ಬೋಲ್ತೆರ್: ಪ್ರತಿಭಟನೆದ ಹಿನ್ನಲೆ ಗಾಡಿಲೆನ ಸಂಚಾರಡ್ ಬದಲಾವಣೆ

ಬೋಲ್ತೆರ್: ಸೌಜನ್ಯ ಪ್ರಕರಣಗ್ ಸಂಬoಧ ಪಟ್ಟಿನಂಚ ಇನಿ ಸೆ.3 ದಾನಿ ನಡಪುನ ಪ್ರತಿಭಟನಾ ಸಭೆಗ್ ಬೋಲ್ತೆರ್ ಪೇಟೆಡ್ ಭಾರಿ ಜನಸಂಖ್ಯೆ ಆವು ಪಂದ್ ರೋಡುಡ್ ಅಡೆ ತಡೆ ಆಪುನ ಸಾಧ್ಯತೆ ಉಂಡು.

ಈ ಕಾರಣಗ್ ಬೋಲ್ತೆರ್ ಪೇಟೆರ್ದ್ ಕಡೂರು-ಬಂಟ್ವಾಳ ಮಾರ್ಗಡ್ ಪೋಪುನ ಮಾತಾ ಗಾಡಿಲೆನ್ ಕಾಂಡೆ 9 ಗಂಟೆರ್ದ್ ಬಯ್ಯ 5 ಗಂಟೆ ಮುಟ ಕೊಯ್ಯೂರು ಕ್ರಾಸ್ ಆದ್ ಅದ್ರುಪೆರಾಲ್ ಮುಖೇನ ಪರಪ್ಪು ಗೇರುಕಟ್ಟೆಯಾದ್ ಕುಡ್ಲಗ್ ಪೊವೆರೆ ಸೂಚನೆ ಕೊರ್ತೆರ್. ಅಂಚನೆ ಕುಡ್ಲರ್ದ್ ಉಜಿರೆ ಗ್ ಬರ್ಪುನ ಮಾತಾ ಗಾಡಿಲು ಗುರುವಾಯನಕೆರೆ, ಉಬಾರ್ ರೋಡುದ ಮುಖೇನ ಪರಪ್ಪು ಕ್ರಾಸ್ ಆದ್ ಅದ್ರುಪೆರಾಲ್ ಆದ್ ಪೊವೆರೆ ಸೂಚನೆ ಕೊರ್ತೆರ್.

ಎಲ್ಯ ಎಲ್ಯ ಗಾಡಿಲು ಚರ್ಚ್ ಕ್ರಾಸ್‌ರ್ದ್ ಕನ್ನಾಜೆ, ಪಡ್ಲಾಡಿ, ಲಾಯಿಲ ಆದ್ ಉಜಿರೆ ಆದ್ ಪೊಪುನಂಚ ಮಾರ್ಗ ಬದಲಾವಣೆ ಮಲ್ತ್ ದ ಪಂದ್ ಅಪರ ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್.