ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮುತಾಲಿಕೆಡ್ 2021ನೇ ಸಾಲ್‌ದ ಗೌರವ ಪ್ರಶಸ್ತಿ , ಬೂಕು ಇನಾಮುದ ಲೇಸ್ ಅಂಚೆನೆ ಊರು ಪರವೂರುದ ತುಳು ಸಾಧಕೆರೆಗ್ ರಾಜ್ಯ ಪ್ರಶಸ್ತಿ ಕೊರ್ಪಿನ ಲೇಸ್ ಸೆ. 24 ತಾರೀಕ್ ಸನಿವಾರದಾನಿ ಕುಡ್ಲದ ಕುದ್ಮುಲ್ ರಂಗರಾವ್ ಪುರಭವನಡ್ ನಡತ್oಡ್.
ಈ ಲೇಸ್ ಡ್ “ಶ್ರೇಷ್ಠ ಭಾರತೀಯ ಪತ್ರಕರ್ತೆರ್” ಪ್ರಶಸ್ತಿ ಪಡೆಯಿನ ಅಂಚನೆ ಕನ್ನಡಿಗ ಪತ್ರಕರ್ತರೆರ್ನ ಸಂಘ, ಮಹಾರಾಷ್ಟ್ರ ಉಂದೆತ್ತ ಅಧ್ಯಕ್ಷೆರ್ ರೋನ್ಸ್ ಬಂಟ್ವಾಳ್ ಮೆರೆಗ್ ತುಳು ಸಾಹಿತ್ಯ ಅಕಾಡೆಮಿದ ‘ರಾಜ್ಯ ಮಾಧ್ಯಮ ಪುರಸ್ಕಾರ’ ಕೊರ್ದು ಮಾನಾದಿಗೆ ಮಲ್ತೆರ್.
ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲ ಸಾರಿಗೆ ಸಚಿವೆರ್ ಎಸ್. ಅಂಗಾರ ಲೇಸ್‌ನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಜಿ. ಕತ್ತಲ್‌ಸಾರ್ ಲೇಸ್‌ದ ಗುರ್ಕಾರ್ಮೆ ವಹಿಸ್ ದಿತ್ತೆರ್.
ಈ ಪೊರ್ತುಡು ಬಿಜೆಪಿ ರಾಜ್ಯಾದ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಆಳ್ವಾಸ್ ಶಿಕ್ಷಣ ಸಂಸ್ಥೆದ ಮುಖ್ಯಸ್ಥೆರ್ ಡಾ| ಮೋಹನ್ ಆಳ್ವ, ಶಾಸಕೆರಾಯಿನ ಉಮಾನಾಥ್ ಕೋಟ್ಯಾನ್, ವೇದವ್ಯಾಸ ಕಾಮತ್, ಮಾಜಿ ಮೇಯರ್ ಪ್ರೇಮಾನಂದ ಶೆಟ್ಟಿ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ಕುಡ್ಲದ ಗುರ್ಕಾರ್ಲು ಮಟ್ಟಾರು ರತ್ನಾಕರ ಹೆಗ್ಡೆ, ಅಕಾಡೆಮಿದ ಪದುಕೆರಾಯಿನ ಸರ್ವೋತ್ತಮ ಶೆಟ್ಟಿ, ಅಬುಧಾಬಿ, ಡಾ. ಆಕಾಶ್ ರಾಜ್ ಜೈನ್, ಕಾಂತಿ ಶೆಟ್ಟಿ, ಬೆಂಗಳೂರು, ದಿನೇಶ್ ರೈ ಕಡಬ, ನಾಗೇಶ್ ಕುಲಾಲ್, ನರೇಂದ್ರ ಕೆರೆಕಾಡು, ಚೇತಕ್ ಪೂಜಾರಿ, ಸಂತೋಷ್ ಪೂಜಾರಿ, ಲೀಲಾಕ್ಷ ಕರ್ಕೇರ ಸೇರಿನಂಚನೆ ಮಲ್ಲ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
pallavi shetty