತಲಾ ಮೂಜಿ ಲಕ್ಷ, ರಡ್ಡ್ ಲಕ್ಷ ಬೊಕ್ಕ ಒಂಜಿ ಲಕ್ಷ ರೂ.ದ ಪನವುದ ಇನಾಮು ಪಟ್ಟಿಯೆರ್.
ಫೈನಲ್ಗ್ ಬೈದಿನ ಬಾಕಿ ಒರ್ಂಬ ಸ್ಪರ್ಧಿಲು ವೈಯಕ್ತಿಕ ಬಿರ್ದ್ ಬೊಕ್ಕ ತಲಾ 25 ಸಾರ ರೂ. ಪನವುದ ಇನಾಮು ಪಡೆಯೆರ್.