ಧರ್ಮ ಸಂರಕ್ಷಣ ಯಾತ್ರೆ ಸಮಿತಿದ ಗೌರವಾಧ್ಯಕ್ಷ ಬನ್ನೂರು ಅಪ್ಪಣ್ಣ ಹೆಗ್ಡೆ, ಸಂಚಾಲಕೆರ್ ಉಜಿರೆ ಶ್ರೀ ಜನಾರ್ದನ ದೇವಸ್ಥಾನದ ಆಡಳಿತ ಮೊಕ್ತಸರೆರ್ ಶರತ್‌ಕೃಷ್ಣ ಪಡುವೆಟ್ನಾಯ ಬೊಕ್ಕ ಬರೋಡದ ಉದ್ಯಮಿ ಶಶಿಧರ್ ಶೆಟ್ಟಿ ಸಾರಥ್ಯಡ್ ಅ. 28ರ ಕಾಂಡೆ 9.30ಕ್ಕ್ ಪ್ರಸಿದ್ಧ ದೇವೀ ಕ್ಷೇತ್ರವಾಯಿನ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನರ್ದ್‌ ಪಿದರ್ದ್ ಯಾತ್ರೆ ಬಯ್ಯ 6.10ಕ್ಕ್ ಕುಡ್ಲದ ಕದ್ರಿ ಶ್ರೀ ಮಂಜುನಾಥ ಸನ್ನಿಧಿಗ್‌ ಬರಿಯೆರೆ ಉಂಡು.
ಅ. 29ದಾನಿ ಕಾಂಡೆ 7ಕ್ಕ್ ಕದ್ರಿರ್ದ್‌ ಪಿದರ್ದ್ ಮಧ್ಯಾಹ್ನ 1ಕ್ಕ್ ಉಜಿರೆದ ಶ್ರೀ ಜನಾರ್ದನ ದೇವಸ್ಥಾನಗ್‌ ಬರಿಯೆರೆ ಉಂಡು. ಮಾತೆರೆಗ್‌ ವನಸ್‌ದ ವ್ಯವಸ್ಥೆ ಉಂಡು. ಅಲ್ಪರ್ದ್ ಮಧ್ಯಾಹ್ನ 2.30ಕ್ಕ್ ಉಭಯ ಜಿಲ್ಲೆದ ಪ್ರಮುಖ ಮಠಾಧೀಶೆರ್, ಸ್ವಾಮೀಜಿಲು, ಮಾತ ಪಕ್ಷದ ರಾಜಕೀಯ ಮುಖಂಡೆರ್, ಸಾತ್ವಿಕೆರ್ ಪಾದಯಾತ್ರೆದ ಮುಖೇನ ಶ್ರೀ ಕ್ಷೇತ್ರ ಧರ್ಮಸ್ಥಳದ ಮಂಜುನಾಥ ಸನ್ನಿಧಿಗ್‌ ಬತ್ತ್‌ದ್ ಪ್ರಾರ್ಥನೆದೊಟ್ಟಿಗೆ ಯಾತ್ರೆ ಸಂಪನ್ನ ಆವರೆ ಉಂಡು. ರೋಡ್‌ ಬದಲಾವಣೆ ಕುಡ್ಲರ್ದ್‌ ಬರ್ಪುನ ಗಾಡಿಲು ಬರುವ ಮದ್ದಡ್ಕ-ರೇಷ್ಮೆರೋಡ್- ಗೇರುಕಟ್ಟೆ-ಕೊಯ್ಯೂರು, ಬೆಳಾಲು ಮುಖಾಂತರ ಉಜಿರೆಗ್, ಮಡಂತ್ಯಾರು- ಕಲ್ಲೇರಿ-ಕುಪ್ಪೆಟ್ಟಿಗ್‌ ಬತ್ತ್‌ದ್ -ಶಿವನಗರ-ಬೈಪಾಡಿ ಮೂಲಕ ಉಜಿರೆಗ್. ಪುತ್ತೂರ್ದ್‌ ಬರ್ಪುನ ಗಾಡಿ ಕುಪ್ಪೆಟ್ಟಿ– ಶಿವನಗರ-ಬೈಪಾಡಿ ಮೂಲಕ ಉಜಿರೆಗ್, ಪುತ್ತೂರ್‌ರ್ದ್ ಗೇರುಕಟ್ಟೆ-ಕೊಯ್ಯೂರು (ಆದೂರು ಪೆರಲ)- ಬೆಳಾಲು ಮುಖಾಂತರ ಉಜಿರೆಗ್. ಕಾರ್ಲರ್ದ್‌ ಬರ್ಪುನ ಗಾಡಿ ಅಳದಂಗಡಿ-ಕೆದ್ದು ಸವಣಾಲು, ಶಿರ್ಲಾಲು ಮುಖಾಂತರ ಬೋಲ್ತೆರ್ ಉಜಿರೆಗ್, ಬೋಲ್ತೆರ್‌ರ್ದ್- ಕೊಯ್ಯೂರು-ಪಿಜಕ್ಕಲ -ಬೆಳಾಲು ಆದ್ ಉಜಿರೆಗ್.
Editorial