ಸುಬ್ರಹ್ಮಣ್ಯ ಫೆ.17: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಒಳಾಂಗಣದ ಅರಿ ಕೊಟ್ಟಿಲು (ನೈವೇದ್ಯ ಕೋಣೆ) ದುರಸ್ತಿಡ್ ಇತ್ತ್ ದ್, ದುರಸ್ತಿ ಕಾರ್ಯ ಮುಗಿಯೊಂದು ಬೈದ್ಂಡ್. ಫೆ.24 ತಾನಿ ಶನಿವಾರ ದೇವಳದ ವಾರ್ಷಿಕ ಬ್ರಹ್ಮ ಕಳಸೋತ್ಸವದ ವಾರ್ಷಿಕ ದಿನತಾನಿ ಲೋಕಾರ್ಪಣೆ ಆವರೆ ಉಂಡು.
ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲು ಮೋಹನ್ ರಾಮ್ ಸುಳ್ಳಿ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್. ನೆತ್ತ ಅಂಗವಾದ್ ಫೆ.22 ತಾರೀಕ್ ದಾನಿ ಧಾರ್ಮಿಕ ವಿಧಿ ವಿಧಾನಲು ಸುರು ಆದ್ ಫೆ. 24 ತಾನಿ ಮುಕ್ತಾಯ ಆವೆರೆ ಉಂಡು. ಫೆ.22 ತಾನಿ ಗಣಪತಿ ಹವನ ,ವಾಸ್ತು ಪೂಜೆ, ವಾಸ್ತು ಬಲಿ ನಡಪೆರೆ ಉಂಡು.
ಫೆ. 23 ತಾನಿ ಕಾಂಡೆ ಪವಮಾನ ಹೋಮ, ಫೆ.24 ತಾನಿ 108 ಬೊಂಡ ಅಭಿಷೇಕ ಹೋಮ ಸಹಿತ 108 ಕಲಶ ರಾಧನೆ , ಕಲಶಾಭಿಷೇಕ, ಧಾರ್ಮಿಕ ಕಾರ್ಯಕ್ರಮಲು ನಡಪೆರೆ ಉಂಡು. ಬ್ರಹ್ಮ ಕಲಶೋತ್ಸವದ ವಾರ್ಷಿಕ ದಿನತಾನಿ ಉದ್ಯಮಿಲಾಯಿನ ಎಎಂಆರ್ ಗ್ರೂಪ್ ಹೈದರಾಬಾದ್ ಮುಲ್ಪದ ಮಹೇಶ್ ರೆಡ್ಡಿ ಶ್ರೀ ದೇವೆರೆಗ್ ಅಂದಾಜ್ ಒಂಜಿ ಕೋಟಿ ಬಿಲೆತ್ತ ಬಂಗಾರ್ದ ಪ್ರಭಾವಳಿನ್ ಸಮರ್ಪಣೆ ಮಲ್ಪರೆ ಉಲ್ಲೆರ್ ಪಂದ್ ತೆರಿಪಾಯೆರ್.