ಕೂಲಿ ಕೊರಂದೆ ಬೇಲೆ ಮಲ್ಪಾವೊಂದಿತ್ತಿನ ಕೋಟಿ ರೂ. ಬಿಲೆತ್ತ ಮರ್ಸಿಡಿಸ್ ಕಾರ್‌ಗ್ ತೂ ಪಾಡಿನ ಮೇಸ್ತ್ರಿ..!

ನೋಯ್ಡಾ: ನೆಲಕ್ಕ್ ಟೈಲ್ಸ್ ಪಾಡೊಂದಿತ್ತಿನ ಮೇಸ್ತ್ರಿ ಒರಿ ತಾನ್ ಮಲ್ತಿನ ಬೇಲೆಗ್ ಸರಿಯಾದ್ ಕೂಲಿ ಕೊರಂದಿನ ಕಾರಣ ಬೇಲೆ ಮಲ್ಪಾವೊಂದಿತ್ತಿನ ಧನಿನ 1 ಕೋಟಿ ಕಾಸ್‌ದ ಮರ್ಸಿಡಿಸ್ ಕಾರ್‌ಗ್ ತೂ ಪಾಡ್ದಿನ ಘಟನೆ ಉತ್ತರ ಪ್ರದೇಶದ ನೋಯ್ಡಾದ ಸದರ್ಪುರ್ ಕಾಲೋನಿಡ್ ನಡತ್ಂಡ್.

ಮರ್ಸಿಡಿಸ್ ಕಾರ್‌ಡ್ ಪೋವೊಂದಿತ್ತಿನ ಈ ಜನ ಟೈಲ್ಸ್ ಮಾರುನಕ್ಲೆಗ್ ಬೊಕ್ಕ ಟೈಲ್ಸ್ ಪಾಡುನ ಮೇಸ್ತ್ರಿನಕ್ಲೆಗ್ ಸರಿಯಾದ್ ಕಾಸ್ ಕೊರೊಂದಿಜ್ಜಾಂಡ್. ಸುಮಾರ್ 2 ಲಕ್ಷ ಕಾಸ್ ಕೊರಿಯರೆ ಬಾಕಿ ಇತ್ತ್ಂಡ್. ಕೇನ್ನಗ ಎಲ್ಲೆ ಕೊರ್ಪೆ, ಎಲ್ಲಂಜಿ ಕೊರ್ಪೆ ಪಂದ್ ಪನೊಂದಿತ್ತೆ. ಅಂಚಾದ್ ಮೇಸ್ತ್ರಿ ಬೆಚ್ಚಡ್ ಕಾರ್ ಗ್ ಪೆಟ್ರೋಲ್ ಪಾಡ್ದ್ ತೂ ಕೊರ್ತೆ.