ಮುಲ್ಕಿ : ತುಳುಕ್ಕು ದಾದ ಮಲ್ಪೊಡು ಪನ್ಲೆ, ತುಳುಟ್ಟು ಪದ ಪನೊಡಾ, ಭಾಷಣ ಮಲ್ಪೊಡಾ ತುಳುಟ್ಟು ನೋಟ್ ಬರೆಯೊಡಾ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಕೇಂಡಿನ ಘಟನೆ ಅಂಗಾರೆ ನಡತ್ಂಡ್.
ಮುಲ್ಕಿ ತಾಲೂಕು ಕಚೇರಿಗ್ ಅಂಗಾರೆ ಭೇಟಿ ಕೊರ್ದು ಸಾರ್ವಜನಿಕೆರ್ನ ಅಹವಾಲ್ ಕೇನರೆ ಬೈದಿನ ಡೀಸಿ, ಮಾಧ್ಯಮದಕುಲು ಕೇಂಡಿನ ಪ್ರಶ್ನೆಗ್ ಇಂಚ ಪಿರ ಪ್ರಶ್ನೆ ಪಾಡಿಯೆರ್.
ಕರ್ನಾಟಕೊಡು ಕನ್ನಡ ಆಡಳಿತ ಬಾಸೆ. ಅಂಚಾದ್ ಕನ್ನಡನೇ ಬಳಕೆ ಮಲ್ಪುವ. ತುಳು ಬಾಸೆಡ್ ಲೋಕಲ್ ಸೆಂಟಿಮೆಂಟ್ ಉಪ್ಪುಂಡು. ಎಂಕುಲು ತುಳು ಬಾಸೆಗ್ ಎಚ್ಚಿನ ಗೌರವ ಕೊರೊಂದುಲ್ಲ. ಯಾನ್ಲಾ ತುಳು ಕಲ್ಪುವೆ ಪಂಡೆರ್.
ತುಳು ಬಾಸೆನ್ ರಾಜ್ಯ ಬಾಸೆ ಮಲ್ಪುನ ವಿಚಾರ ಅಂಚೆನೆ ತುಳುನು ಸಂವಿಧಾನದ 8 ನೇ ಪರಿಚ್ಚೇದಗ್ ಸೇರ್ಸಾವುನ ವಿಚಾರ ರಾಜ್ಯ ಸರಕಾರ ಬೊಕ್ಕ ಕೇಂದ್ರ ಸರಕಾರೊಗು ಸೇರ್ದಿನವು, ಜಿಲ್ಲಾಡಳಿತ ಮಲ್ಪುನತ್ತ್ ಪಂದ್ ರಾಜೇಂದ್ರ ಕೆ.ವಿ. ಪಂಡೆರ್.
pallavi shetty