ಪೆಜಮಾಡಿ : ಶ್ರೀ ಬ್ರಹ್ಮ ಬೈದರ್ಕಳ ಗರೊಡಿ ಪೆಜಮಾಡಿ ಉಂದೆತ್ತ ವರ್ಸಾದಿದ ನೇಮೋತ್ಸವ ಡಿ.22-25 ತಾರೀಕ್ ಮುಟ್ಟ ನಡಪರೆ ಉಂಡು.
ಡಿ.22 ಸೋಮಾರ ರಾತ್ರೆ 8 ಗಂಟೆಗ್ ಹಸಿರು ಹೊರೆ ಕಾಣಿಕೆ ಸಮೇತ ಗರಡಿ ಪ್ರವೇಶ ಆವರೆ ಉಂಡು. ಡಿ.23 ಅಂಗಾರೆ ಕಾಂಡೆ ಗರೊಡಿಡ್ ನವಕ ಪ್ರದಾನ ಹೋಮ ಬೊಕ್ಕ ನಾಗ ಬನೊಟ್ಟು ಪವಮಾನ ಕಲಶಾಭಿಷೇಕ ನಡಪರೆ ಉಂಡು. ರಾತ್ರೆಡ್ ಅಗೆಲ್ ನೈವೇದ್ಯ ಸೇವೆ, ಬೈದರ್ಕಳ ದರ್ಶನ, ಪ್ರಸಾದ ವಿತರಣೆ ಬೊಕ್ಕ ಅನ್ನ ಸಂತರ್ಪಣೆ ನಡಪರೆ ಉಂಡು.
ಸೆ.24 ಬುಧಾರ ಮಧ್ಯಾಹ್ನ ಭಕ್ತಿ ರಸ ಮಂಜರಿ, ಅನ್ನಸಂತರ್ಪಣೆ ಬಯ್ಯಡ್ ಬೈದರ್ಕಳ ನೇಮ ಸುರುವಾದ್ ಒಲಿ ಮದೆರ್ದ್ ಬರ್ಪಿನ ಬೊಕ್ಕ ಬಾಕ್ಯಾರ್ ಜಪ್ಪುನ ಕ್ರಮ ನಡಪರೆ ಉಂಡು. ರಾತ್ರೆ 8 ಗಂಟೆಗ್ ಅನ್ನಸಂತರ್ಪಣೆ ಬೊಕ್ಕ ರಾತ್ರೆ 11 ಗಂಟೆಗ್ ಬೈದರ್ಕಳ ದರ್ಶನ ನಡಪರೆ ಉಂಡು.
ಡಿ.25 ಗುರುವಾರ ಮದ್ಯಾನ 3 ಗಂಟೆರ್ದ್ ಮಾಯಂದಾಲ ನೇಮ ಆದ್ ರಾತ್ರೆ 7 ಗಂಟೆಗ್ ಜುಮಾದಿ ತಂಬಿಲ ನಡಪರೆ ಉಂಡು. ಈ ಮಾತಾ ಲೇಸ್ಡ್ ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಬ್ರಹ್ಮಬೈದೆರ್ಲೆನ ಅನುಗ್ರಹ ಪಡೆವೊಡು ಪಂದ್ ಪೆಜಮಾಡಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಮೋಹನ್ದಾಸ್ ಹೆಜ್ಮಾಡಿ, ಉಪಾಧ್ಯಕ್ಷೆರಾಯಿನ ದಯಾನಂದ ಹೆಜ್ಮಾಡಿ, ಸುಧೀರ್ ಕರ್ಕೇರ, ಗೌರವ ಪ್ರಧಾನ ಕಾರ್ಯದರ್ಶಿ ಪ್ರಭೋಧ್ ಚಂದ್ರ ಹೆಜ್ಮಾಡಿ,ಗೌ.ಪ್ರ.ಕೋಶಾಧಿಕಾರಿ ಲೀಲೇಶ್ ಸುವರ್ಣ, ಪ್ರಧಾನ ಅರ್ಚಕೆರ್ ಗುರುರಾಜ್ ಪೂಜಾರಿ ಬೊಕ್ಕ ಶ್ರೀ ಬ್ರಹ್ಮಬೈದರ್ಕಳ ಗರಡಿ ಸೇವಾ ಟ್ರಸ್ಟ್ ಮುಂಬಯಿ, ಮುಂಬಯಿ ಸಮಿತಿ, ಮಹಿಳಾ ಮಂಡಳಿ ಪೆಜಮಾಡಿ,ಯುವವಾಹಿನಿ (ರಿ) ಪೆಜಮಾಡಿ, ಬಿರುವೆರ್ ಬ್ರದರ್ಸ್ ಪೆಜಮಾಡಿ ಅಂಚೆನೆ ಬಿಲ್ಲವ ನಾಲ್ ಕರೆತ್ತ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.