ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ ಬಿ.ಸಿ.ಟ್ರಸ್ಟ್ , ಕುಡ್ಲ ನೆತ್ತ ಪ್ರಗತಿ ಬಂಧು ಸ್ವಸಹಾಯ ಸಂಘಲೆನ ಒಕ್ಕೂಟ ಜಪ್ಪಿನಮೊಗರ್ ವಲಯದ ಕಾಪಿಕಾಡ್, ಕೆರೆಬೈಲ್, ಬೊಕ್ಕ ಪಂಡಿತ್ ಹೌಸ್ ಒಕ್ಕೂಟದ ಸತ್ಯನಾರಾಯಣ ಪೂಜೆ ಬೊಕ್ಕ ಒಕ್ಕೂಟ ಪದಗ್ರಹಣ ಲೇಸ್ ತೊಕ್ಕೊಟ್ಟುಡು ನಡತ್ಂಡ್.
ಈ ಲೇಸ್ ನ್ ಶ್ರೀ ಚೀರುಂಭ ಭಗವತಿ ದೇವಲ್ಯದ ಅಧ್ಯಕ್ಷೆರಾದ್ ಚಂದ್ರಹಾಸ್ ಉಳ್ಳಾಲ್ ದೀಪ ಪೊತ್ತಾದ್ ಉದಿಪನ ಮಲ್ತೆರ್. ಯೋಜನೆ ಈ ಭಾಗಡ್ ಕರಿನ 20 ವರ್ಷಲೆರ್ದ್ ಜನತ ಇಲ್ಲ ಬಾಕಿಲ್ ಗ್ ಬತ್ತ್ ದ್ ಕುಟುಮದೊಟ್ಟಿಗೆ ಸಮಾಜದ ಅಭಿವೃದ್ಧಿಡ್ ಮಲ್ಲ ಪಾತ್ರ ಒಯಿಸದ್ಂಡ್ ಪಂದ್ ಪಂಡೆರ್.
ಧಾರ್ಮಿಕ ಉಪನ್ಯಾಸ ಕೊರ್ನ ದ.ಕ. ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಡಾ| ಅರುಣ್ ಉಳ್ಳಾಲ್ , ಇಲ್ಲಲ್ ಪೊಪ್ಪ ಅಮ್ಮ ಜೋಕುಲೆನ ಜೀವನ ಉದ್ಧಾರಕ್ಕಾದ್ ಏತ್ ಕಷ್ಟ ಪಡೆಪೆರ್ ಪನ್ಪುನ ಅರಿವು ಜೋಕುಲೆಗ್ ಇಪ್ಪೊಡು ಪಂದ್ ತೆರಿಪಾಯೆರ್. ತಾಲೂಕ್ ಯೋಜನಾಧಿಕಾರಿ ಚೆನ್ನಕೇಶವ ಸರ್ ಪಾತೆರ್ದ್, ಯೋಜನೆ ರಾಜ್ಯದ ಮಾತ ಕಡೆಟ್ಲಾ ಈತ್ ಆಚ್ಚುಕಟ್ಟಾದ್ ಬುಲೆಯೆರೆ ಜನತ ಸಹಾಭಾಗಿತ್ವನೇ ಕಾರಣ ಆತ್ಂಡ್ ಪಂದ್ ಪಂಡೆರ್. ಈ ಪೊರ್ತುಡು ದಿ ಮೈಸೂರ್ ಎಲೆಕ್ಟ್ರಿಲ್ ಇಂಡಸ್ಟ್ರೀಸ್ ಲಿಮಿಟೆಡ್ ಸಂಸ್ಥೆದ ಮಾಜಿ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ರೈ ಬೋಳಿಯಾರ್, ಸಾಯಿ ಪಾರಿವಾರ್ ಟ್ರಸ್ಟ್ ದ ಪ್ರಮುಖೆರಾಯಿನ ಪುರುಷೋತ್ತಮ ಕಲ್ಲಾಪು, ಧರ್ಮ ಸಾಕ್ಷಿ ಒಕ್ಕೂಟದ ನಾರಾಯಣ ಬಿ. ಬೊಕ್ಕ ಭವ್ಯ, ಶ್ರೀ ರಕ್ಷಾ ಒಕ್ಕೂಟದ
ಸುಷ್ಮಾ ಜನಾರ್ದನ, ಸುಜಾತ, ಧರ್ಮ ಜ್ಯೋತಿ ಒಕ್ಕೂಟದ ಸಿಂಧೂ ಪಿ.ಕೆ. , ರತಿ, ಧರ್ಮ ದೀಪ ಒಕ್ಕೂಟದ ಪ್ರಿಯಾ, ಪದ್ಮಾವತಿ ಇತ್ತೆರ್. ಸರಸ್ವತಿ ವರದಿವಾಚನ ಮಲ್ತೆರ್. ಜಪ್ಪಿನ ಮೊಗೆರ್ ವಲಯ ದ ಮೇಲ್ವಿಚಾರಕೆರ್ ಕೃಷ್ಣ ಪೊನ್ನತೊಡು ಲೇಸ್ ದ ನಿರೂಪಣೆ ಮಲ್ತೆರ್. ವಿಜಯ ಲಕ್ಷ್ಮಿ ಎದ್ಕೊನಿಯೆರ್ ಸೇವಾಪ್ರತಿನಿಧಿ ಅನುಸೂಯ ಸೊಲ್ಮೆ ಸಂದಾಯೆರ್.
pallavi shetty