ಬೊಲ್ತೇರ್ ತಾಲೂಕ್ದ ಗುರುವಾಯನಕೆರೆ ಪಿಲಿಚಾಮುಂಡಿಕಲ್ಲು ಮುಲ್ಪ ವರ್ಷಂಪ್ರತಿ ನಡಪುನ ಶ್ರೀ ಪಿಲಿಚಂಡಿ ದೈವದ ದೊಂಪದ ಬಲಿ ಉಚ್ಚಯ ಡಿ. 1 ತಾರೀಕ್ಗ್ ಬಯ್ಯ 6 ಗಂಟೆಗ್ ನಡಪರೆ ಉಂಡು.
ಈ ಉಚ್ಚಯಗ್ ಮಾತ ಭಕ್ತೆರ್ ಬತ್ತ್ದ್, ಗಂಧಪ್ರಸಾದನ್ ದೆತೊಂದ್ ದೈವದ ಕೈಪೆಗ್ ಪಾತ್ರರಾವೊಡು ಪಂದ್ ಪಿಲಿಚಾಮುಂಡಿಕಲ್ಲು ದೊಂಪದಬಲಿ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಸೋಮಶೇಖರ ದೇವಸ್ಯ ಬಾಳಿಕೆ, ಉಪಾಧ್ಯಕ್ಷೆರ್ ವಿತೇಶ್ ಬಂಗೇರ ಅಂಚನೆ ಶ್ರೀನಿವಾಸ ಅಸ್ರಣ್ಣೆರ್ ಮೂಡುಮನೆ, ಅಳದಂಗಡಿ ಅರಮನೆತ್ತ ಎ. ರಾಜಶೇಖರ ಶೆಟ್ಟಿ, ಗೌರವಾಧ್ಯಕ್ಷೆರ್ ಪ್ರವೀಣ್ ಕುಮಾರ್ ಅಜ್ರಿ, ಪ್ರಧಾನ ಕಾರ್ಯದರ್ಶಿ ಜಿ. ನಾಗೇಶ್ ಮೂಲ್ಯ, ಕಾರ್ಯದರ್ಶಿ ಶೋಭಿತ್ ಜೈನ್, ಕೋಶಾಧಿಕಾರಿ ನಾರಾಯಣ ಆಚಾರ್ಯ ಬರಾಯ ಸೇರಿನಂಚನೆ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty