ಜ.15,18 :ಪಂಜ ಕೊಯಿಕುಡೆ ಶ್ರೀ ವಿಠೋಬ ಭಜನಾ‌ ಮಂದಿರಡ್ 64ನೇ ವರ್ಷದ ಭಜನಾ ಮಂಗಳ, ವರ್ಧಂತಿ ಉಚ್ಚಯ

ಕಿನ್ನಿಗೋಳಿ : ಪಂಜ ಕೊಯಿಕುಡೆ ಶ್ರೀ ವಿಠೋಬ ಭಜನಾ‌ ಮಂದಿರಡ್ 64ನೇ ವಾರ್ಷಿಕ ಭಜನಾ ಮಂಗಳ ಉಚ್ಚಯ ಜ.15 ಐತಾರ ಬೊಕ್ಕ ವರ್ಧಂತಿ ಉಚ್ಚಯ ಜ.18 ಬುಧಾರ ನಡಪರೆ ಉಂಡು.

ಜ.15 ಬೊಲ್ಪುಗು ಭಜನೆ ಸುರುವಾದ್ ಜಾಮಪೂಜೆ, ಮಂಗಳ ಉಚ್ಚಯ ನಡತ್ ದ್ ಪ್ರಸಾದ ಪಟ್ಟ್ ದ್ , ಅನ್ನಸಂತರ್ಪಣೆ ನಡಪರೆ ಉಂಡು. ಜ.18 ಗು ಬೊಲ್ಪುಗು ಸಾಮೂಹಿಕ ಸತ್ಯನಾರಾಯಣ ಪೂಜೆ, ಭಜನೆ, ಮಂಗಳಾರತಿ ಬೊಕ್ಕ ಬಯ್ಯಗ್ 5 ಗಂಟೆರ್ದ್ ದಿ. ಪಂಜ ಲಕ್ಕಪ್ಪ ಶೆಟ್ರ್ ನ ನೆಂಪುಗಾದ್ ಮೆರೆನ ಜೋಕುಲು ಸೇವೆದ ರೂಪಡ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ಪ್ರಸಾದಿತ ದಶಾವತಾರ ಸೇವೆ ಯಕ್ಷಗಾನ ಮಂಡಳಿದಕ್ಲೆರ್ದ್ ಆಟ ಗೊಬ್ಬಯೆರೆ ಉಲ್ಲೆರ್. ಈ ಮಾತಾ ಲೇಸ್ ಗ್ ಮಾತೆರ್ಲ ಬತ್ತ್ ದ್ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ವಿಠೋಬ ಭಜನಾ ಮಂದಿರದ ಅಧ್ಯಕ್ಷೆರ್ ಸತೀಶ್ ಎಂ. ಶೆಟ್ಟಿ ಪಂಜ ಬೈಲಗುತ್ತು, ಗೌರವಾಧ್ಯಕ್ಷೆರ್ ವಿಶ್ವನಾಥ ಶೆಟ್ಟಿ ಪಂಜದಗುತ್ತು ಅಂಚೆನೆ ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.