ಡಿಸೆಂಬರ್ 8 : ಕಾರಂಬಡೆ ಶ್ರೀ ಮಹಮಾಯಿ ಕ್ಷೇತ್ರಡ್ ಮಾರಿ ಪೂಜೆ, ರಾಶಿ ಪೂಜೆ

ಬಂಟ್ವಾಳ: ಶ್ರೀ ಮಹಮ್ಮಾಯಿ ಕ್ಷೇತ್ರ ಪ್ರತಿಪ್ಠಾನ (ರಿ.) ಕಾರಂಬಡೆ ಮೂಲು ಪ್ರತಿ ವರ್ಷ ನಡಪುನ ಜಾರ್ದೆ ತಿಂಗೊಲ್ ದ ಪುಣ್ಣಮೆದ ದಿನತಾನಿ (ಡಿ.8) ಮಾರಿಪೂಜೆ ಬೊಕ್ಕ ಕಾಳಭೈರವಗ್ ರಾಶಿಪೂಜೆ ನಡಪರೆ ಉಂಡು.

ರಾತ್ರೆ 7:30ರ್ದ್ ಭಜನೆ ಸುರು ಆದ್, ಮಹಾಪೂಜೆದ ಬೊಕ್ಕ ಅನ್ನಸಂತರ್ಪಣೆ ನಡಪುಂಡು. ಅಂಚಾದ್ ಭಕ್ತೆರ್ ಹೆಚ್ಚ ಸಂಖ್ಯೆಡ್ ಪಾಲ್ ಪಡೆದ್, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಮಹಮ್ಮಾಯಿ ಕ್ಷೇತ್ರ ಪ್ರತಿಷ್ಠಾನ (ರಿ.) ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಅರುಣ್ ಕುಮಾರ್ ಕಾರಂಬಡೆ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್, ಶ್ರೀ ಮಹಮ್ಮಾಯಿ ಕ್ಷೇತ್ರ ಪ್ರತಿಷ್ಠಾನ (ರಿ.)ದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್, ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.