ಹೆಚ್ ಪಿ ಸಿ ಎಲ್ ಸಂಸ್ಥೆದ ಉದಿಪನದ ದಿನಾಚರಣೆ

ಕುಡ್ಲ: ಹಿಂದುಸ್ತಾನ್ ಪೆಟ್ರೋಲಿಯಂ ಕಾರ್ಪೋರೇಷನ್ ಲಿಮಿಟೆಡ್ ಕುಡ್ಲ ರಿಟೇಲ್ ಪ್ರಾದೇಶಿಕ ಕಚೇರಿಡ್ ಹೆಚ್ ಪಿ ಸಿ ಎಲ್ ನ 49 ನೇ ಉದಿಪನದ ದಿನಾಚರಣೆ ಜುಲೈ 17 ಸೋಮಾರ ನಡತ್ಂಡ್.

ಲೇಸ್‌ನ್ ಉಪ ಮಹಾಪ್ರಬಂಧಕೆರ್ ನವೀನ್ ಕುಮಾರ್ ಎಮ್ ಜಿ ಅಂಚನೆ ನಿವೃತ್ತ ಅಧಿಕಾರಿ ಶೈಲೇಶ್ ಆರ್ ರಾವ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.

ಲೇಸ್‌ಡ್ ಉಪ ಮಹಾ ಪ್ರಬಂಧಕೆರ್, ಮುಖ್ಯ ಅತಿಥಿಲು ಪೆಟ್ರೋಲಿಯಂ ಉದ್ಯಮ ಬೊಕ್ಕ ಉತ್ಪಾದನೆದ ಬಗೆಟ್ಟ್ ಮಾಹಿತಿ ಕೊರಿಯೆರ್. ಪೆಟ್ರೋಲಿಯಂ ಉತ್ಪನ್ನದ ಮಲ್ಲ ವಿತರಕೆರ್ ಬೊಕ್ಕ ಹೆಚ್ ಪಿ ಸಿ ಎಲ್ ಸಿಬ್ಬಂದಿಲು ಪಾಲ್ ಪಡೆದ್ ಇತ್ತೆರ್. ಅಯಿರ್ದ್ ಬೊಕ್ಕ ರೆಡ್ ಕ್ರಾಸ್ ಸಂಸ್ಥೆ ಕುಡ್ಲ ಮುತಾಲಿಕೆಡ್ ನೆತ್ತೆರ್ ದಾನ ಮಲ್ಪುನ ಲೇಸ್ ನಡತ್ಂಡ್. ಸುಮಾರ್ 120 ಜನಕುಲು ಈ ಲೇಸ್‌ಡ್ ಪಾಲ್ ಪಡೆದಿತ್ತೆರ್.