ಮುಲ್ಕಿ: ಎಡ್ಡೆ ನಡತೆ, ಪ್ರಾಮಾಣಿಕತೆನೇ ಜೀವನ ಪಂದ್ ನಂಬಿನ ಪದ್ಮರಾಜ್ ಆರ್. ಪೂಜಾರಿ ಮೆರೆನ್ ಈ ಸರ್ತಿದ ಎಂಪೊ ಓಟುಡು ಗೆಂದಾವ ಪನ್ಪಿನವು ನಮ್ಮ ಬದ್ಧತೆ ಆವೊಡು ಪಂದ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪಂಡೆರ್.
ಮೇರ್ ಮುಲ್ಕಿ ಬಂಟರ ಭವನಡ್ ನಡತಿನ ಹಳೆಯಂಗಡಿ ಜಿಲ್ಲಾ ಪಂಚಾಯತ್ ಕ್ಷೇತ್ರ ಬೊಕ್ಕ ಮುಲ್ಕಿ ಪ.ಪಂಚಾಯತ್ ಕ್ಷೇತ್ರದ ಬೂತ್ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರೆನ ಸಭೆಟ್ಟ್ ಪಾತೆರಿಯೆರ್.
ನೆರ್ದ್ ದುಂಬುದ ಸರ್ತಿ ಯಾನ್ ವೋಟುಗು ಉಂತುದು ಸೋತಿತ್ತೆ, ಆಂಡ ಈ ಸರ್ತಿ ಅಂಚ ಆಯೆರೆ ಬಲ್ಲಿ, ಪದ್ಮರಾಜ್ ಆರ್. ಪೂಜಾರಿ ಮೇರ್ ಮಸ್ತ್ ಓಟುದ ಅಂತರಡ್ ಗೆಂದೊಡು ಪಂದ್ ಪಂಡೆರ್.
ಕಾಂಗ್ರೆಸ್ ಅಭ್ಯರ್ಥಿ ಪದ್ಮರಾಜ್ ಆರ್. ಪೂಜಾರಿ ಪಾತೆರ್ದ್, ದ್ವೇಷಪೂರಿತ ವಾತಾವರಣನ್ ನಮ ದೂರ ಮಲ್ಪೊಡು, ಜಿಲ್ಲೆಗ್ ಅಂಟಿನ ಕೋಮು ದ್ವೇಷದ ಹಣೆಪಟ್ಟಿನ್ ದೆತ್ತ್ ದ್, ಪ್ರೀತಿ ಪಟ್ಟುನ ಕೆಲಸ ನಡಪೊಡು. ನೆತ್ತೊಟ್ಟಿಗೆ ಕಾಂಗ್ರೆಸ್ ಸರಕಾರದ ಗ್ಯಾರೆಂಟಿದೊಟ್ಟಿಗೆ ಸುಮಾರ್ ಜನಪರ ಯೋಜನೆನ್ ಜನಕ್ಲೆನ ಇಲ್ಲ ಬಾಕಿಲ್ ಗ್ ಎತ್ತಾದ್, ಜನಕುಲು ಬದಲಾವಣೆ ಬಯಸ್ ದೆರ್. ಖಂಡಿತವಾದ್ಲ ದ.ಕ. ಜಿಲ್ಲೆಡ್ ಕಾಂಗ್ರೆಸ್ ಜಯ ಸಾಧಿಸಾಡ್ ಪಂದ್ ಪಂಡೆರ್.
ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಮುಲ್ಕಿ ಪ್ರಜಾಪ್ರತಿನಿಧಿ ಅಧ್ಯಕ್ಷೆರ್ ಜನಾರ್ದನ ಬಂಗೇರ, ಪ್ರಜಾಪ್ರತಿನಿಧಿ ಕಿನ್ನಿಗೋಳಿ ಅಧ್ಯಕ್ಷೆರ್ ಪ್ರಮೋದ್, ಕೆಪಿಸಿಸಿ ಸದಸ್ಯೆರ್ ವಸಂತ ಬೆರ್ನಾಡ್, ಬೆದ್ರ ನಗರ ಪಂಚಾಯತ್ ಸದಸ್ಯೆರ್ ಸುರೇಶ್ ಕೋಟ್ಯಾನ್ ಪಾಲ್ ಪಡೆದಿತ್ತೆರ್.
pallavi shetty