2023-2025ನೇ ಸಾಲ್‌ದ ಶ್ರೀ ದುರ್ಗಾ ಫ್ರೆಂಡ್ಸ್ ಕ್ಲಬ್(ರಿ.) ನೆತ್ತ ಪೊಸ ಪದಾಧಿಕಾರಿಲೆನ ಪದಗ್ರಹಣ ಸಮಾರಂಭ

ಶ್ರೀ ದುರ್ಗಾ ಫ್ರೆಂಡ್ಸ್ ಕ್ಲಬ್ (ರಿ.) ಕೆಮ್ಮಣ್ಣು, ನಿಟ್ಟೆ ನೆತ್ತ 2023-2025 ನೇ ಸಾಲ್‌ದ ಪೊಸ ಪದಾಧಿಕಾರಿಲೆನ ಪದಗ್ರಹಣ ಸಮಾರಂಭ ಇಂಚಿಪಗ್ ನಿಟ್ಟೆ ಕೆಮ್ಮಣ್ಣು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಬಯಲು ರಂಗಮಂದಿರಡ್‌ ನಡತ್‌ಂಡ್.

ಗ್ರಾಮೀಣ ಪ್ರದೇಶಡ್ ಕ್ರೀಡೆ, ಧಾರ್ಮಿಕ, ಶೈಕ್ಷಣಿಕ, ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಚಟುವಟಿಕೆಡ್ ಸಕ್ರಿಯವಾದ ಬೇಲೆ ಮಲ್ತೊಂದು ಇಪ್ಪುನ ಈ ಸಂಸ್ಥೆ ಕರಿನ ಮಸ್ತ್ ವರ್ಷರ್ದ್ ರಾತ್ರೆ ಪಗೆಲ್ ಕ್ರಿಕೆಟ್ ಪಂದ್ಯಾಟನ್ ಗ್ರಾಮೀಣ ಬೊಕ್ಕ ತಾಲೂಕು ಮಟ್ಟಡ್ ಆಯೋಜನೆ ಮಲ್ಪುನ ಒಟ್ಟಿಗೆ ಇಂಚಿಪಗ್ ದೀಪಾವಳಿ ಟ್ರೋಫಿ ಪುದರ್‌ದ ವಿಶಿಷ್ಟ ಪರಿಕಲ್ಪನೆದ ಮುಖೆನ ಊರುದ ಹಿರಿ ಕಿರಿಯ ಪ್ರತಿಭೆಲೆನ್ ಪ್ರೋತ್ಸಾಹ ಕೊರ್ಪುನ ನಿಟ್ಟ್‌ಡ್‌ ಪುಗರ್ತೆನ್‌ ಪಡೆಯೊಂದುಂಡ್. ‌ ಕರಿನ ಸುಮಾರು 30 ವರ್ಷಗಳಿಂದ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, ಸ್ಥಳೀಯ ಶೈಕ್ಷಣಿಕ, ಕ್ರೀಡಾ ಸಾಮಾಜಿಕ ಕ್ಷೇತ್ರದ ಸಾಧಕೆರೆಗ್ ಪ್ರೋತ್ಸಾಹ, ಊರುದ ಜನಕ್ಲೆಗ್ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮ, ಶ್ರೀ ಕೃಷ್ಣ ಜನ್ಮಾಷ್ಟಮಿಯ ಪ್ರಯುಕ್ತ ಮೊಸರು ಕುಡಿಕೆ, ಸ್ವಚ್ಛತಾ ಆಂದೋಲನ ಇಂಚಿನ ಬೇತೆ ಬೇತೆ ಕಾರ್ಯಕ್ರಮನ್‌ ಮಲ್ತೊಂದು ಜನಕ್ಲೆನ ಮೆಚ್ಚುಗೆಗ್‌ ಪಾತ್ರರಾತೆರ್.‌

ಸಂಸ್ಥೆ ಕರಿನ ವರ್ಷಡ್ ಸುಮಾರ್ ಅಧ್ಯಕ್ಷೆರೆನ್‌ ತೂದು, ಅಕುಲ್‌ ಮಾತ ಅಕುಲ್‌ನನೆ ದೂರದೃಷ್ಟಿದ ಕಾರ್ಯಕ್ರಮನ್ ಕಾರ್ಯಗತ ಮಲ್ಪೆರೆ ಪ್ರಯತ್ನ ಮಲ್ತ್‌ದೆರ್. 2023- 2025ನೇ ಸಾಲ್‌ದ ಅಧ್ಯಕ್ಷೆರಾದ್ ನಿಟ್ಟೆ ತಾಂತ್ರಿಕ ಸಂಸ್ಥೆದ ಸಿವಿಲ್ ಇಂಜಿನಿಯರಿಂಗ್ ವಿಭಾಗದ ಅಸಿಸ್ಟೆಂಟ್ ಪ್ರೊಫೆಸರ್ ಪ್ರಶಾಂತ್ ಕುಮಾರ್, ಉಪಾಧ್ಯಕ್ಷೆರಾದ್ ಸತೀಶ್ ಶೆಟ್ಟಿ, ಕಾರ್ಯದರ್ಶಿಯಾದ್ ಕೃಷ್ಣಾನಂದ್ ರಾವ್, ಕೋಶಾಧಿಕಾರಿಯಾದ್ ಗಣೇಶ್ ಭಟ್, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಸಂತೋಷ್ ಶೆಟ್ಟಿ, ಕ್ರೀಡಾ ಕಾರ್ಯದರ್ಶಿ ದೀಪಕ್, ಧಾರ್ಮಿಕ ಕಾರ್ಯದರ್ಶಿ ಹರೀಶ್ ಆಚಾರ್ಯ, ಸಂಘಟನಾ ಕಾರ್ಯದರ್ಶಿ ಉಮೇಶ್ ಕೋಟ್ಯಾನ್ ಬೊಕ್ಕ ಶೈಕ್ಷಣಿಕ ಕಾರ್ಯದರ್ಶಿಯಾದ್ ಪ್ರಕಾಶ್ ಸಾಲ್ಯಾನ್ ಆಯ್ಕೆಯಾತೆರ್.‌ ಪೊಸ ಪದಾಧಿಕಾರಿಲೆನ ಪದಪ್ರಧಾನ ಅಧಿಕಾರಿಯಾದ್‌ ಪಾಲ್‌ ಪಡೆನ ಕಾರ್ಲ ತಾಲೂಕು ಯುವ ಜನ ಸೇವಾ ಕ್ರೀಡಾ ಇಲಾಖಾಧಿಕಾರಿ ಸಂತೋಷ್ ಕುಮಾರ್ ಶೆಟ್ಟಿ ಗ್ರಾಮೀಣ ಪ್ರದೇಶದ ಪ್ರಸ್ತುತ ಕ್ಲಬ್‌ದ ಕಾರ್ಯಕ್ರಮನ್‌ ಪುಗರ್ದ್ ಪೊಸ ನೂತನ ಪದಾಧಿಕಾರಿಲೆಗ್ ಶುಭ ಹಾರೈಸಾಯೆರ್.‌

ಮಲ್ಲ ಬಿನ್ನೆರಾದ್ ನಿಟ್ಟೆ ಪಾಲಿಟೆಕ್ನಿಕ್ ಕಾಲೇಜ್‌ದ ಪ್ರಾಂಶುಪಾಲೆರ್ ಪ್ರಶಾಂತ್ ಕುಮಾರ್ ಹೊಳ್ಳ ಪಾತೆರ್ದ್ ಯಾನ್ ಈ ಸಂಸ್ಥೆದ ಕಾರ್ಯ ಚಟುವಟಿಕೆನ್‌ ಮುಟ್ಟಡ್‌ ತೂತೆ, ಇದಮುಟ್ಟದಲೆಕನೇ ನನ ದುಂಬುಗುಲಾ ಎನಾಡ್ದಾಪಿನ ಸಕಾಯ ಕೊರ್ಪೆ ಪನ್ಪಿನ ಭರವಸೆ ವ್ಯಕ್ತಪಡಿಸಾಯೆರ್. ಪೊಸ ಅಧ್ಯಕ್ಷೆರ್ ಪ್ರಶಾಂತ್ ಕುಮಾರ್ ಕೆ. ತನ್ನ ಕಲ್ಪನೆದ ದುಂಬುದ ಕಾರ್ಯಯೋಜನೆನ್ ಅನುಷ್ಠಾನ ಮಲ್ಪೆರೆ ಮಾತೆರ್ನ ಸಹಕಾರ ಕೇಂಡೆರ್. ಸಂಸ್ಥೆನ್‌ ದುಂಬು ಕನವೊಂದು ಬರೊಂದು ಇಪ್ಪುನ ಸ್ಥಾಪಕ ಅಧ್ಯಕ್ಷೆರ್ ಡಾ.ದಿಲೀಪ್ ಕುಮಾರ್ ಕೆ., ಡಾ.ರಘುನಂದನ್ ರಾವ್, ಸ್ಥಳೀಯ ಶಾಲಾಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ವಿ.ಶ್ರೀಧರ ಆಚಾರ್ಯ ಬೊಕ್ಕ ಸಂಸ್ಥೆದ ಹಿರಿಯ ಸದಸ್ಯೆರ್‌ ಇತ್ತೆರ್. ಕರಿನ ವರ್ಷದ ಅಧ್ಯಕ್ಷೆರ್ ಸುರೇಶ್ ಆಚಾರ್ಯ ಬತ್ತಿ ಬಿನ್ನೆರೆನ್‌ ಎದ್ಕೊಂಡೆರ್. ಕಾರ್ಯದರ್ಶಿ ಸುಧಾಕರ್ ಮಡಿವಾಳ ವರದಿ ವಾಚನ ಮಲ್ತೆರ್. ನೂತನ ಕಾರ್ಯದರ್ಶಿ ಕೃಷ್ಣಾನಂದ್ ರಾವ್ ಸೊಲ್ಮೆ ಸಂದಾಯ ಮಲ್ತೆರ್. ಸದಸ್ಯ ವಿಠಲ್ ಆಚಾರ್ಯ ಲೇಸ್‌ದ ಸುದಾರಿಕೆ ಮಲ್ತೆರ್. ಸಂಸ್ಥೆದ ಉಪಾಧ್ಯಕ್ಷೆರ್ ಸತೀಶ್ ಶೆಟ್ಟಿ ಕಾರ್ಯಕ್ರಮ ಸಂಯೋಜನೆ ಮಲ್ತೆರ್.