April 19, 2024

ಸಹಕಾರ ವ್ಯವಸ್ಥೆಡ್ ಇತ್ತ್ ದ್ ಸ್ವಾವಲಂಬನೆದ ಜೀವನ ಮಲ್ಪುಲೆ: ವಿದ್ಯಾರ್ಥಿಲೆಗ್ ಎಚ್. ವಸಂತ್ ಬೆರ್ನಾರ್ಡ್ ಸಲಹೆ

ದೇಶದ ಆರ್ಥಿಕ ವ್ಯವಸ್ಥೆಡ್ ಮಲ್ಲ ಪಾತ್ರ ಒಯಿಸೊನ್ನ ಸಹಕಾರಿ ಕ್ಷೇತ್ರಡ್ ಸಾಧನೆ ಮಲ್ತ್‌ದ್ ಸ್ವಾವಲಂಬನೆದ ಜೀವನ ನಡಪಾಲೆ ಪಂದ್ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ಪಂಡೆರ್.

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಬೇತೆ ಬೇತೆ ಶಾಖೆಲೆಡ್ ಪ್ರಾಯೋಗಿಕ ಅಧ್ಯಯನ ತರಬೇತಿ ಪಡೆಯಿನ ಹಳೆಯಂಗಡಿ ಪ್ರಥಮ ದರ್ಜೆ ಕಾಲೇಜ್ ದ ವಿದ್ಯಾರ್ಥಿಲೆಗ್ ಪ್ರಮಾಣ ಪತ್ರ ಪಟ್ಟುನ ಲೇಸ್ ಡ್ ಆರ್ ಪಾತೆರಿಯೆರ್.

ಕಾಲೇಜ್ ದ ಅಂತಿಮ ಡಿಗ್ರಿದ ಒಟ್ಟು 18 ವಿದ್ಯಾರ್ಥಿಲು ಅಧ್ಯಯನ ತರಬೇತಿಡ್ ಪಾಲ್ ಪಡೆದಿತ್ತೆರ್. ಬಿಕಾಂ ವಿಭಾಗರ್ದ್ 12, ಬಿಬಿಎ ವಿಭಾಗರ್ದ್ 4 ಅಂಚೆನೆ ಎಂಕಾಂ ವಿಭಾಗರ್ದ್ 2 ಜನ ವಿದ್ಯಾರ್ಥಿಲು ನೆಟ್ಟ್ ಪಾಲ್ ಪಡೆದಿತ್ತೆರ್.

ಸೊಸೈಟಿದ ಮುಖ್ಯ ಕಾರ್ಯನಿರ್ವಾಣಾಧಿಕಾರಿ ಸುದರ್ಶನ್ ಮೇರ್ ಎದ್ಕೊಂದು ಸೊಲ್ಮೆ ಸಂದಾಯೆರ್.

ಎ.21: ನಾಂಜಾರು ಶ್ರೀ ಧರ್ಮ‌ ಜಾರಂದಾಯ ದೇವಸ್ಥಾನಡ್ ವರ್ಷದ ಬಂಡಿ ನೇಮ

ಪಣಿಯೂರು: ನಾಂಜಾರು ಶ್ರೀ ಧರ್ಮ‌ ಜಾರಂದಾಯ ದೇವಸ್ಥಾನಡ್ ವರ್ಷದ ಬಂಡಿ ನೇಮ ಬೊಕ್ಕ ಅನ್ನ ಪ್ರಸಾದ ಸೇವೆ ಎ.21 ಐತಾರ ನಡಪರೆ ಉಂಡು.

ಮಧ್ಯಾಹ್ನ ದೊಂಪ ಏರಿಯೆರೆ, ಬಯ್ಯಗ್ ಭಂಡಾರ ಜಪ್ಪೆರೆ, ಬೊಕ್ಕ ಬೊಳ್ಳಿದ ಅಣಿತ್ತ ಮೆರವಣಿಗೆ ರಾತ್ರೆ ಅನ್ನ ಪ್ರಸಾದ ಸೇವೆ, ಸಿರಿ-ಸಿಂಗಾರದ ನೇಮ, ಶ್ರೀ ಧರ್ಮ ಜಾರಂದಾಯನ ಬಂಡಿ ಸವಾರಿಡ್ ಎಲ್ಲೂರು ಉಳ್ಳಾಯನ ಭೇಟಿ, ಧರ್ಮ ಜಾರಂದಾಯ ಬೊಕ್ಕ ಪಣಿಯೂರು ಶ್ರೀ ಬಬ್ಬುಸ್ವಾಮಿ ದೈವದ ಭೇಟಿ ನಡಪರೆ ಉಂಡು ‌

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ನಾಂಜಾರ್ ಸಾನದಮನೆ ಕುಟುಂಬಸ್ಥೆರ್, ನಾಂಜಾರ್ ಶ್ರೀ ಧರ್ಮ ಜಾರಂದಾಯ ಸೇವಾ ಸಮಿತಿದ ಅಧ್ಯಕ್ಷೆರ್ ನಡಿಮನೆ ಸುಕುಮಾರ್ ಶೆಟ್ಟಿ, ಪದುಕೆರ್ ಬೊಕ್ಕ ಸರ್ವಸದಸ್ಯೆರ್, ಗುತ್ತಿನಾರ್ ಯೋಗೀಶ್ ಶೆಟ್ಟಿ ಪಣಿಯೂರು ಗುತ್ತು ಲೆಪ್ಪೋಲೆಡ್ ತೆರಿಪಾದೆರ್.

ಎ.19-24: ಕೇಪ್ಲಾಜೆ ಶ್ರೀ ಮಹಾಮ್ಮಾಯಿ ದೇವಿಗುಡಿಟ್ಟ್ ಬ್ರಹ್ಮಕಲಶಾಭಿಷೇಕ, ಕಾಲಾವಧಿ ಮಾರಿಪೂಜೆ

ಕಾರ್ಲ: ಕೇಪ್ಲಾಜೆ ಶ್ರೀ ಮಹಾಮ್ಮಾಯಿ ದೇವಿಗುಡಿಟ್ಟ್ ಬಿಂಬ ಪುನರ್ ಪ್ರತಿಷ್ಠಾಪನೆ, ಶ್ರೀ ಉಚ್ಚಂಗಿ ಧರ್ಮ ದೈವೊಲೆನ ಪ್ರತಿಷ್ಠಾಪನೆ ಬೊಕ್ಕ ಬ್ರಹ್ಮಕಲಶಾಭಿಷೇಕ, ಕಾಲಾವಧಿ ಮಾರಿಪೂಜೆ ನಡಪರೆ ಉಂಡು.

ಈ ಲೇಸ್ ಶ್ರೀ ಕಾಂತೇಶ್ವರ ದೇವಸ್ಥಾನದ ಪ್ರಧಾನ ಅರ್ಚಕೆರ್ ಕೃಷ್ಣಮೂರ್ತಿ ಭಟ್ರೆನ ಮುತಾಲಿಕೆಡ್, ಎಡಪದವು ಶ್ರೀ ವೆಂಕಟೇಶ ತಂತ್ರಿಲೆನ ಮಾರ್ಗದರ್ಶನಡ್ ನಡಪರೆ ಉಂಡು.

ಎ.19 ಸುಕ್ರಾರ (ಇನಿ) ಬೊಲ್ಪುಗು ಸಾಮೂಹಿಕ ಪ್ರಾರ್ತನೆ, ತೋರಣ ಮೂರ್ತ, ಉಗ್ರಾಣ ಮೂರ್ತ ನಡತ್ಂಡ್. ಬಯ್ಯಗ್ ಪುದೆಕಾಣಿಕೆ ಮೆರವಣಿಗೆ, ಧಾರ್ಮಿಕ ಸಭೆ, ಸಾಂಸ್ಕೃತಿಕ ಲೇಸ್ ಒರಿಯೆ ನಾಟಕ, ರಾತ್ರೆ ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಎ.20 ಸನಿಯಾರ ಬೊಲ್ಪುಗು ನವಗ್ರಹಯಾಗ, ಮೃತ್ಯುಂಜಯ ಯಾಗ, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ ಬಯ್ಯಗ್ ರಾಕ್ಷೋಘ್ನ ಹೋಮ, ವಾಸ್ತುಪೂಜೆ, ವಾಸ್ತುಹೋಮ, ವಾಸ್ತುಬಲಿ, ಧಾರ್ಮಿಕ ಸಭೆ, ಸಾಂಸ್ಕೃತಿಕ ಲೇಸ್ ಪಿರವುಡು ಒರಿ ಉಲ್ಲೆ..! ನಾಟಕ, ರಾತ್ರೆ ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಎ.21 ಐತಾರ ಬೊಲ್ಪುಗು ಶಿಖರ ಪ್ರತಿಷ್ಠಾಪನೆ, ಶ್ರೀ ಮಹಮ್ಮಾಯಿ ದೇವಿನ ಗದ್ದಿಗೆ ಬೊಕ್ಕ ಬಿಂಬ ಪ್ರತಿಷ್ಠೆ‌, ಪ್ರಸನ್ನ ಪೂಜೆ, ಚಂಡಿಕಾಯಾಗ, ದೈವೊಲೆನ ಪ್ರತಿಷ್ಠೆ, ಕಲಶಾಭಿಷೇಕ, ಪರ್ವಸೇವೆ, ಮಹಾಪೂಜೆ ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ಬಯ್ಯಗ್ ದುರ್ಗಾನಮಸ್ಕಾರ ಪೂಜೆ, ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್, ನೃತ್ಯ ವೈಭವ ರಾತ್ರೆ ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಎ.22 ಸೋಮಾರ ಬೊಲ್ಪುಗು 252 ಪರಿಕಲಶಾಭಿಷೇಕ, ಬ್ರಹ್ಮಕುಂಭಾಭಿಷೇಕ, ಅಲಂಕಾರ ಪೂಜೆ, ಆಶ್ಲೇಷಾ ಬಲಿ ಮಧ್ಯಾಹ್ನ ಮಹಾಪೂಜೆ, ದೇವಿಪಾತ್ರಿ ದರ್ಶನ, ಪಲ್ಲಪೂಜೆ, ಅನ್ನ ಪ್ರಸಾದ ಸೇವೆ, ಸಂಗೀತ ಗಾನ ಸಂಭ್ರಮ ಬಯ್ಯಗ್ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್ ನೃತ್ಯರೂಪಕ ನಾರಸಿಂಹ ನಡಪರೆ ಉಂಡು.

ಎ.23 ಅಂಗಾರೆ ಕಾಲಾವಧಿ ಮಾರಿಪೂಜೆ ಉಚ್ಚಯ, ರಾತ್ರೆ ಬಿಂಬ ಪ್ರತಿಷ್ಠೆ, ಪ್ರತಿಷ್ಠಾಪನ ಪೂಜೆ, ದೇವಿ ದರ್ಶನ, ಭಕುತಿ ಭಾವ ಸಂಗಮ, ಅಣ್ಣಪ್ಪ ದೈವೊದ ನೇಮ ನಡಪರೆ ಉಂಡು.

ಎ.24 ಬುದಾರ ಬೊಲ್ಪುಗು ಗುಳಿಗ ದೈವೊದ ನೇಮ, ಬಯ್ಯಗ್ ಮಹಾಪೂಜೆ, ದೇವಿನ ದರ್ಶನ, ದರ್ಶನ ಬಲಿ ನಡಪರೆ ಉಂಡು.

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್, ಗಂಧ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿ, ಬ್ರಹ್ಮಕಲಶ ಉಚ್ಚಯ ಸಮಿತಿ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.24: ಯೋಗಿ ಆದಿತ್ಯನಾಥ್ ಒಡಿಪು ಭೇಟಿ

ಒಡಿಪು, ಚಿಕ್ಕಮಗಳೂರು ಕ್ಷೇತ್ರಡ್ ಪಕ್ಷನ್ ಗೆಂದಾವುನ ಅವಕಾಶನ್ ಎಚ್ಚ‌ ಮಲ್ಪೆರೆ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಎ.24 ಕ್ಕ್ ಒಡಿಪು ಜಿಲ್ಲೆಗ್ ಭೇಟಿ ಕೊರ್ದು ಅಕೇರಿದ ದಿನತ್ತ ವೋಟುದ ಪ್ರಚಾರ ಸಭೆಟ್ಟ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಬಿಜೆಪಿ ಮಂಗಳೂರು ವಿಭಾಗದ ಪ್ರಭಾರಿ ಉದಯಕುಮಾರ್ ಶೆಟ್ಟಿ ಪಂಡೆರ್.

ಒಡಿಪುಡು ಮೇರ್ ಸುದ್ದಿಗೋಷ್ಠಿಡ್ ಪಾತೆರ್ದ್, ಆದಿತ್ಯನಾಥ್ ಮೆರೆನ ಕಾರ್ಯಕ್ರಮದ ವಿವರ ನನಲ ಅಕೇರಿ ಆತಿಜಿ. ಆಂಡ ಜಿಲ್ಲೆಡ್ ಅರೆನ ಪ್ರವಾಸ ನಿಘಂಟಾತ್ಂಡ್ ಪಂದ್ ಪಂಡೆರ್.

ಏ.21, 22: ಮಾಡತ್ತಾರು ತರವಾಡ್ ಇಲ್ಲಲ್ ಶ್ರೀ ದೈವೊಲೆನ ಧರ್ಮ ನೇಮ

ವಿಟ್ಲ: ಮಾಡತ್ತಾರು ತರವಾಡು ಇಲ್ಲಲ‌್ ಶ್ರೀ ದೈವೊಲೆನ ಧರ್ಮ ನೇಮ ಏ.21 ಬೊಕ್ಕ 22 ಕ್ಕ್ ನಡಪರೆ ಉಂಡು.

ಏ.21 ಕ್ಕ್ ಬೊಲ್ಪುಗು ಗಣಹೋಮ, ನಾಗ ತಂಬಿಲ, ವೆಂಕಟ್ರಮಣ ಸೇವೆ, ರಾತ್ರೆ ಕಲ್ಲುರ್ಟಿ, ಕೊರತಿ, ರಾಹು ಬೊಕ್ಕ ವರ್ಣರ ಪಂಜುರ್ಲಿ ದೈವೊಲೆಗ್ ಎಣ್ಣೆ ಕೊರಿ ಬೊಕ್ಕ ಅನ್ನ ಪ್ರಸಾದ ಸೇವೆ, ಶ್ರೀ ದೈವೊಲೆನ ನೇಮ, ಗಂಧ ಪ್ರಸಾದ ವಿತರಣೆ ನಡಪರೆ ಉಂಡು.

ಏ.22 ಕ್ಕ್ ಬೊಲ್ಪುಗು ಶ್ರೀ ರಕ್ತೇಶ್ವರಿ ಬೊಕ್ಕ ಗುಳಿಗ ದೈವೊಲೆನ ನೇಮ, ಗಂಧ ಪ್ರಸಾದ ವಿತರಣೆ ಬೊಕ್ಕ ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ರಾಜ್ಯದ 16 ಜಿಲ್ಲೆಡ್ ಭಾರೀ ಬರ್ಸ: 2 ಜನ ಮರಣ

ರಾಜ್ಯದ 16 ಜಿಲ್ಲೆಡ್ ಕೋಡೆ ಭಾರೀ ಬರ್ಸ ಬೈದ್ಂಡ್. 2 ಜನ ತೀರ್ ಪೋತೆರ್.

30 ರ್ದ್ ಎಚ್ಚ ಕೈಕಂಜಿಲು ಸೈದ್ಂಡ್. ಕೊಪ್ಪಳ ಜಿಲ್ಲೆಡ್ ರೈತ ಸಿದ್ದಯ್ಯ ಗುರು (32) ತೆಡಿಲ್ ಹಾಕ್ ದ್ ಸೈತೆರ್, ತೀರ್ಥಹಳ್ಳಿಡ್ ಮೇಲ್ ಗ್ ಮರ ಬೂರ್ದು ಜಯಂತ ಭಟ್ (64) ತೀರ್ ಪೋತೆರ್. ಧಾರವಾಡ, ಹಾವೇರಿ, ಗದಗ, ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಕೊಪ್ಪಳ, ವಿಜಯನಗರ, ಚಿಕ್ಕಮಗಳೂರು, ಶಿವಮೊಗ್ಗ, ಚಿಕ್ಕಬಳ್ಳಾಪುರ, ಹಾಸನ, ಮಂಡ್ಯ, ಬೆಂ.ಗ್ರಾಮಾಂತರಡ್ ಎಡ್ಡೆ ಬರ್ಸ ಬರಿಯೆರೆ ಉಂಡು.

ಗುಜರಾತ್ ಡ್ ಮಲ್ಲ ಗಾತ್ರದ ಉಚ್ಚುದ ಪಳೆಯುಳಿಕೆ ಪತ್ತೆ!

ಗುಜರಾತ್ ದ ಕಛ್ ಡ್ ಇಂಚೊ್ಉ ಭಾರಿ ಅಪರೂಪದ ಮಲ್ಲ ಗಾತ್ರದ ಉಚ್ಚುದ ಎಲುಬಲ್ಲೆ (ಪಳಿಯುಳಿಕೆ ) ಪತ್ತೆ ಆತ್ಂಡ್.

ಈ ಪಳಿಯುಳಿಕೆದ ಬಗೆಟ್ಟ್ IIT ರೂರ್ಕಿ ಅಧ್ಯಯನ ತಂಡ ಕುತೂಹಲಕಾರಿ ಮಾಹಿತಿ ಕೊರ್ತುಂಡು.

ಉಂದು ಒಂಜಿ ಕಾಲಡ್ ಪ್ರಪಂಚದ ಮಲ್ಲ ಉಚ್ಚುದ ಬೆರಿತ್ತ ಎಲುತ್ತ ಭಾಗ ಆತ್ಂಡ್. ಅಲಿಯಂತ್ರದ ಪಜ್ಜೆಡ್ ಇಪ್ಪುನ ಮ್ಯಾಡ್ಟ್ಯೊಯಿಡೆ ಜಾತಿಗ್ ಸೇರಿನ ಈ ಉಚ್ಚು 11-15 ಮೀಟರ್ (36-49 ಅಡಿ) ಉದ್ದ ಉಂಡು. ಪೊಸತಾದ್ ಗುರುತಿಸಾಯಿನ ಈ ಉಚ್ಚುಗು ಸಂಶೋಧಕೆರ್ ವಾಸುಕಿ ಇಂಡಿಕಸ್ ಪಂದ್ ಪುದರ್ ದೀತೆರ್.