ಕನ್ನಡ ಶಾಲೆನ್ ಎಲ್ಯ ಮಲ್ಪುನ ಬೊರ್ಚಿ, ಮುಲ್ಪ ಕಲ್ತಿನ ಜೋಕುಲು ರಾಷ್ಟ್ರ ಅಂತರಾಷ್ಟ್ರೀಯ ಮಟ್ಟಡ್ ಸಾಧನೆ ಮಲ್ದೆರ್: ಶಾಲೆಟ್ ಪಿಂಟೋ
ಕನ್ನಡ ಶಾಲೆನ್ ಎಲ್ಯ ಮಲ್ಪುನ ಬೊರ್ಚಿ, ಕನ್ನಡ ಮಾಧ್ಯಮ ಶಾಲೆದ ಜೋಕುಲು ರಾಷ್ಟ್ರ ಬೊಕ್ಕ ಅಂತರಾಷ್ಟ್ರೀಯ ಮಟ್ಟಡ್ ಬೇತೆ ಬೇತೆ ಕ್ಷೇತ್ರಡ್ ಉಲ್ಲೆರ್ ಪಂದ್ ಕರ್ನಾಟಕ ಪರಿಸರ ಬೊಕ್ಕ ಪ್ರವಾಸೋದ್ಯಮ ಅಭಿವೃದ್ದಿ ಮಂಡಳಿದ ಅಧ್ಯಕ್ಷೆರ್ ಶಾಲೆಟ್ ಪಿಂಟೋ ಪಂಡೆರ್.
ಮೇರ್ ನಡುಗೋಡು ದ.ಕ.ಜಿಲ್ಲಾ ಹಿರಿಯ ಪ್ರಾರ್ಥಮಿಕ, ಫ್ರೌಢಶಾಲೆ ಬೊಕ್ಕ ಹಳೇ ವಿದ್ಯಾರ್ಥಿ ಸಂಘದ 47ನೇ ವರ್ಷೊದ ಉಚ್ಚಯಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.
ಈ ಪೊರ್ತುಡು ಅರ್ಥಿಕವಾದ್ ಪಿರವು ಇಪ್ಪುನಕ್ಲೆಗ್ ಪಣವುದ ಸಕಾಯ ಮಲ್ಪುನ ಶಿವಸಂಜೀವಿನಿ ಸಂಸ್ಥೆದ ಅಧ್ಯಕ್ಷೆರ್ ನವೀನ್ ಭಂಡಾರಿ ಸುರಗಿರಿ ಬೊಕ್ಕ ಯೋಗ ಕ್ಷೇತ್ರದ ಸಾಧಕಿ ಮೇಘ ಕೊಡೆತ್ತೂರು ಮೊಕ್ಲೆಗ್ ಸನ್ಮಾನ ಮಲ್ತೆರ್.
ಅಂಚೆನೆ ಬೊಕ್ಕ ನಾಲ್ ಜನಕ್ಕ್ ವೈದ್ಯಕೀಯ ಚಿಕಿತ್ಸೆಗ್ ಸಕಾಯ ಮಲ್ತೆರ್. ವಿದ್ಯಾರ್ಥಿಲೆಗ್, ಹಳೆ ವಿಧ್ಯಾರ್ಥಿಲೆಗ್, ಬೇತೆ ಗೊಬ್ಬುಲೆನ್ ಆಯೋಜನೆ ಮಲ್ತ್ ದ್ ಗೆಂದಿನಕ್ಲೆಗ್ ಇನಾಮುನ್ ಪಟ್ಟಿಯೆರ್.
ಈ ಪೊರ್ತುಡು ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಂಗಳೂರು ಉತ್ತರ ವಲಯದ ಶಿಕ್ಷಣಾಧಿಕಾರಿ ಜೇಮ್ಸ್ ಕುಟಿನ್ಹ, ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ಬಿ. ಆರ್. ಹರಿಶ್ಚಂದ್ರ ಗುರ್ಕಾರ್ಲು, ಉಲ್ಲಂಜೆ ಕ್ಲಸ್ಟರ್ ಸಮೂಹ ಸಂಪನ್ಮೂಲ ವ್ಯಕ್ತಿ ಜ್ಯೋತಿ ಖಾರ್ವಿ, ದಕ್ಷಿಣ ಕನ್ನಡ ಜಿಲ್ಲಾ ಧಾರ್ಮಿಕ ಪರಿಷತ್ ಪದುಕೆರ್ ಸುಬ್ರಹ್ಮಣ್ಯ ಪ್ರಸಾದ್ ತಿಬಾರ್, ಭುವನಾಭಿರಾಮ ಉಡುಪ ಕಿನ್ನಿಗೋಳಿ, ರೋಟರಿ ಕ್ಲಬ್ ಕಿನ್ನಿಗೋಳಿ ಗುರ್ಕಾರ್ಲು ಸಾಯಿನಾಥ ಶೆಟ್ಟಿ, ಬಟ್ಟಕೋಡಿ ಪದ್ಮಶಾಲಿ ಕೋ-ಆಪರೇಟಿವ್ ಸೊಸೈಟಿ ಲಿ. ದ ಗುರ್ಕಾರ್ಲು ಪುರಂದರ ಡಿ. ಶೆಟ್ಟಿಗಾರ್, ಕೊಡತ್ತೂರು, ನವರಾತ್ರಿ ಮೆರವಣಿಗೆ ಸೇವಾ ಸಮಿತಿದ ಗುರ್ಕಾರ್ಲು ದಯಾನಂದ ಶೆಟ್ಟಿ, ಸುರಗಿರಿ ಯುವಕ ಮಂಡಲ ಗುರ್ಕಾರ್ಲು ಅಶ್ವಿನ್ ಆಳ್ವ, ವಿದ್ಯಾ ಶೆಟ್ಟಿ, ಐರಿನ್ ಡಿ’ಸೋಜ, ಮನ್ವಿತ್, ಮಲ್ಲಿಕಾ ಪ್ರಕಾಶ್, ಶಾಂತಿ ಭಟ್, ಶಮಿತ್ಯ ಪಾಲ್ ಪಡೆದಿತ್ತೆರ್.
ಸಂಘದ ಗುರ್ಕಾರ್ಲು ರಾಜೇಶ್ ಶೆಟ್ಟಿ ಎದ್ಕೊನಿಯೆರ್. ಹೇಮಂತ್ ಶೆಟ್ಟಿ, ಅನುಷ ಎಚ್ ಆಚಾರ್ಯ ಲೇಸ್ ನ್ ಸುಧಾರಿಕೆ ಮಲ್ತೆರ್. ತಿಲಕ್ ರಾಜ್ ಶೆಟ್ಟಿ ಕಜೆಮಾರ್ ಸೊಲ್ಮೆ ಸಂದಾಯೆರ್.
