ಮುಲ್ಕಿ: ಕಾಂಗ್ರೆಸ್ ಪಕ್ಷದ ಮುಲ್ಕಿ ಪೇಂಟೆದ ಪ್ರಜಾಪ್ರತಿನಿಧಿ ಸಮಿತಿದ ಪೊಸತ್ತ್ ಕಚೇರಿ ಮುಲ್ಕಿದ ಫಾತಿಮಾ ಕಟ್ವಾಣದ ರಡ್ಡನೇ ಮಾಳಿಗೆಡ್ ಸುಕ್ರಾರ ಉದಿಪನ ಆಂಡ್.
ಮಾಜಿ ಮಂತ್ರಿಲು ಅಭಯಚಂದ್ರ ಜೈನ್ ಕಚೇರಿ ಉದಿಪನ ಮಲ್ತ್ ದ್, ದುಂಬುದ ದಿನೊಟ್ಟು ಮಾತಾ ಪಂಚಾಯಿತಿಡ್ಲ ಕಾಂಗ್ರೆಸ್ ಅಧಿಕಾರ ಬರೊಡು, ಮುಲ್ಕಿ ಬೆದ್ರ ಕ್ಷೇತ್ರಗ್ ಕಾಂಗ್ರೆಸ್ ಎಂಎಲ್ ಎ ಆವೊಡು. ಅಯಿಕ್ ಬೋಡಾದ್ ಕಾಂಗ್ರೆಸ್ ನ್ ಕಟ್ಟುನ ಕೆಲಸ ಆವೊಡು ಪಂಡೆರ್.
ಕಚೇರಿಡ್ ದೀಪ ಅರ್ಲಾದ್ ಪಾತೆರಿನ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪಾತೆರ್ದ್, ಹಳೆಯಂಗಡಿ ಪಂಚಾಯತ್ ಡ್ ನಡತಿನ ಅವ್ಯಹಾರದ ವಿರುದ್ಧ ನಡಪುನ ಪೊರ್ಂಬಾಟ ಆಯಾ ತಪ್ಪು ಮಲ್ದಿನ ಸದಸ್ಯೆರ್ ರಾಜೀನಾಮೆ ಕೊರ್ಪಿನ ಮುಟ್ಟ ನಡಪುಂಡು. ಅಯಿಕ್ ಕಾರ್ಯಕರ್ತೆರ್ ಏಪಲ ಉಪ್ಪೊಡು.ಕಾರ್ಯಕರ್ತೆರ್ ಇಜ್ಜಿಡ ನಾಯಕೆರ್ ಇಜ್ಜಿ. ಅಕುಲು ಏಪಲ ಅಸಮಾಧಾನ ಬರಿಕ್ಕ್ ದೀದ್ ಮಾತೆರ್ಲ ಒಟ್ಟಾವೊಡು ಪಂದ್ ಪಂಡೆರ್.
ಕೆಪಿಸಿಸಿ ವಕ್ತಾರೆರ್ ವಸಂತ ಬೆರ್ನಾಡ್, ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಯುವ ಕಾಂಗ್ರೆಸ್ ಅಧ್ಯಕ್ಷೆರ್ ಅಶೋಕ್ ಪೂಜಾರ್, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ.ರಾಜಶೇಖರ ಕೋಟ್ಯಾನ್, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ವಿಮಲ ಪೂಜಾರಿ, ಪುತ್ತು ಬಾವ, ಯೋಗೀಶ್ ಕೋಟ್ಯಾನ್, ಮಂಜುನಾಥ ಕಂಬಾರ, ಜನಾರ್ದನ ಬಂಗೇರ ಮೊಕುಲು ಮಾತ ಇತ್ತೆರ್.
pallavi shetty