ಮಾ.3-4: ತೊಕ್ಕೊಟ್ಟು ಸ್ವಾಮಿ ಕೊರಗಜ್ಜ ಸೇವಾ ಸಮಿತಿದ ಮುತಾಲಿಕೆಡ್ ಶ್ರೀ ಸ್ವಾಮಿ ಕೊರಗಜ್ಜನ ವರ್ಷದ ನೇಮ, ಸಾಂಸ್ಕೃತಿಕ ಲೇಸ್

ತೊಕ್ಕೊಟ್ಟು ಸ್ವಾಮಿ ಕೊರಗಜ್ಜ ಸೇವಾ ಸಮಿತಿದ ಮುತಾಲಿಕೆಡ್ ಶ್ರೀ ಸ್ವಾಮಿ ಕೊರಗಜ್ಜನ ವರ್ಷದ ನೇಮ ಅಂಚೆನೆ ಸಾಂಸ್ಕೃತಿಕ ಲೇಸ್ ಮಾ.3 ಬೊಕ್ಕ 4 ಕ್ಕ್ ನಡಪರೆ ಉಂಡು.

ಮಾ.3 ಕ್ ಸುಕ್ರಾರ ಬಯ್ಯಗ್ ಶ್ರೀ ಸ್ವಾಮಿ ಕೊರಗಜ್ಜ ದೈವೊದ ಪ್ರಾರ್ತನೆದೊಟ್ಟಿಗೆ ಸಾಂಸ್ಕೃತಿಕ ಲೇಸ್ ದ ಉದಿಪನ ಆದ್ ರಾತ್ರೆ ರಂಗಚಲನ ಕುಡ್ಲ ಅಭಿನಯದ ತುಳು ಭಕ್ತಿ ಪ್ರಧಾನ ನಾಟಕ “ಮಾಯೊದ ಮಾಯ್ಕಾರೆ ನಮ್ಮ ಕೊರಗಜ್ಜೆ” ತುಳು ನಾಟಕ ನಡಪರೆ ಉಂಡು. ಮಾ.4 ಸನಿಯಾರ ಬಯ್ಯಗ್ ಸ್ವಾಮಿ ಕೊರಗಜ್ಜನ ವರ್ಷದ ನೇಮ, ರಾತ್ರೆ ಕೊರಗಜ್ಜ ಸೇವಾ ಸಮಿತಿದ ವತಿರ್ದ್ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಗ್ ಭಕ್ತಾದಿಲು ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಬತ್ತ್ ದ್ ಶ್ರೀ ಕೊರಗಜ್ಜ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ತೊಕ್ಕೊಟ್ಟು ಸ್ವಾಮಿ ಕೊರಗಜ್ಜ ಸೇವಾ ಸಮಿತಿದ ಅಧ್ಯಕ್ಷೆರ್, ಗೌರವಾಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.