September 18, 2023

ಬೊಂಬೇ ಫೋರ್ಟ್ ನೈಟ್ ಹೈಸ್ಕೂಲ್ ಡ್ ಶ್ರೀ ಕೃಷ್ಣ ಜನ್ಮಾಷ್ಟಮಿ ಪೂಜೆ, ಶಿಕ್ಷಕರ ದಿನಾಚರಣೆ

ಬೊಂಬೇ ಫೋರ್ಟ್ ನೈಟ್ ಹೈಸ್ಕೂಲ್ ಡ್ ಸೆ.5 ಅಂಗಾರೆ ಬಯ್ಯಗ್ ಕೃಷ್ಣ ಜನ್ಮಾಷ್ಟಮಿ ಪೂಜೆನ್ ಗೌಜಿಡ್ ಆಚರಣೆ ಮಲ್ತೆರ್.

ಈ ಲೇಸ್ ನ್ ಶಾಲೆದ ಕಾರ್ಯದರ್ಶಿ ಅಶೋಕ ಆರ್ ಕೋಟ್ಯಾನ್ ಮುತಾಲಿಕೆಡ್ ಶಾಲೆದ ಮುಖ್ಯಾಧ್ಯಾಪಕಿ ಮೀರಾ ರಾವ್, ಸ್ಕೌಟ್ ಮಾಸ್ಟರ್ ಕೃಷ್ಣ ಸುವರ್ಣ, ಅಧ್ಯಾಪಕೆರ್ ಧನರಾಜ್ ಪೂಜಾರಿ, ಗುಮಾಸ್ತೆರಾಯಿನ ಪರಮೇಶ್ವರ ಪೂಜಾರಿ, ಪೇದೆ ರುಬೀನ್, ಶಾಲೆದ ಕಲ್ಪಾರ್ಥಿಲು ಬೊಕ್ಕ ಹಳೆ ವಿದ್ಯಾರ್ಥಿಲೆನ ಒಟ್ಟುಸೇರಿಗೆಡ್ ನಡತ್ಂಡ್.

ಫೋರ್ಟ್ ಎಜ್ಯುಕೇಶನ್ ದ ಗುರ್ಕಾರೆ ಆರ್ ಸಿ ಮುಲ್ಕಿ ಮೆರೆನ ಮಾರ್ಗದರ್ಶನಡ್ ಶಾಲೆದ ಕಲ್ಪಾರ್ಥಿ ಬೊಕ್ಕ ಹಳೆ ವಿದ್ಯಾರ್ಥಿಲೆನ ಪೂಜೆ ಕಾರ್ಯಕ್ರಮ ಭಜನೆದೊಟ್ಟಿಗೆ ಸುರು ಆಂಡ್.

ಸೆಪ್ಟೆಂಬರ್ 5 ಕ್ಕ್ ಶಾಲೆಡ್ ಶಿಕ್ಷಕರ ದಿನಾಚರಣೆ ಆಚರಣೆ ಮಲ್ತೆರ್. ಮುಖ್ಯ ಶಿಕ್ಷಕಿ ಮೀರಾ ರಾವ್, ಶಿಕ್ಷಕೆರ್ ಧನರಾಜ್ ಪೂಜಾರಿ, ಸ್ಕೌಟ್ ಮಾಸ್ಟರ್ ಕೃಷ್ಣ ಸುವರ್ಣ ಬೊಕ್ಕ ಪರಮೇಶ್ವರ್ ಮೆರೆನ್ ಶಿಕ್ಷಕ ದಿನಾಚರಣೆದ ಅಂಗವಾದ್ ಶಾಲೆದ ಕಲ್ಪಾರ್ಥಿಲು ಮಾನಾದಿಗೆ ಮಲ್ತೆರ್. ಸತೀಶ್ ಎನ್. ಬಂಗೇರೆರ್ ಬೊಕ್ಕ ಪರಮೇಶ್ವರ ಮೇರ್ ಶಿಕ್ಷಕರ ದಿನಾಚರಣೆದ ಮಹತ್ವನ್ ತೆರಿಪಾಯೆರ್.

90 ವರ್ಷ ಆಯಿನ ಗುರ್ಕಾರೆ ಆರ್ ಕೆ ಮುಲ್ಕಿ ಮೆರೆನ್ ಶಾಲ್ ಪೊದೆಪಾದ್, ಪುಷ್ಪಗುಚ್ಚ ಕೊರ್ದು ಮಾನಾದಿಗೆ ಮಲ್ತೆರ್. ಮಾತ ಕಲ್ಪಾರ್ಥಿಲು ಬೊಕ್ಕ ಹಳೆ ಕಲ್ಪಾರ್ಥಿಲೆನ್ ಉದ್ದೇಶಿಸಾದ್ ಆರ್ ಕೆ ಮುಲ್ಕಿ ಮೇರ್ ಹಿತವಚನ ಕೊರಿಯೆರ್. ಶಾಲೆದ ಆಡಳಿತ ಮಂಡಳಿದ ಅರುಣ್ ಮುಲ್ಕಿ, ಸುಕುಮಾರ್ ಕಾಂಚನ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಸೆ.30: ಬೊಂಬೈ ವಿವಿ ಡ್ ಸುವರ್ಣಯುಗ ಬೂಕು ಬುಡುಗಡೆ, ಗೌರವಾರ್ಪಣೆ ಲೇಸ್

ಬೊಂಬೈ ವಿಶ್ವವಿದ್ಯಾಲಯ ಕನ್ನಡ ವಿಭಾಗದ ಮುತಾಲಿಕೆಡ್ ಜಯ ಸುವರ್ಣ ಮೆರೆನ ನೆಂಪುಗಾದ್ ಸುವರ್ಣಯುಗ ಬೂಕು ಬುಡುಗಡೆ, ಗೌರವಾರ್ಪಣೆ ಲೇಸ್ ಸೆ.30 ಸನಿಯಾರ ಮಧ್ಯಾಹ್ನ ಸಾಂತಾಕ್ರೂಜ್ ದ ಬೊಂಬೈದ ವಿಶ್ವವಿದ್ಯಾಲಯದ ಕವಿ ಕುಸುಮಾಗ್ರಜ ಮರಾಠಿ ಭಾಷಾಭವನಡ್ ನಡಪರೆ ಉಂಡು.

ಈ ಲೇಸ್ ನ್ ಬೊಂಬೈ ಸಂಸದೆರ್ ತುಡರ್ ಅರ್ಲಾದ್ ಉದಿಪನ ಮಲ್ಪುವೆರ್. ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣ ಖಾತೆ ಸಚಿವೆರ್ ಮಧು ಬಂಗಾರಪ್ಪ ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್. ಜಯ ಸುವರ್ಣ ಮೆರೆನ ಬದ್ ಕ್ ದ ಬರವು ಸುವರ್ಣಯಾನ ಬೂಕುನ್ ಬೊಂಬೈ ವಿಶ್ವವಿದ್ಯಾಲಯ ಕನ್ನಡ ವಿಭಾಗದ ಸಂಶೋಧನ ಕಲ್ಪಾರ್ಥಿ ಅನಿತಾ.ಪಿ ತಾಕೊಡೆ ಬರೆತೆರ್. ಈ ಬೂಕುದ ಬಗೆಟ್ಟ್ ಸಂದರ್ಶಕ ಪ್ರಾಧ್ಯಾಪಕೆರ್ ಡಾ.ಉಮಾ ರಾಮರಾವ್ ಪೊಲಬು ಕೊರಿಯೆರೆ ಉಲ್ಲೆರ್.

ಪ್ರಾಧ್ಯಾಪಕೆರ್ ಡಾ.ಜಿ.ಎನ್ ಉಪಾಧ್ಯ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ವೆರ್.‌ ಮಲ್ಲ ಬಿನ್ನೆರಾದ್ ಸಂದರ್ಶಕ ಪ್ರಾಧ್ಯಾಪಕೆರ್ ಡಾ.ವಿಶ್ವನಾಥ ಕಾರ್ನಾಡ್, ಬಂಟ್ವಾಳ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರದ ಗುರ್ಕಾರೆ ಡಾ. ತುಕರಾಮ ಪೂಜಾರಿ, ಬೊಂಬೈ ಸಾಯಿ ಪ್ಯಾಲೇಸ್ ಗ್ರೂಪ್ ಆಫ್ ಹೋಟೆಲ್ಸ್ ದ ಆಡಳಿತ ನಿರ್ದೇಶಕೆರ್ ರವಿ ಎಸ್ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್. ಮಾನಾದಿಗೆದ ಬಿನ್ನೆರಾದ್ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟ ಗುರ್ಕಾರೆ ಐಕಳ ಹರೀಶ್ ಶೆಟ್ಟಿ, ಬೊಂಬೈ ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಎ ಶೆಟ್ಟಿ, ವಿಶ್ವ ದೇವಾಡಿಗ ಮಹಾಮಂಡಲದ ಗುರ್ಕಾರೆ ಧರ್ಮಪಾಲ ಯು ದೇವಾಡಿಗ ಧರ್ಮಪಾಲ ಯು. ದೇವಾಡಿಗ, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಗುರ್ಕಾರೆ ಡಾ‌. ರಾಜಶೇಖರ ಕೋಟ್ಯಾನ್ ಪಾಲ್ ಪಡೆಯೆರೆ ಉಲ್ಲೆರ್.

ಡೊಂಬಿವಲಿ ಕರ್ನಾಟಕ ಸಂಘದ ಗುರ್ಕಾರೆ ದಿವಾಕರ ಶೆಟ್ಟಿ ಇಂದ್ರಾಳಿ, ಬೊಂಬೈ ಸಾಹಿತಿ, ನಿರೂಪಕೆ ಅಶೋಕ್ ಪಕಳ ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು. ಭಾರತ್ ಕೋಅಪರೇಟಿವ್ ಬ್ಯಾಂಕ್ ದ ನಿರ್ದೇಶಕೆರ್ ಸೂಯಕಾಂತ ಜಯ ಸುವರ್ಣ, ಭಾಸ್ಕರ ಸಾಲಿಯಾನ್ ಚಾವಡಿಡ್ ಉಪಸ್ಥಿತಿಡ್ ಇಪ್ಪುವೆರ್. ಈ ಲೇಸ್ ನ್ ಬೊಂಬೈ ವಿಶ್ವವಿದ್ಯಾಲಯ ಕನ್ನಡ ವಿಭಾಗದ ಸಹ ಪ್ರಾಧ್ಯಾಪಕೆರ್ ಡಾ.ಪೂರ್ಣಿಮಾ ಸುಧಾಕರ ಶೆಟ್ಟಿ, ಬೊಂಬೈ ಬಿಲ್ಲವರ ಅಸೋಸಿಯೇಶನ್ ದ ಮಾಜಿ ಗುರ್ಕಾರೆ ನಿತ್ಯಾನಂದ ಕೋಟ್ಯಾನ್ ಸುಧಾರಿಕೆ ಮಲ್ಪರೆ ಉಲ್ಲೆರ್. ಬೊಂಬೈ ವಿಶ್ವವಿದ್ಯಾಲಯ ಕನ್ನಡ ವಿಭಾಗದ ಪ್ರಾಧ್ಯಾಪಕೆರ್ ಬೊಕ್ಕ ಮುಖ್ಯಸ್ಥೆರ್ ಡಾ.ಜಿ ಎನ್ ಉಪಾಧ್ಯ ಎದ್ಕೊನುವೆರ್.