ಪುತ್ತೂರು ಶಾರದೋತ್ಸವ: ಪೇಂಟೆಡ್‌ ಲೆಪ್ಪೋಲೆ ಪಟ್ಟರೆ ಸುರು

ಪುತ್ತೂರು: ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವಠಾರದ ಕೈತಲ್‌ ಇಪ್ಪುನ ಶ್ರೀ ಶಾರದಾ ಭಜನಾ ಮಂದಿರಡ್ 89 ನೇ ವರ್ಷದ ನವರಾತ್ರಿ ಉಚ್ಚಯದ ಅಂಗವಾದ್ ನಡಪ್ಪುನ ಪುತ್ತೂರು ಶಾರದೋತ್ಸವ ಕಾರ್ಯಕ್ರಮದ ಲೆಪ್ಪೋಲೆ ಪತ್ರ ಪಟ್ಟುನ ಕಾರ್ಯಕ್ರಮ ಅ.12 ದಾನಿ ಪುತ್ತೂರು ಶಾರದೋತ್ಸವ ಸ್ವಾಗತ ಸಮಿತಿ ನೇತೃತ್ವಡ್ ನಡತ್‌ಂಡ್.‌
ಕಾಂಡೆ ದರ್ಬೆರ್ದ್ ಲೆಪ್ಪೋಲೆ ಪತ್ರ ಪಟ್ಟುನ ಕಾರ್ಯಕ್ರಮಗ್ ಕೇಂದ್ರ ಸಹಕಾರಿ ಬ್ಯಾಂಕ್ ನಿರ್ದೇಶಕೆರ್ ಶಶಿಕುಮಾರ್ ರೈ ಬಾಲ್ಯೊಟ್ಟು ಮೇರ್ ಉಷಾ ಮೆಡಿಕಲ್‌ದ ಧಣಿಗ್ ಲೆಪ್ಪೋಲೆ ಪತ್ರ ಕೊರ್ಪುನ ಮುಖೇನ ಚಾಲನೆ ಕೊರಿಯೆರ್.‌ ಸ್ವಾಗತ ಸಮಿತಿದ ಗುರ್ಕಾರ್ಲು ರಾಜೇಶ್ ಬನ್ನೂರು, ಶೋಭಾಯಾತ್ರೆದ ಸಂಚಾಕಕೆರ್ ಸೀತಾರಾಮ ರೈ ಕೆದಂಬಾಡಿಗುತ್ತು, ಸಂಚಾಲಕೆರ್ ಪಿ ಜಿ ಜಗನ್ನಿವಾಸ ರಾವ್, ಶಾರದಾ ಭಜನಾ ಮಂದಿರದ ಗುರ್ಕಾರ್ಲು ಸಾಯಿ ರಾಮ್, ಜಯಂತ ಉರ್ಲಾಂಡಿ, ದಯಾನಂದ, ನವೀನ್ ಕುಲಾಲ್, ಹೆಚ್ ಉದಯ, ದಿನೇಶ್ ಪಂಜಿಗ, ಅಜಿತ್ ರೈ ಹೊಸಮನೆ, ವಕೀಲೆರ್ ಹರಿಣಾಕ್ಷಿ ಜೆ ಶೆಟ್ಟಿ, ಟೈಲರ್ಸ್ ಅಸೋಸಿಯೇಶನ್ ಪದಾಧಿಕಾರಿಲು ಇತ್ತೆರ್.