ಕೊಪ್ಪ : ಕೊಪ್ಪ ಪೌರ ಗಣೇಶೋತ್ಸವ ಸಮಿತಿಡ್ 48 ನೇ ವರ್ಸದ ಗಣೇಶೋತ್ಸವ ಭಾರಿ ಗೌಜಿಡ್ ನಡತೊಂದುಂಡು.
ಸೆ.4 ಐತಾರದಾನಿ 11 ನೇ ದಿನತ್ತ ಕೊಪ್ಪ ಪೌರ ಗಣೇಶೋತ್ಸವ ಸಮಿತಿ ಬೊಕ್ಕ ರೋಟರಿ ಕ್ಲಬ್ ಕೊಪ್ಪ ಮುತಾಲಿಕೆಡ್ ಜೋಕುಲೆಗ್ ಗಣಪತಿ ಚಿತ್ರ ಬುಡ್ಪಾವುನ ಕಲೆ ಪಂತೊ ನಡತ್ಂಡ್.
ಸಮಿತಿದ ಅಧ್ಯಕ್ಷೆರ್ ಬಿ.ಟಿ.ಜನಾರ್ದನ ನಾಯ್ಕ್, ಸಹಾಯಕ ಅಧ್ಯಕ್ಷೆರ್, ಕೊಪ್ಪ ಬಂಟ್ಸ್ ಸಂಘದ ಅಧ್ಯಕ್ಷೆರ್ ಕೆ.ಎಸ್. ಸುಬ್ರಹ್ಮಣ್ಯ ಶೆಟ್ಟಿ, ವಿಕ್ರಮ್ ಶೆಟ್ಟಿ, ಕೊಪ್ಪ ರೋಟರಿ ಅಧ್ಯಕ್ಷೆರ್ ಸುಕೇಶ್ , ಕಾರ್ಯದರ್ಶಿ ಡಾ.ಉದಯಶಂಕರ್, ಅರ್ಚಕೆರಾಯಿನ ಉಮಾಶಂಕರ್ ಭಟ್, ಗೋಪಾಲಕೃಷ್ಣ ಆಚಾರ್ಯ ಮೊಕುಲು ಮಾತ ಇತ್ತೆರ್.
ಸಮಿತಿದ ಆಶ್ರಯೊಡು ಆಗಸ್ಟ್ 31 ಬುಧಾರ ಸುರುವಾಯಿನ 48 ನೇ ವರ್ಷದ ಪೌರ ಗಣೇಶೋತ್ಸವ ಸಮಿತಿದ ಗಣಪತಿ ಉತ್ಸವ 11 ದಿನ ನಡತ್ ದ್ ಪ್ರತಿದಿನಲ ಮಹಾಪೂಜೆ ,ಅನ್ನಸಂತರ್ಪಣೆ, ಬಯ್ಯಡ್ ನೃತ್ಯ, ನಾಟಕ, ಯಕ್ಷಗಾನ ಇಂಚಿನ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ ದ್ ಸೆಪ್ಟೆಂಬರ್ 10 ಸನಿವಾರ ಕಾಂಡೆ ಪುರೋತ್ಸವ ಮಲ್ತ್ ದ್ ಬೊಕ್ಕ ಗೌರಿ ಕೆರೆಟ್ಟ್ ವಿಸರ್ಜನೆ ನಡಪರೆ ಉಂಡು ಪಂದ್ ಸಮಿತಿದಕುಲು ತೆರಿಪಾದೆರ್.
pallavi shetty