ಪಂಜ ಕೊಯಿಕುಡೆ: ಗುತ್ತಿನಾರ್ ನಲ್ಯಗುತ್ತು ಭೋಜ ಶೆಟ್ರೆನ ನೆಂಪುಗಾದ್ ದೈವಾರಾಧನೆ ಕ್ಷೇತ್ರದ ಸಾಧಕೆರೆಗ್ ಮಲ್ಪುನ ಈ ಸರ್ತಿದ ಮಾನಾದಿಗೆನ್ ಸಸಿಹಿತ್ಲು ಶ್ರೀ ಸಾರಂತಾಯ ಗರೊಡಿ ಉಲ್ಲಾಯ ಸಾನದ ಗುರಿಕಾರೆರ್ ಕಾಂತು ಲಕ್ಕಣ ಯಾನೆ ಪಠೇಲ್ ಯಾದವ ಜಿ. ಬಂಗೇರ ಮೆರೆಗ್ ಮಲ್ತೆರ್. ಹರಿಪಾದ ಶ್ರೀ ಜಾರಂದಾಯ ದೈವಸ್ಥಾನದ ವರ್ಷಾಧಿದ ನೇಮದ ಪೊರ್ತುಡು ಸನಿಯಾರ ರಾತ್ರೆ ಗೌರವಾರ್ಪಣೆ ಬೊಕ್ಕ ಜೋಕುಲೆಗ್ ಪ್ರತಿಭಾ ಪುರಸ್ಕಾರ ಪಟ್ಟುನ ಲೇಸ್ ನಡತ್ಂಡ್.
ಉಂದುವೇ ಪೊರ್ತುಡು ಜಾರಂದಾಯ ಸಾನೊಡು ಸೇವೆ ಮಲ್ದಿನ ನಾರಾಯಣ ಸುವರ್ಣ ಮೆರೆಗ್ ಲ ಮಾನಾದಿಗೆ ನಡತ್ಂಡ್. ಅವ್ವತ್ತಂದೆ ಪಂಜ ಕೊಯಿಕುಡೆ ಗ್ರಾಮದ ಪ್ರತಿಭಾವಂತ ಕಲ್ಪಾರ್ಥಿಲೆಗ್ ಪ್ರತಿಭಾ ಪುರಸ್ಕಾರ ಪಟ್ಚದ್ ಮಾನಾದಿಗೆ ಮಲ್ತೆರ್.
ಈ ಪೊರ್ತುಡು ಎಡ್ಡೆಪ್ಪುದ ಮದಿಪು ಕೊರಿನ ವಿದ್ವಾನ್ ಪಂಜ ಭಾಸ್ಕರ ಭಟ್ ಮೇರ್, ಸಾಧಕೆರೆಗ್ ಮಾನಾದಿಗೆ ಮಲ್ಪುನು ನನದ ಪೀಳಿಗೆಗ್ ಪ್ರೇರಣೆ ಆವೊಡು ಪನ್ಪಿನ ಉದ್ದೇಶೊಡು. ಜಾರಂದಾಯನ ನೇಮ ಮಲ್ಪುನು ಮಾತ್ರ ಅತ್ತಾಂದೆ ಸಮಾಜದ ಸಾಧಕೆರೆನ್ ಗುರ್ತಿಸಾದ್ ಗೌರವ ಮಲ್ಪುನ ಬೇಲೆಲ ಆವೊಡು ಪನ್ಪಿನವು ದಿ.ಗುತ್ತಿನಾರ್ ಭೋಜ ಶೆಟ್ರೆನ ಆಲೋಚನೆ ಆದಿತ್ತ್ಂಡ್. ಅರೆನ ಸಂಕಲ್ಪದಂಚೆನೆ ಪ್ರತಿ ವರ್ಷಲ ಈ ಮಾನಾದಿಗೆ ನಡಪುಂಡು ಪಂಡೆರ್.
ಮತ್ತರ್ಮೆಡ್ ಬಿನ್ನೆರಾದ್ ಪಂಜದಗುತ್ತು ವಿಶ್ವನಾಥ ಶೆಟ್ರ್ , ನಲ್ಯಗುತ್ತು ಶಿವಾಜಿ ಶೆಟ್ರ್ , ಕುಡುಂಬೂರು ಅಶ್ವಿನ್ ಶೇಖ, ಭಾಸ್ಕರ ಶೆಟ್ರ್, ದಿವಾಕರ ಶೆಟ್ರ್ ಇತ್ತೆರ್. ಪ್ರಕಾಶ್ ಶೆಟ್ಟಿ ನಲ್ಯಗುತ್ತು ಪ್ರಸ್ತಾವಿಕವಾದ್ ಪಾತೆರಿಯೆರ್. ಉಮೇಶ್ ಪಂಜ ಸಭೆ ಸುಧಾರಿಕೆ ಮಲ್ತೆರ್.
Sasihitlu Kantu Lakkana Gurikara yane Patel Yadava G. Bangera honoured
Persons in the field of Daiva Aradhane are honoured every year in memory of Bhoja Shetty, Nalya Gutthu This year Kanthu Lakkana alies Patel Yadav G Bangera of sasihithlu Sri Sarantaya Garodi was honoured.
Talented students were also honoured on the occasion. The program was held at the annual Nemotsava of Haripada Sri Jarandaya Daivastana.
Editorial