ನನೊರಿಯಗ್ ಎಡ್ಡೆ ಆಪಿನಂಚಿನ ಪುಣ್ಯದ ಕಾರ್ಯ ಮಲ್ತ್ಂಡ ದೇವೆರ್ ಒವ್ವಾಂಡಲ ರೂಪಡ್ ಬತ್ತ್ದ್ ನಮನ್ ಕಾಪುವೆರ್ ಪನ್ಪಿನ ಪಾತೆರ ನಿಜ ಆತ್ಂಡ್. ಪುಗರ್ತೆದ ನೆತ್ತೆರ್ ದಾನಿ, ಭಾರತೀಯ ರೆಡ್ಕ್ರಾಸ್ ಸಂಸ್ಥೆದ ಸುಳ್ಯದ ಸಭಾಪತಿ ಪಿ.ಬಿ.ಸುಧಾಕರ್ ರೈ ಮೆರೆನ ಕಾರ್ ಸೋಮಾರ ಆಕ್ಸಿಡೆಂಟ್ ಆತ್ಂಡ್.
ಆಕ್ಸಿಡೆಂಟ್ ಆಂಡಲಾ ಪವಾಡದ ರೀತಿಡ್ ಒವ್ವೇ ಪೆಟ್ಟ್ ಆವಂದೆ ಪಿ.ಬಿ.ಸುಧಾಕರ್ ರೈ ಮೇರ್ ಬಚಾವ್ ಆತೆರ್. ಕಾರ್ ಮಾತ್ರ ಜಖಂ ಆದಿತ್ತ್ದ್ ಸುಮಾರ್ 50 ಸಾರ ರೂ. ರಿಪೇರಿಗ್ ಕರ್ಚಿ ಆವು ಪಂದ್ ಅಂದಾಜಿ ಮಲ್ತ್ದೆರ್.
ಪಿ.ಬಿ.ಸುಧಾಕರ್ ಮೇರ್ ತನ್ನ ಕುಟುಮದಕ್ಲೆನ್ ಭೇಟಿ ಆಯರೆ ಬೋಡಾದ್ ಮಣಿಪಾಲಗ್ ಪೋವೊಂದಿತ್ತೆರ್. ಸೋಮಾರ ಕಾಂಡೆ ಮಣಿಪಾಲರ್ದ್ ಪಿದಡ್ದ್ ಪುತ್ತೂರ್ ಮುಕೇನ ಸುಳ್ಯಗ್ ಬರೊಂದಿತ್ತೆರ್. ಈ ಪೊರ್ತುಡು ಪುತ್ತೂರ್ದ ಕುಂಬ್ರದ ಕೈತಲ್ ಗೋಣಿಕೊಪ್ಪರ್ದ್ ಕುಡ್ಲಗ್ ಪೋವೊಂದಿತ್ತಿನ ಕಾರ್ ಗ್ ಒಂಜಿ ನಾಯಿ ಅಡ್ಡ ಬೈದ್ಂಡ್. ನಾಯಿಗ್ ಗುದ್ದುನೆನ್ ತಪ್ಪಾಯರೆ ಪೋದು ಕಾರ್ ಎದುರುಗ್ ಬರೊಂದಿಪ್ಪುನ ಪಿ.ಬಿ.ಸುಧಾಕರ್ ಮೆರೆನ ಕಾರ್ಗ್ ಗುದ್ದುದ್ಂಡ್.
Sudhakar Rai a well known blood donor from Sullia and chairman of Red cross sullia unit who has saved hundreds of lives with his noble act met with an accident, but was miracleously saved.
pallavi shetty