ಕುಡ್ಲ ದಸರಾ: ಶಾಲೆದ ಜೋಕುಲೆಗ್ ರಜೆ ಕೊರಿಯರೆ ಶಿಕ್ಷಣ ಸಚಿವೆರೆಗ್ ಬಿನ್ನಾಪು ಮಲ್ತಿನ ಶಾಸಕೆರ್ ವೇದವ್ಯಾಸ್ ಕಾಮತ್

ಕುಡ್ಲ: ಈ ಸರ್ತಿ ಮಂಗಳೂರು ದಸರಾದ ನಿಲೆಟ್ಟ್ ದಕ ಜಿಲ್ಲೆದ ಶಾಲೆದ ಜೋಕುಲೆಗ್ ರಜೆ ಕೊರಿಯರೆ ಶಾಸಕೆರ್ ವೇದವ್ಯಾಸ್ ಕಾಮತ್ ಪ್ರಾಥಮಿಕ ಬೊಕ್ಕ ಪ್ರೌಢ ಶಾಲಾ ಶಿಕ್ಷಣ ಸಚಿವೆರ್ ಬಿ.ಸಿ ನಾಗೇಶ್ ಮೆರೆಡ ಬಿನ್ನಾಪು ಮಲ್ತ್‌ದೆರ್.

ಸೆ. 26 ರ್ದ್ ಮಾರ್ನೆಮಿ ಸುರು ಆಯರೆ ಇತ್ತ್‌ದ್ ಕಾರ್ ಸ್ಟ್ರೀಟ್, ಕುದ್ರೋಳಿ, ಮಂಗಳಾದೇವಿಡ್ ಶಾರದಾ ಮಹೋತ್ಸವ ಭಾರೀ ಗೌಜಿಡ್ ನಡಪರೆ ಉಂಡು. ಅಂಚಾದ್ ಶಾಲೆದ ಜೋಕುಲೆಗ್ ದಸರಾ ರಜೆ ಕೊರಿಯರೆ ಬಿನ್ನಾಪು ಮಲ್ತ್‌ದಿತ್ತ್‌ದ್, ಸಚಿವೆರ್ ಬಿನ್ನಾಪುನ್ ಒತೊಂದೆರ್. ಬಾರೀ ಬೇಗಡೇ ಆದೇಶನ್‌ಲ ಕೊರಿಯೆರೆ ಉಲ್ಲೆರ್ ಪಂದ್ ಶಾಸಕೆರ್ ತೆರಿಪಾದೆರ್.