September 23, 2023

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಬಿ.ಸಿ ರೋಡ್: 44ನೇ ವರ್ಷದ ಗಣಪತಿ ಉಚ್ಚಯ

Sep 23, 2023

ಹಿಂದೂ ಧಾರ್ಮಿಕ ಸೇವಾ ಸಮಿತಿದ ಲೆಕ್ಕಡ್ 44ನೇ ವರ್ಷದ ಸಾರ್ವಜನಿಕ ಗಣಪತಿ ಉಚ್ಚಯ ಸೆ.19 ದಾನಿ ನಡತ್ಂಡ್.

ಈ ಲೇಸ್ ಡ್ ಶ್ರೀ ದೇವಿ ನೃತ್ಯಾರಾಧನಾ ಕಲಾ ಕೇಂದ್ರ ಪುತ್ತೂರು, ನೆತ್ತ ನೃತ್ಯ ಗುರು ವಿದುಷಿ ರೋಹಿಣಿ ಉದಯ್ ಮೆರ್ನ ಶಿಷ್ಯ ವೃಂದರ್ದ್ ನೃತ್ಯ ಪ್ರೇರಣಾ ಬೊಕ್ಕ ಯುಗಪುರುಷ (ನೃತ್ಯ ರೂಪಕ) ಪನ್ಪುನ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News

ಕಂಬಳಬೆಟ್ಟು: 52ನೇ ವರ್ಷದ ಗಣಪತಿ ಉಚ್ಚಯ

Sep 23, 2023

ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಧರ್ಮನಗರ, ಕಂಬಳಬೆಟ್ಟು ನೆತ್ತ ಮುತಾಲಿಕೆಡ್ 52ನೇ ವರ್ಷದ ಸಾರ್ವಜನಿಕ ಗಣಪತಿ ಉಚ್ಚಯ ಸೆ.22 ಶುಕ್ರವಾರ ದಾನಿ ನಡತ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಜಗತ್ತ್ ಡೇ ಮಸ್ತ್ ಬಿಲೆತ್ತ ವಜ್ರದ ಗಣಪತಿಗ್ ಪ್ರತಿವರ್ಷಲ ಪೂಜೆ !

Sep 23, 2023

ಗುಜರಾತ್ ದ ವಜ್ರದ ಉದ್ಯಮಿ ಕನುಭಾಯಿ 15 ವರ್ಷದ ಪಿರಾವುಡು ಬೆಲ್ಜಿಯಂಗ್ ಪೋದ್ ಇತ್ತೆರ್. ಅಲ್ಪರ್ದ್ ಕಚ್ಚಾ ವಜ್ರಲೆನ್ ಖರೀದಿ ಮಲ್ತ್ ಭಾರತಗ್ ಕನತ್ ಇತ್ತೆರ್. ಒಂಜಿ ದಿನ ಕನುಭಾಯಿ ಅರೆನ ಅಮ್ಮೆರೆಗ್ ತನ್ನ ಮಗೆ ಕನತ್ತಿನ ಕಚ್ಚಾ ವಜ್ರಡ್ ಒಂಜಿ ವಜ್ರ ಗಣಪತಿದ ಆಕಾರ ಡ್ ಉಂಡು ಪಂದ್ ಕನ ಕಟ್ಟ್ಂಡ್. ಮನದಾನಿ ಅವೆನ್ ತೂನಗ ಗಣೇಶನ ಆಕಾರದ ವಜ್ರ ಒಂಜಿ ತೋಜಿಂಡ್.

ಗುಜರಾತ್‌ ದ ಉದ್ಯಮಿ ಒರಿ ವಿಶ್ವದ ದುಬಾರಿ ವಜ್ರದ ಗಣೇಶ ವಿಗ್ರಹನ್ ತನ್ನ ಇಲ್ಲಲ್ ಪ್ರತಿಷ್ಠಾಪನೆ ಮಲ್ತೆರ್. 182.3 ಕ್ಯಾರೆಟ್ ವಜ್ರದ ಈ ಗಣಪತಿ ಮೂರ್ತಿದ ಬಿಲೆ ಬರೋಬ್ಬರಿ 600 ಕೋಟಿ ರೂಪಾಯಿ.

ವಿಶಿಷ್ಟ ರೀತಿದ ವಜ್ರ ಆಯಿನ ಕಾರಣ ಉಂದು ಲಂಡನ್‌ ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ಸ್‌ಡ್ ವರದಿ ಆತ್ಂಡ್. ಉಂದು ಕೊಹಿನೂರ್ ವಜ್ರರ್ದ್ ಮಲ್ಲ ಉಂಡು ಪಂದ್ ಉದ್ಯಮಿ ಕನುಭಾಯಿ ರಾಮ್‌ಜಿಭಾಯಿ ಪಂತೆರ್. ಪ್ರತಿವರ್ಷ ಗಣೇಶ ಪರ್ಬದ ಪೊರ್ತುಗು ಈ ಮೂರ್ತಿಗ್ ವಿಶೇಷ ಪೂಜೆ ಮಲ್ತ್ ದ್ ಮೂರ್ತಿದ ಮಿತ್ತ್ ಸುದೆತ ನೀರ್ ನ್ ಪಾಡುವೆರ್.

Uncategorized

ಅಕ್ಟೋಬರ್ 9: ಶೌರ್ಯ ಜಾಗರಣ ರಥ ಯಾತ್ರೆ

Sep 23, 2023

ಕುಡ್ಲ: 1964 ಡ್ ಸ್ಥಾಪನೆ ಆಯಿನ ವಿಶ್ವ ಹಿಂದೂ ಪರಿಷತ್, ಧರ್ಮೋ ರಕ್ಷತಿ ರಕ್ಷಿತಃ ಪನ್ಪುನ ಧ್ಯೇಯ ಮಂತ್ರದೊಟ್ಟಿಗೆ 60ನೇ ವರ್ಷಗ್ ಪಾದಾರ್ಪಣೆ ಮಲ್ತೊಂದು ಇಪ್ಪುನ ಈ ಪೊರ್ತುಡು ಬಜರಂಗದಳದ ನೇತೃತ್ವಡ್ “ಶೌರ್ಯ ಜಾಗರಣ ರಥ ಯಾತ್ರೆ” ಸೆ.25 ಕ್ಕ್ ಚಿತ್ರದುರ್ಗಡ್ ಸುರು ಆದ್ ಅ.9 ಗ್ ಕುಡ್ಲಗ್ ಬರಿಯೆರೆ ಉಂಡು. ಅಂಚಾದ್ “ಬೃಹತ್ ಶೋಭಾಯಾತ್ರೆ ಬೊಕ್ಕ ಸಾರ್ವಜನಿಕ ಸಭೆ” ಅಕ್ಟೋಬರ್ 9 ಸೋಮವಾರ ದಾನಿ ಬಯ್ಯ 4 ಗಂಟೆಗ್ ಕದ್ರಿ ಮೈದಾನಡ್ ನಡಪರೆ ಉಂಡು.

ವಿಶ್ವ ಹಿಂದೂ ಪರಿಷತ್ ದ ಪ್ರಾಂತ ಕಾರ್ಯಾಧ್ಯಕ್ಷೆರ್ ಡಾ.ಎಂಬಿ ಪುರಾಣಿಕ್ ಗುರ್ಕಾಮೆನ್ ವಹಿಸೊನಿಯೆರೆ ಉಲ್ಲೆರ್. ಶ್ರೀ ಕ್ಷೇತ್ರ ಕರಿಂಜೆ ಓಂ ಶ್ರೀ ಶಕ್ತಿಗುರುಮಠದ ಶ್ರೀ ಶ್ರೀ ಶ್ರೀ ಮುಕ್ತಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ರಾಷ್ಟ್ರೀಯ ಚಿಂತಕೆರ್ ಚಕ್ರವರ್ತಿ ಸೂಲಿಬೆಲೆ ದಿಕ್ಸೂಚಿ ಭಾಷಣ ಮಲ್ಪೆರೆ ಉಲ್ಲೆರ್. ವಿಶ್ವ ಹಿಂದೂ ಪರಿಷದ್ ಪ್ರಾಂತ ಸಹಕಾರ್ಯದರ್ಶಿ ಶರಣ್ ಪಂಪುವೆಲ್ ಪಾಲ್ ಪಡೆಯೆರೆ ಉಲ್ಲೆರ್.

ಬಯ್ಯ 3 ಗಂಟೆಗ್ ಶೌರ್ಯ ಜಾಗರಣ ರಥದೊಟ್ಟಿಗೆ ಬೃಹತ್ ಶೋಭಾಯಾತ್ರೆ ಅಂಬೇಡ್ಕರ್ ವೃತ್ತ ಜ್ಯೋತಿರ್ದ್ ಪಿದಡ್ದ್ ಕದ್ರಿ ಮೈದಾನಡ್ ಬೃಹತ್ ಸಾರ್ವಜನಿಕ ಸಭೆ ನಡಪರೆ ಉಂಡು. ಅಂಚೆನೆ ಎಚ್ಚಿನ ಸಂಖ್ಯೆಡ್ ಈ ಬೃಹತ್ ಶೋಭಾಯಾತ್ರೆಡ್ ಪಾಲ್ ಪಡೆಯೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಸೆ.26; ಕಟ್ವಾನ ಕಾರ್ಮಿಕೆರ್ನ ಪ್ರತಿಭಟನೆ

Sep 23, 2023

ಕರ್ನಾಟಕ ರಾಜ್ಯ ಕಟ್ವಾನ ಬೊಕ್ಕ ನಿರ್ಮಾಣ ಕಾರ್ಮಿಕೆರ್ನ ಫೆಡರೇಶನ್, ದ.ಕ ಜಿಲ್ಲಾ ಕಾರ್ಮಿಕೆರ್ನ ಸಮಿತಿದ ಒಟ್ಟು ಸೇರಿಗೆಡ್ ಕಟ್ವಾನ ಕಾರ್ಮಿಕೆರ್ನ ಪ್ರತಿಭಟನೆ ಸೆ.26 ದಾನಿ ಬೊಲ್ಪುಗು 10:30ಕ್ಕ್ ಬೆದ್ರದ ಮಿನಿ ವಿಧಾನ ಸೌಧದ ಎದುರು ಬೇತೆ ಬೇತೆ ಬೇಡಿಕೆಲೆನ್ ದುಂಬು ದೀದ್ ಪ್ರತಿಭಟನೆ ನಡಪರೆ ಉಂಡು.

ಕಟ್ವಾನ ಕಾರ್ಮಿಕೆರ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡು ಪಂದ್ ಕಟ್ವಾನ ಕಾರ್ಮಿಕೆರ್ನ ಪ್ರದಾನ ಕಾರ‍್ಯದರ್ಶಿ ಶಂಕರ ವಾಲ್ಪಾಡಿ ಪ್ರಕಟಣೆಡ್ ತೆರಿಪಾದೆರ್.

ಕುಡ್ಲ: ಯುನಿಸೆಕ್ಸ್ ಸೆಲೂನ್‌ ಲೆಗ್ ಎಚ್ಚರಿಕೆ ಕೊರ್ನ ಪೊಲೀಸ್ ಆಯುಕ್ತೆರ್ ಅನುಪಮ್

Sep 23, 2023

ಯುನಿಸೆಕ್ಸ್ ಸೆಲೂನ್‌ ನಡಪಾವುನ ನೆಪಟ್ಟ್ ಕಾನೂನುಬಾಹಿರ ಚಟುವಟಿಕೆ ನಡತ್ಂಡ ಕಠಿನ ಕ್ರಮ ದೆತೊನ್ವ ಪಂದ್ ಕುಡ್ಲ ಪೊಲೀಸ್ ಆಯುಕ್ತ ಅನುಪಮ್ ಅಗರ್‌ವಾಲ್ ಎಚ್ಚೆರ್ಗೆ ಕೊರ್ತೆರ್.

ಯುನಿಸೆಕ್ಸ್ ಸೆಲೂನ್‌ ದ ಪುದರ್ ಡ್ ಕೆಲವ್ ಕಡೆಟ್ಟ್ ಬೊಡ್ಚಾಂದಿನ ಬೇಲೆ ನಡಪುನ ಬಗೆಟ್ ಇಲಾಖೆಗ್ ದೂರ್ ಬೈದ್ಂಡ್.

ಉಂದೆನ್ ಗಂಭೀರವಾದ್ ದೆತೊಂದು ಪೊಲೀಸ್ ಇಲಾಖೆ ಪೇಂಟೆದ 14 ಸೆಲೂನ್‌ ಲೆಗ್ ದಿಢೀರ್ ಭೇಟಿ ಕೊರ್ದ್ ತಪಾಸಣೆ ಮಲ್ತ್ ದೆರ್.

ಸೆಲೂನ್ ಮಾಲೀಕೆರ್ ಅಕ್ಲೆನ ಶಾಪ್ ಡ್ ಬೇಲೆ ಮಲ್ತೊಂದು ಇಪ್ಪುನ ಸಿಬ್ಬಂದಿಲೆನ ಬಗ್ಗೆ ಪೊಲೀಸ್ ದೃಢೀಕರಣ ದೆತೊನೊಡು. ಉಂದು ಪೊಲೀಸ್ ಇಲಾಖೆದ ಉಚಿತ ಸೇವೆ ಆದ್ ಇಪ್ಪುಂಡು. ರಿಸೆಪ್ಷನ್, ಪ್ರವೇಶದ ಜಾಗೆಡ್ ಸಿಸಿ ಕ್ಯಾಮರಾ ಪಾಡೊಡು. ಮಾತಾ ಗ್ರಾಹಕೆರ್ನ ಮಾಹಿತಿ ದಾಖಲ್ ಮಲ್ತೊಂದು, ಇತರ ಇಲಾಖೆದ ಮಾರ್ಗಸೂಚಿಲೆನ್ ಪಾಲನೆ ಮಲ್ಪೊಡು ಪಂದ್ ಪಂತೆರ್. ಇಜ್ಜಿಂಡ ಕಾನೂನು ಪ್ರಕಾರ ಕಠಿನ ಕ್ರಮ ದೆತೊನ್ವ ಪಂದ್ ಎಂದು ಆಯುಕ್ತೆರ್ ತೆರಿಪಾದೆರ್.

ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ

Sep 23, 2023

ಮಣಿಪಾಲ ಮಾಹೆದ ಎಂ.ಐ.ಸಿ ಕ್ಯಾಂಪಸ್ ಡ್ ಇಪ್ಪುನ ರೇಡಿಯೊ ಮಣಿಪಾಲ್ 90.4 ಮೆಗಾಹರ್ಟ್ಝ್ ಸಮುದಾಯ ಬಾನುಲಿ ಕೇಂದ್ರ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ, ಒಡಿಪು ತಾಲೂಕು ಘಟಕದ ಸಹಯೋಗಡ್ ಕಥೆ ಕೇಳೋಣ ಸರಣಿ ಕಾರ್ಯಕ್ರಮದ 73ನೇ ಸಂಚಿ ಸೆ. 23 ಶನಿವಾರ ಬಯ್ಯ 4.30 ಗ್ ಪ್ರಸಾರ ಆವರೆ ಉಂಡು.

ಈ ಸಂಚಿಡ್ ಸ್ವರಚಿತ ಕಥೆನ್ ಶೆಟ್ಟಿ ದೇವಿಪ್ರಸಾದ್ ಕೆಮ್ಮಣ್ಣು(ಕಲ್ಪಾರ್ಥಿ)ವಾಚನ ಮಲ್ಪರೆ ಉಲ್ಲೆರ್.

ಸೆ. 24 ಮಧ್ಯಾಹ್ನ 12.30ಕ್ಕ್ ನೆತ್ತ ಮರು ಪ್ರಸಾರ ಆವರೆ ಉಂಡು. ರೇಡಿಯೊಡ್ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ದ https://play.google.com/store/apps/details?id=com.atc.radiomanipal ಬೊಕ್ಕ ಐಫೋನ್ ದ https://itunes.apple.com/app/id6447231815 ಲಿಂಕ್ ಮುಖೆನ ರೇಡಿಯೊ ಮಣಿಪಾಲ್ ಆ್ಯಪ್ ಡೌನ್‌ಲೋಡ್ ಮಲ್ತ್ ದ್ ಈ ಕಾರ್ಯಕ್ರಮನ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆಡ್ ತೆರಿಪಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಸೆ.30: ದಿಲ್ಲಿಡ್ ಯಕ್ಷ ಧ್ರುವ ಪಟ್ಲ ಸಂಭ್ರಮ

Sep 23, 2023

ದಿಲ್ಲಿ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದಿಲ್ಲಿ ಘಟಕ ಬೊಕ್ಕ ನಿನಾದ ಸಾಂಸ್ಕೃತಿಕ ಕೇಂದ್ರ ತಂಟೆಪ್ಪಾಡಿ ಬೆಳ್ಳಾರೆ ನೆತ್ತ ಮುತಾಲಿಕೆಡ್ ಯಕ್ಷ ಧ್ರುವ ಪಟ್ಲ ಸಂಭ್ರಮ 2023 ಲೇಸ್ ಸೆ.30 ಮದ್ಯಾಹ್ನ 3.30 ರ್ದ್ ರಾತ್ರೆ 9 ಗಂಟೆ ಮುಟ ಡೆಲ್ಲಿದ ಕರ್ನಾಟಕ ಸಂಘದ ಚಾವಡಿಡ್ ನಡಪರೆ ಉಂಡು.

ಲೇಸ್ ದ ಗುರ್ಕಾರ್ಮೆನ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಪ್ರಧಾನ ಸಂಚಾಲಕೆರ್, ಖ್ಯಾತ ಉದ್ಯಮಿ ಶಶಿಧರ್ ಶೆಟ್ಟಿ ಬರೋಡ ಮೇರ್ ವಹಿಸೋನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಚಲನಚಿತ್ರ ನಟೆ ದಯಾನಂದ ಶೆಟ್ಟಿ, ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಗುರ್ಕಾರೆರ್ ಪಟ್ಲ ಸತೀಶ್ ಶೆಟ್ಟಿ, ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಡೆಲ್ಲಿ ಘಟಕದ ಗೌರವ ಗುರ್ಕಾರೆರ್ ಟಿ. ಶಿವಪ್ರಸಾದ್ ಶೆಟ್ಟಿ, ಡೆಲ್ಲಿ ಕರ್ನಾಟಕ ಸಂಘದ ಗುರ್ಕಾರೆರ್ ಸಿ.ಎಂ ನಾಗರಾಜ, ಡೆಲ್ಲಿ ಕರ್ನಾಟಕ ಸಂಘದ ಪ್ರಧಾನ ಕಾರ್ಯದರ್ಶಿ ಆರ್. ರೇಣುಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್.

ಹಿರಿಯ ಯಕ್ಷಗಾನ ಕಲಾವಿದೆರ್ ಅರುವ ಕೊರಗಪ್ಪ ಶೆಟ್ಟಿ, ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್, ಖ್ಯಾತ ಉದ್ಯಮಿ ಜಯರಾಮ ಬನಾನ್, ಡೆಲ್ಲಿ ಕನ್ನಡ ಶಾಲೆದ ದೈಹಿಕ ಶಿಕ್ಷಣ ಶಿಕ್ಷಕಿ ಡೇರೆಲ್ ಜೆಸ್ಸಿಕಾ ಫೆರ್ನಾಂಡಿಸ್ ಮೊಕ್ಲೆಗ್ ಈ ಪೊರ್ತುಡು ಮಾನಾದಿಗೆ ನಡಪರೆ ಉಂಡು.

ಅಂಚನೆ ಯಕ್ಷ ಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಕುಡ್ಲ ಮೊಕ್ಲೆರ್ದ್ “ಮಾಯಾ ಮೋಹಿನಿ, ವೀರ ಭಾರ್ಗವ ಯಕ್ಷಗಾನ ನಡಪರೆ ಉಂಡು. ಬೊಕ್ಕ ನಿನಾದ ಸಾಂಸ್ಕೃತಿಕ ಕೇಂದ್ರ ತಂಟೆಪ್ಪಾಡಿ ಬೆಳ್ಳಾರೆ ಮೊಕ್ಲೆರ್ದ್ “ಪಜ್ಜೆ-ಗೆಜ್ಜೆ” ತುಳು ಕನ್ನಡ ಜಾನಪದ ಬೊಕ್ಕ ಶಾಸ್ತ್ರೀಯ ನೃತ್ಯ ಕಾರ್ಯಕ್ರಮ ನಡಪರೆ ಉಂಡು.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ವಿಷ ದೆತೊಂದು ಆತ್ಮಹತ್ಯೆ ಮಲ್ತೊನ್ನ ಜವನೆ

Sep 23, 2023

ಬೋಲ್ತೆರ್:ವಿಷ ದೆತೊಂದು ಆತ್ಮಹತ್ಯೆಗ್ ಪ್ರಯತ್ನ ಮಲ್ತ್ ಆಸ್ಪತ್ರೆಡ್ ಇತ್ತಿನ ಯುವಕೆ ಮರ್ದ್ ತಾಗಂದೆ ತೀರ್ ಪೋಯಿನ ಘಟನೆ ನಡತ್ಂಡ್.

ಸೋಣಂದೂರು ಮುಂಡಾಡಿ ನಿವಾಸಿ ಪ್ರಶಾಂತ್
ತೀರ್ ಪೋಯಿನ ಜವನೆ ಪಂದ್ ತೆರಿದ್ ಬೈದ್ಂಡ್.

ಸೆ.18 ದಾನಿ ವಿಷ ದೆತೊಂದು ಆತ್ಮಹತ್ಯೆಗ್ ಪ್ರಯತ್ನ ಮಲ್ತಿಪ್ಪುನಗ ಇಲ್ಲದಕುಲು ಆಸ್ಪತ್ರೆಗ್ ದಾಖಲ್ ಮಲ್ತ್ ಇತ್ತೆರ್. ಆಂಡ ಚಿಕಿತ್ಸೆ ಫಲಕಾರಿ ಆವಂದೆ ಜವನೆ ತೀರ್ ಪೋತೆರ್. ಪುಂಜಾಲ್ ಕಟ್ಟೆ ಸ್ಟೇಷನ್ ಡ್ ಕೇಸ್ ದಾಖಲಾತ್ಂಡ್.