ಧರ್ಮಸ್ಥಳ: ಮ್ಯೂಚುವಲ್ ಫಂಡ್ ಡ್ ಬಂಡವಾಳ ಪಾಡುನೆರ್ದ್ ಬ್ಯಾಂಕ್ ರ್ದ್ ಎಚ್ಚ ಲಾಭ ತಿಕ್ಕುಂಡು. ಬೊಕ್ಕ ಅವು ಎಚ್ಚ ಸುರಕ್ಷಿತ ಆದ್ ಇಪ್ಪುಂಡು ಪಂದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ ಪಂಡೆರ್. ಆರ್ ಐತಾರ ಧರ್ಮಸ್ಥಳಡ್ ಬೆಂಗಳೂರುದ ಆರಾ ಆರ್ಥಿಕ ಸೇವಾ ಸಂಸ್ಥೆದ ವಿಡಿಯೋ ಬೊಕ್ಕ ಮಾಹಿತಿ ಪತ್ರ ಅನಾವರಣ ಮಲ್ತ್ ಪಾತೆರಿಯೆರ್.
ಆರಾ ಸೇವಾ ಸಂಸ್ಥೆ ಕರಿನ ರಡ್ಡ್ ವರ್ಷರ್ದ್ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆದ ಕಾರ್ಯಕರ್ತೆರೆಗ್ ಬಂಡವಾಳ ಹೂಡಿಕೆ ಮಲ್ಪುನ ಬಗೆಟ್ ಮಾಹಿತಿ, ಮಾರ್ಗದರ್ಶನ ಕೊರೊಂದು ಸಹಕಾರ ಕೊರೊಂದು ಉಲ್ಲೆರ್. ದೀರ್ಘಾವಧಿ ಹೂಡಿಕೆರ್ದ್ ಎಚ್ಚ ಲಾಭ ಪಡೆಯೊನೊಲಿ ಪಂದ್ ಪಂಡೆರ್. ಸಾರ್ವಜನಿಕರೆಗ್ ಬೋಡಾಯಿನ ಉಪಯುಕ್ತ ಮಾಹಿತಿ ಬೊಕ್ಕ ಸಲಹೆ, ವಿಡಿಯೋ ಬೊಕ್ಕ ಮಾಹಿತಿ ಪತ್ರಡ್ ಉಂಡು. ಧರ್ಮಸ್ಥಳ ಗ್ರಾ.ಯೋ. ಕಾರ್ಯನಿರ್ವಾಹಕ ನಿರ್ದೇಶಕೆರ್ ಡಾ.ಎಲ್.ಎಚ್ ಮಂಜುನಾಥ್, ಆರಾ ಸಂಸ್ಥೆದ ನಿರ್ದೇಶಕೆರ್ ಶ್ರೀಧರ ಭಟ್, ಹಿರಿಯ ಅಧಿಕಾರಿ ಪ್ರತೀಕ್ ಓರಾ ಬೊಕ್ಕ ಉಜಿರೆ ಶಾಖೆದ ಪ್ರಬಂಧಕೆರ್ ಜನಾರ್ದನ ಪಡ್ಡಿಲ್ಲಾಯ ಈ ಪೊರ್ತುಡು ಇತ್ತೆರ್.
niriksha