ದಿಲ್ಲಿ: ಕೇಂದ್ರ ಹಣಕಾಸು ಸಚಿವೆರ್ ನಿರ್ಮಲಾ ಸೀತಾರಾಮನ್ ಮೇರ್ ಇನಿ ಮಧ್ಯಂತರ ಬಜೆಟ್ ಮಂಡನೆ ಮಲ್ತ್‌ದಿತ್ತ್‌ದ್, ಲಕ್ಷದ್ವೀಪಡ್ ಪ್ರವಾಸೋದ್ಯಮ ಮೂಲಸೌಕರ್ಯಗ್ ಸರ್ಕಾರ ಕಾಸ್‌ದ ವ್ಯವಸ್ಥೆ ಮಲ್ಪರೆ ಉಂಡು ಪಂದ್ ತೆರಿಪಾಯೆರ್.
ಪೊಸ ವರ್ಷದ ಸುರುಟ್ಟ್ ಪ್ರಧಾನಿ ನರೇಂದ್ರ ಮೋದಿ ರಡ್ಡ್ ದಿನ ಲಕ್ಷದ್ವೀಪ ಪ್ರವಾಸಗ್ ಪೋದಿತ್ತ್‌ದ್ ಮಸ್ತ್ ಸುದ್ದಿಯಾದಿತ್ತೆರ್. ಅವೆರ್ದ್ ಬೊಕ್ಕ ಮಾಲ್ಡೀವ್ಸ್ ಮೋದಿನ ವಿರುದ್ಧ ಟ್ವೀಟ್ ಮಲ್ತ್‌ದಿತ್ತ್ಂಡ್. ಇತ್ತೆ ಬಜೆಟ್‌ಡೆ ಲಕ್ಷದ್ವೀಪ ಅಭಿವೃದ್ಧಿ ಬಗೆಟ್ ಘೋಷಣೆ ಮಲ್ತ್‌ದ್ ಮಾಲ್ಡೀವ್ಸ್‌ಗ್ ಬೆಚ್ಚ ಮುಟ್ಟಾದೆರ್.
ಲಕ್ಷದ್ವೀಪ ಪನ್ಪಿನ ಪ್ರವಾಸಿ ಸ್ವರ್ಗದ ಬಗೆಟ್ ಜನಕ್ಲೆಗ್ ಆತ್ ಗೊತ್ತಿಜ್ಜಾಂಡ್. ಆಂಡ ಇತ್ತೆ ಲಕ್ಷದ್ವೀಪಗ್ ಮಸ್ತ್ ಪ್ರವಾಸಿಗೆರ್ ಪೋವೊಂದುಲ್ಲೆರ್. ಮುಲ್ಪ ಮೂಲಸೌಕರ್ಯಗ್ ಸರ್ಕಾರ ಕಾಸ್‌ದ ವ್ಯವಸ್ಥೆ ಮಲ್ಪರೆ ಉಂಡು ಪಂದ್ ಬಜೆಟ್‌ಡ್ ಘೋಷಣೆ ಮಲ್ತೆರ್.
Editorial