ಮುಲ್ಕಿ : ಯಕ್ಷ ಲಹರಿ (ರಿ) ಕಿನ್ನಿಗೋಳಿ ಕೂಟದ 33ನೇ ವರ್ಷದ ಉಚ್ಚಯ, ಕರ್ಣಾಟಕ ಬ್ಯಾಂಕ್ ಯಕ್ಷಗಾನ ತಾಳಮದ್ದಳೆ “ಚರಿತಂ ಮಹಾತ್ಮನಃ” ಸಪ್ತಾಹ ಅಂಚೆನೆ ಕರಿದ್ ಪೋಯಿನ ಕಲಾವಿದೆರ್ನ ನೆಂಪು, ಸಾಧಕೆರೆಗ್ ಸನ್ಮಾನ ಲೇಸ್ ಜುಲೈ 31ರ್ದ್ ಆಗಸ್ಟ್ 6 ತಾರೀಕ್ ಮುಟ್ಟ ಯುಗಪುರುಷ ಸಭಾಭವನಡ್ ಪ್ರತಿ ದಿನ ಬಯ್ಯಡ್ 3.45 ಗಂಟೆರ್ದ್ ರಾತ್ರೆ 8.30 ಮುಟ್ಟ ನಡಪರೆ ಉಂಡು.
ಜು.31 ಸೋಮಾರ ಬಯ್ಯಡ್ ಕಟೀಲು ಕ್ಷೇತ್ರದ ಪ್ರಧಾನ ಅರ್ಚಕೆರ್ ಕೆ.ಲಕ್ಷ್ಮೀನಾರಾಯಣ ಅಸ್ರಣ್ಣ ಲೇಸ್ ಉದಿಪನ ಮಲ್ಪುವೆರ್. ಆ.6 ಐತಾರ ಬಯ್ಯಡ್ 4 ಗಂಟೆಗ್ ಮುಗಿತಲದ ಲೇಸ್ ನಡಪರೆ ಉಂಡು.
ಪ್ರತಿ ದಿನ ಬಯ್ಯಡ್ ಸಭಾ ಕಾರ್ಯಕ್ರಮರ್ದ್ ಬೊಕ್ಕ 5 ಗಂಟೆರ್ದ್ ಪುಗರ್ತೆದ ಕಲಾವಿದೆರೆರ್ದ್ ಧ್ರುವ ಚರಿತ್ರೆ, ನಳ ಚರಿತ್ರೆ,ರುಕ್ಮಾಂಗದ ಚರಿತ್ರೆ, ಪ್ರಹ್ಲಾದ ಚರಿತ್ರೆ, ವಾಮನ ಚರಿತ್ರೆ, ಕೌಶಿಕ ಚರಿತ್ರೆ ಬೊಕ್ಕ ಅಕೇರಿದ ದಿನ ಕಾಂಡೆ 10 ಗಂಟೆರ್ದ್ ಹರಿಶ್ಚಂದ್ರ ಚರಿತ್ರೆ ಮಧ್ಯಾಹ್ನ 2.30 ರ್ದ್ ಚಂದ್ರಹಾಸ ಚರಿತ್ರೆ ಯಕ್ಷಗಾನ ತಾಳಮದ್ದಳೆ ನಡಪರೆ ಉಂಡು ಪಂದ್ ಯಕ್ಷಲಹರಿ ಕಿನ್ನಿಗೋಳಿ (ರಿ) ಅಧ್ಯಕ್ಷೆರ್ ಬೊಕ್ಕ ಕೂಟದಕುಲು ಪತ್ರಿಕಾ ಹೇಳಿಕೆ ಡ್ ತೆರಿಪಾದೆರ್.
pallavi shetty