ಒಡಿಪು: ತುಳು ಭಾಷೆಗ್ ಸ್ಥಾನಮಾನ ತಿಕ್ಕುನ ಬಗೆಟ್ ಸಾಧಕ-ಭಾದಕದ ಚರ್ಚೆಗೋಸ್ಕರ ಸಮಿತಿನ್ ರಚನೆ ಮಲ್ತ್ದಿತ್ತ್ದ್, ಸಮಿತಿದ ವರದಿ ತೂದು ದುಂಬುದ ದಿನಟ್ಟ್ ಸರ್ಕಾರ ತೀರ್ಮಾನ ಮಲ್ಪರೆ ಉಂಡು ಪಂದ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ವಿ. ಸುನೀಲ್ ಕುಮಾರ್ ತೆರಿಪಾದೆರ್.
ಒಡಿಪುಡು ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಈ ರಾಜ್ಯಡ್ ಕನ್ನಡಗ್ ಸುರುತ್ತ ತಾನೊ ಉಂಡು. ಕನ್ನಡ ಬುಡ್ದ್ ಬೇತೆ ದಾದಲ ಯೋಚನೆ ಮಲ್ಪರೆ ಸಾಧ್ಯ ಇಜ್ಜಿ. ತುಳು, ಕನ್ನಡದ ಚಟುವಟಿಕೆ ಬೊಕ್ಕ ಕನ್ನಡ ನಾಡ್ದ ಒಟ್ಟುಗು ಏಪಲ ಉಂಡು. ತುಳುನಾಡ್ ಪ್ರತ್ಯೇಕವಾದ್ ಬೋಡು ಪಂದ್ ನಮ ಕೇನೊಂದಿಜ್ಜ. ತುಳು ಭಾಷೆಗ್ ರಡ್ಡನೇ ಆದ್ಯತೆ ತಿಕ್ಕೊಡು ಪಂದ್ ಕೇನೊಂದುಲ್ಲ ಪಂದ್ ಪಂಡೆರ್.
ಕನ್ನಡಗ್ ಮಾತ ರೀತಿದ ಸ್ಥಾನಮಾನಲು ತಿಕ್ಕೊಂದುಂಡು. ಬೇತೆ ಬೇತೆ ರಾಜ್ಯಡ್ ಆದ್ಯತೆನ್ ಕೊರ್ಪಿನ ಪಕ್ರಿಯೆ ನಡತೊಂದು ಉಂಡು. ಮಸ್ತ್ ಬಿನ್ನಾಪು ಬತ್ತಿನೆಡ್ದ್ ಬೊಕ್ಕ ಅಯಿತ್ತ ಚರ್ಚೆಗೋಸ್ಕರ ಸಮಿತಿನ್ ರಚನೆ ಮಲ್ತ್ದೆರ್. ಸಮಿತಿ ಕೊರ್ಪಿನ ವರದಿನ್ ತೂದು ದುಂಬುದ ಕ್ರಮ ದೆತೊನ್ಯರೆ ಉಂಡು ಪಂದ್ ಸುನೀಲ್ ಕುಮಾರ್ ಮೇರ್ ತೆರಿಪಾಯೆರ್.
pallavi shetty