ಪೆಜಮಾಡಿ : ಕಾಪು ತಾಲೂಕು ಪತ್ರಕರ್ತೆರ್ನ ಸಂಘದ ಅಧ್ಯಕ್ಷೆರಾದ್ ಆಯ್ಕೆ ಆಯಿನ ಎಚ್ಕೆ ಹೆಜ್ಮಾಡಿ ಮೆರೆಗ್ ಸನಿವಾರದಾನಿ ಆರ್ ಕಲ್ದಿನ ಪೆಜಮಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಅಲ್ತ ನಾಗರಿಕೆರ್ ಪುಟ್ಟೂರುದ ಪರವಾದ್ ಮಾನಾದಿಗೆ ಮಲ್ತೆರ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅನುವಂಶಿಕ ಪ್ರಧಾನ ಅರ್ಚಕೆರ್ ಕಮಲಾದೇವಿ ಪ್ರಸಾದ ಅಸ್ರಣ್ಣೆರ್, ಕನ್ನಂಗಾರ್ ಜುಮ್ಮಾ ಮಸೀದಿದ ಗುರುಕುಲು ಜನಾಬ್ ಅಶ್ರಫ್ ಸಖಾಫಿ ಕಿನ್ಯ ಅಂಚೆನೆ ಕಾರ್ನಾಡ್ ಅಮಲೋದ್ಭವ ಮಾತಾ ಚರ್ಚ್ ದ ಧರ್ಮ ಗುರುಕುಲು ವಂ.ಫಾ. ಸಿಲ್ವೆಸ್ಟರ್ ಡಿ.ಕೋಸ್ತ ಆಶೀರ್ವಚನ ಮಲ್ತೆರ್.
ಮಲ್ಲ ಬಿನ್ನೆರಾದ್ ಕಾಪು ಶಾಸಕೆರ್ ಸುರೇಶ್ ಶೆಟ್ಟಿ ಗುರ್ಮೆ, ಅಲ್ ಹಜ್ ಹರ್ ಇಂಗ್ಲಿಷ್ ಮೀಡಿಯಂ ಶಾಲೆದ ಸಂಚಾಲಕೆರ್ ಹಾಜಿ ಶೇಖಬ್ಬ ಕೋಟೆ, ಪೆಜಮಾಡಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆರ್ ರೇಶ್ಮಾ ಎ.ಮೆಂಡನ್, ಉಪಾಧ್ಯಕ್ಷೆರ್ ಮೋಹನ್ ಸುವರ್ಣ,ಮಾಜಿ ಅಧ್ಯಕ್ಷೆರ್ ಪಾಂಡುರಂಗ ಸಿ.ಕರ್ಕೇರ, ಎಚ್ಕೆ ಹೆಜ್ಮಾಡಿ ಸನ್ಮಾನ ಸಮಿತಿದ ಅಧ್ಯಕ್ಷೆರ್ ಪೌಲ್ ರೋಲ್ಫಿ ಡಿ ಕೋಸ್ತ ಮಿತ್ತರ್ಮೆಡ್ ಇತ್ತೆರ್.
ಸಮಿತಿದ ಉಪಾಧ್ಯಕ್ಷೆರ್ ವಾಮನ ಕೋಟ್ಯಾನ್ ನಡಿಕುದ್ರು ಬಿನ್ನೆರೆನ್ ಎದ್ಕೊಂಡೆರ್.ಸಮಿತಿದ ಉಪಾಧ್ಯಕ್ಷೆರ್ ಸಂಜೀವ ಟಿ ದೇವೆರೆನ್ ಸುಗಿತೆರ್.ದಸಂಸ ರಾಜ್ಯ ಸಂಚಾಲಕೆರ್ ಶೇಖರ್ ಹೆಜ್ಮಾಡಿ ಪ್ರಾಸ್ತಾವಿಕದ ಪಾತೆರ ಪಂಡೆರ್.ಸನಾ ಇಬ್ರಾಹಿಂ ಸೊಲ್ಮೆ ಸಂದಾಯೆರ್.
ನೆರ್ದ್ ದುಂಬು ಶಾಲೆದ ಜೋಕುಲು ಬಿನ್ನೆರೆನ್ ಎದ್ಕೊಂದು ಮೆರವಣಿಗೆಡ್ ಲೆತೊಂದು ಪೋಯೆರ್. ಅಯಿರ್ದ್ ಬೊಕ್ಕ ಪೆಜಮಾಡಿ ಶಾಲೆ ಬೊಕ್ಕ ವಿದ್ಯಾ ಪ್ರಸಾರ ವಿದ್ಯಾಮಂದಿರದ ಜೋಕುಲೆರ್ದ್ ನೃತ್ಯ ಕಾರ್ಯಕ್ರಮ ನಡತ್ಂಡ್.
pallavi shetty