ಬೊಂಬೈ: ಗೋರೆಗಾಂವ್ ಕರ್ನಾಟಕ ಸಂಘದ ಮುತಾಲಿಕೆಡ್, ರಂಗಸ್ಥಳ ವಿಭಾಗ ಕಲಾಪ್ರಕಾಶ ಪ್ರತಿಷ್ಠಾನ ಬೊಂಬೈದ ಸಂಚಾಲಕತ್ವಡ್ ಯಕ್ಷಗಾನ ತಾಳಮದ್ದಳೆ ಶಿವಭಕ್ತ ವೀರಮಣಿ ಸೆ.16 ಸನಿಯಾರ ಬಯ್ಯಗ್ ಬೊಂಬೈ ಗೋರೆಗಾಂವ್ ದ ಕೇಶವ ಗೋರೆ ಸ್ಮಾರಕ ಟ್ರಸ್ಟ್ ಹಾಲ್ ಡ್ ನಡಪರೆ ಉಂಡು.
ಈ ಲೇಸ್ ನ್ ಸಂಘದ ಬೊಕ್ಕ ಕಲಾಭಿಮಾನಿಲೆನ ಸಹಕಾರಡ್ ಆಯೋಜನೆ ಮಲ್ದ್ಂಡ್. ಈ ತಾಳಮದ್ದಳೆಡ್ ಬಲಿಪ ಶಿವಶಂಕರ್ ಭಟ್, ಗಣೇಶ್ ಮಯ್ಯ, ವಿಶ್ವನಾಥ ಶೆಣೈ ಪಳ್ಳಿ, ಜಬ್ಬಾರ್ ಸಮೋ ಸಂಪಾಜೆ, ಪ್ರೊ. ಪವನ್ ಕಿರಣಕ್ಕೆರೆ, ಗಣೇಶ್ ಶೆಟ್ಟಿ ಕನ್ನಡಿಕಟ್ಟೆ, ಸುರೇಶ್ ಶೆಟ್ಟಿ ನಂದ್ರೊಳ್ಳಿ, ಸುನಿಲ್ ಹೊಲಡು ಅಭಿನಯ ಮಲ್ಪೆರೆ ಉಲ್ಲೆರ್ ಪಂದ್ ಗೋರೆಗಾಂವ್ ಕರ್ನಾಟಕ ಸಂಘದ ಗುರ್ಕಾರೆ ನಿತ್ಯಾನಂದ ಡಿ ಕೋಟ್ಯಾನ್, ಗೌರವ ಪ್ರಧಾನ ಕಾರ್ಯದರ್ಶಿ ಸರಿತಾ ಸುರೇಶ್ ನಾಯಕ್, ರಂಗಸ್ಥಳ ನಿರ್ದೇಶಕೆರ್ ವಾಸು ಶೆಟ್ಟಿ ಮಾರ್ನಾಡ್, ಸಂಚಾಲಕಿ ಲೀಲಾ ಗಣೇಶ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty