ವಿವೇಕಾನಂದ ಇಂಜಿನಿಯರಿಂಗ್ ಕಾಲೇಜ್‌ದ ಎಂ.ಸಿ.ಎ ವಿಭಾಗಗ್ 100% ಫಲಿತಾಂಶ‌

ಪುತ್ತೂರು : ಬೆಳಗಾವಿದ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾನಿಲಯದ ಸ್ನಾತಕೋತ್ತರ ಎಂ.ಸಿ.ಎ ವಿಭಾಗದ ಕಲಾರ್ಥಿಲೆನ ಫಲಿತಾಂಶ ಪ್ರಕಟ ಆದ್, ಪುತ್ತೂರುದ ವಿವೇಕಾನಂದ ಕಾಲೇಜ್ ಆಫ್ ಇಂಜಿನಿಯರಿಂಗ್ ಎಂಡ್ ಟೆಕ್ನಾಲಜಿಯ ಎಂ.ಸಿ.ಎ ವಿಭಾಗದ ಕಲ್ಪಾರ್ಥಿಲು 100% ಫಲಿತಾಂಶದೊಟ್ಟಿಗೆ ಎಡ್ಡೆ ಸಾಧನೆ ಮಲ್ತ್‌ದೆರ್.‌
ಕರಿನ ಸೆಪ್ಟೆಂಬರ್ ತಿಂಗೊಲುಡು ನಡತ್ತಿನ ಪರೀಕ್ಷೆಡ್ ಕಾಲೇಜ್‌ರ್ದ್ ಒಟ್ಟು 51 ಕಲ್ಪಾರ್ಥಿಲು ಹಾಜರಾದ್ 48 ಕಲ್ಪಾರ್ಥಿಲು ವಿಶಿಷ್ಟ ಶ್ರೇಣಿಡ್ ಬೊಕ್ಕ 3 ಕಲ್ಪಾರ್ಥಿಲು ಸುರುತ ಶ್ರೇಣಿಡ್ ತೇರ್ಗಡೆ ಆತೆರ್.‌ ಅರ್ಹ ಕಲ್ಪಾರ್ಥಿಲು ಕ್ಯಾಂಪಸ್ ಸೆಲೆಕ್ಷನ್‌ದ ಮುಖೇನ ಬೇತೆ ಬೇತೆ ಕಂಪೆನಿಲೆಗ್ ಆಯ್ಕೆಯಾತೆರ್.