ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಬೆಂಗ್ಲೂರ್ ದ ಜಯನಗರದ ಉದ್ಯಮಿ ವಿಕ್ರಮ ಎ.ವಿ. ಮೇರ್ ಸೇವೆದ ರೂಪಡ್ ಭಕ್ತಾದಿಲೆಗ್ ಅನುಕೂಲ ಆವಡ್ ಪಂದ್ ಎಸಿಪಿ ಕಂಪನಿದ ರಡ್ಡ್ ಮಲ್ಲ ಸೀಲಿಂಗ್ ಫ್ಯಾನ್ (HVLS) ನ್ ಕೊಡುಗೆಯಾದ್ ಗುರುವಾರ ಕೊರಿಯೆರ್.
ಕ್ಷೇತ್ರದ ಪುರೋಹಿತೆರ್ ಮಧುಸೂಧನ ಕಲ್ಲೂರಾಯ ಮೇರ್ ಫ್ಯಾನ್ ಗ್ ಪೂಜೆದ ವಿಧಿ ವಿಧಾನನ್ ಮಲ್ತೆರ್.
ಕೊಡುಗೆಯಾದ್ ಕೊರ್ನ ಎಸಿಪಿ ಕಂಪನಿದ ರಡ್ಡ್ ಮೆಗಾ ಸೀಲಿಂಗ್ ಫ್ಯಾನ್ ದ ರೇಟ್ 3,85,000 ರೂ. ಆತ್ಂಡ್. ಈ ಸೀಲಿಂಗ್ ಫ್ಯಾನ್ ಗ್ 16 ಫೀಟುದ ರೆಕ್ಕೆ ಉಂಡು. ಒಂಜಿ ಪ್ಯಾನ್ ನ್ ದೇವಲ್ಯದ ಸನ್ನಿಧಿದಲ್ಪ ತುಲಾಭಾರ, ನುಪ್ಪು ಕೊರ್ಪುನ ಜಾಗೆಡ್, ಕುಡೊಂಜೆನ್ ಶ್ರೀ ದೇವಲ್ಯದ ಪಿದಾಯಿದ ಉತ್ತರ ದ್ವಾರದ ಭಾಗಡ್ ಪಾಡಿವ ಪಂದ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ವ್ಯವಸ್ಥಾಪನ ಸಮಿತಿದ ಗುರ್ಕಾರೆ ಮೋಹನ್ ರಾಮ್ ಸುಳ್ಳಿ ಪಂಡೆರ್.
ಈ ಪೊರ್ತುಡು ವಿಕ್ರಂ ಬೊಕ್ಕ ಅರೆನ ಬೊಡೆದಿಗ್ ಶ್ರೀ ದೇವಲ್ಯದ ಮುತಾಲಿಕೆಡ್ ಮಾನಾದಿಗೆ ಮಲ್ತೆರ್. ಈ ಸುದ್ದಿಗೋಷ್ಠಿಡ್ ಉದ್ಯಮಿ ವಿಕ್ರಂ ಮೆರೆನ ಬೊಡೆದಿ ಭೂಮಿಕ, ವ್ಯವಸ್ಥಾಪನ ಸಮಿತಿದ ಸದಸ್ಯೆರ್ ವನಜ.ವಿ.ಭಟ್ ಬೊಕ್ಕ ಶೋಭಾ ಗಿರಿಧರ್ ಇತ್ತೆರ್.
pallavi shetty