ದುಬೈ : ದುಮೆಖ್ (Dumec) ಸಂಸ್ಥೆದ ಪ್ರಾಯೋಜಕತ್ವಡ್ ಯಕ್ಷ ಯೋಧಾಸ್ ಮೂಜನೇ ವರ್ಷದ ಯಕ್ಷ ಪ್ರೀಮಿಯರ್ ಲೀಗ್-2024 (YPL -2024) ಕ್ರಿಕೆಟ್ ಪಂತೋ ಫೆಬ್ರವರಿ 25 ತಾನಿ ಅಜ್ಮಾನ್ ದ ಒವಲ್ ಗ್ರೌಂಡ್ ಡ್ ಕಾಂಡೆ 8.30 ರ್ದ್ ನಡಪೆರೆ ಉಂಡು. ನೆತ್ತ YPL ಟ್ರೋಫಿ, ಟೂರ್ನಮೆಂಟ್ ಫಿಕ್ಸರ್ಸ್ ಬೊಕ್ಕ ಸಮವಸ್ತ್ರ ಬುಡುಗಡೆ ಲೇಸ್ ಇಂಚಿಪಗ್ ಪೇಂಟೆದ ಕ್ಯಾಪಿಟಲ್‌ ದ ಬಿ.ಟೌನ್ ಹೋಟೆಲ್ ಡ್ ನಡತ್ಂಡ್.
ಕ್ರಿಕೆಟ್ ಟೂರ್ನಮೆಂಟ್ ಡ್ ಗೊಬ್ಬುನ ಪತ್ತ್ ತಂಡದ ಮಾಲಕೆರ್ ಬೊಕ್ಕ ನಾಯಕೆರ್ ತುಡರ್ ಅರ್ಲಾದ್ ಲೇಸ್ ಗ್ ಚಾಲನೆ ಕೊರಿಯೆರ್. ಬೊಕ್ಕ ಪತ್ತ್ ತಂಡದ ಸಮವಸ್ತ್ರ,ಪಂದ್ಯಾಟದ ಫಿಕ್ಸರ್ಸ್(Fixtures) ಬಿಡುಗಡೆ ಮಲ್ತೆರ್.ಬೊಕ್ಕ YPL-2024 ಟೂರ್ನಮೆಂಟ್ ದ ಟ್ರೋಫಿನ್ ಅನಾವರಣ ಮಲ್ತೆರ್.
ಯಕ್ಷ ಯೋಧಾಸ್ ಸಂಸ್ಥೆದ ಪದಾಧಿಕಾರಿಲು ದಿನೇಶ್ ಶೆಟ್ಟಿ ಕೊಟ್ಟಿಂಜ,ಸಂದೀಪ್ ಶೆಟ್ಟಿ, ಬಾಲಕೃಷ್ಣ ಶೆಟ್ಟಿ,ಗಗನ್ ಶೆಟ್ಟಿ, ಪ್ರಖ್ಯತ್ ಶೆಟ್ಟಿ,ವಿಕ್ಕಿ ಶೆಟ್ಟಿ,ವಸಂತ ಶೆಟ್ಟಿ, ಜಯಾನಂದ ಪಕಳ,ಬಾಲಕೃಷ್ಣ ಶೆಟ್ಟಿಗಾರ್,ಕೌಶಿಕ್ ಶೆಟ್ಟಿ,ಪ್ರತೀಥ್,ಜೀವನ್ ಶೆಟ್ಟಿ ಈ ಪೊರ್ತುಡು ಇತ್ತೆರ್. ಶಿವಪ್ರಸಾದ್ ಲೇಸ್ ದ ಸುದಾರಿಕೆ ಮಲ್ತೆರ್. ದಿನೇಶ್ ಶೆಟ್ಟಿ ಕೊಟ್ಟಿಂಜ ಬತ್ತಿ ಬಿನ್ನೆರೆನ್ ಎದ್ಕೊಂದು , ಸೊಲ್ಮೆ ಸಂದಾಯ ಮಲ್ತೆರ್. ಟೂರ್ನಮೆಂಟ್ ಡ್ ಪಾಲ್ ಪಡೆಪುನ ಟೀಮ್: ವಿದವರ್ ಬಾಯ್ಸ್, ಟೀಮ್ ಎಲಿಗೆಂಟ್ ಕುಡ್ಲ, ಕಟೀಲ್ ಫ್ರೆಂಡ್ಸ್, ಶ್ರೀ ಕಟೀಲ್, ಫ್ರೆಂಡ್ಸ್ ಉಡುಪಿ, ಯಕ್ಷ ಯೋಧಾಸ್ A,ಯಕ್ಷ ಯೋಧಾಸ್ B,ಸೀ.ಬಾಯ್ಸ್, ಗಹನ್ ಕುಡ್ಲ ರಾಕರ್ಸ್,ಡೀಜೆ ನವೀನ್ ಕುಡ್ಲ ಈ ಟೀಂ ಪಾಲ್ ಪಡೆಯೆರೆ ಉಂಡು.
ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
Editorial