ಸುಬ್ರಹ್ಮಣ್ಯ ಪೊಲೀಸ್ ಠಾಣೆಡ್ ಚೌತಿ ಪರ್ಬ ಬೊಕ್ಕ ಈದ್ ಮಿಲಾದ್ ಪರ್ಬದ ಲೆಕ್ಕೊಡು ಶಾಂತಿ ಸಭೆ ನಡತ್ಂಡ್.
ಚೌತಿ ಪರ್ಬನ್ ಸುಬ್ರಹ್ಮಣ್ಯ ಪೊಲೀಸ್ ಠಾಣಾಧಿಕಾರಿ ಕಾರ್ತಿಕ್ ಮೇರ್ ಇಲಾಖೆದ ಅನುಮತಿದೊಟ್ಟಿಗೆ ಆಚರಣೆ ಮಲ್ಪೊಡು. ಮೂರ್ತಿನ್ ವಿವಾದಿತ ಜಾಗೆಡ್ ಸ್ಥಾಪನೆ ಮಲ್ಪರೆ ಬಲ್ಲಿ. ಸಾರ್ವಜನಿಕೆರೆಗ್ ತೊಂದರೆ ಆಪುನ ಜಾಗೆಡ್ ಲೇಸ್ ನಡಪಾಯೆರೆ ಬಲ್ಲಿ ಶಾಂತಿಯುತವಾದ್ ಪರ್ಬನ್ ನಡಪಾವೊಡು. ಅಗ್ನಿಶಾಮಕ ದಳ, ತುರ್ತು ಚಿಕಿತ್ಸಾ ವ್ಯವಸ್ಥೆನ್ ಮಲ್ತೊನೊಡು.
ರಾತ್ರೆ 10 ಗಂಟೆದೊಲಯಿ ಲೇಸ್ ನ್ ಮುಗಿಪಾವೊಡು ಪಂದ್ ಮೇಲಾಧಿಕಾರಿಲೆನ ಸುತ್ತೋಲೆಡ್ ಇಪ್ಪುನ ಪೊಲಬುನ್ ಕೊರ್ತೆರ್. ಆಂಚೆನೆ ಶೋಭಾಯಾತ್ರೆದ ಪೊರ್ತುಡು ಡಿಜೆ ಪಾಡಿಯೆರೆ ಬಲ್ಲಿ. ಎಚ್ಚದ ಸೌಂಡ್ ಧ್ವನಿವರ್ಧಕ ಗಲಸಿಯೆರೆ ಬಲ್ಲಿ ಪಂದ್ ಪಂಡೆರ್.
ಈದ್ ಮಿಲಾದ್ ಪರ್ಬನ್ ಲ ಶಾಂತಿ, ಸೌಹಾರ್ದತೆರ್ದ್ ನಡಪಾವೊಡು, ಅಂಚೆನೆ ದಾದಂಡಲ ತೊಂದರೆಲು, ಸಮಸ್ಯೆಲು ಆಂಡ ಪೊಲೀಸ್ ಠಾಣೆನ್ ಸಂಪರ್ಕ ಮಲ್ಪೊಡು ಪಂದ್ ಪಂಡೆರ್.
ಸಭೆಟ್ಟ್ ಧಾರ್ಮಿಕ ಮುಖಂಡೆರ್, ಸಂಘ ಸಂಸ್ಥೆಲೆನ ಪದಾಧಿಕಾರಿಲು, ಸುಬ್ರಹ್ಮಣ್ಯ ಗ್ರಾಮಸ್ಥೆರ್ ಬೊಕ್ಕ ಸುಬ್ರಹ್ಮಣ್ಯ ಪೊಲೀಸ್ ಠಾಣೆದ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.
ವರದಿ: ಗೋಪಿಚಂದನ್ ಕೆಎಸ್
pallavi shetty