ತುಳುನಾಡ ಮಣ್ಣ್ ಗ್ ಪ್ರಧಾನಿ ಆಯಿಬೊಕ್ಕ ರಡ್ಡನೇ ಸರ್ತಿ ಪಜ್ಜೆ ದೀಯಿನ ಪ್ರಧಾನಿ ನರೇಂದ್ರ ಮೋದಿ ಗೋಲ್ಡ್ ಫಿಂಚ್ ಸಿಟಿ ಮೈದಾನಡ್ ಸುಕ್ರಾರ ಸಾಗರ್ ಮಾಲಾ ಯೋಜನೆದ 3800 ಕೋಟಿ ರೂ. ದ 8 ಯೋಜನೆಲೆಗ್ ಚಾಲನೆ ಕೊರಿಯೆರ್.
ಹೆಲಿಕಾಪ್ಟರ್ ಡ್ ಬತ್ತ್‌ದ್ ಮದ್ಯಾಹ್ನ 2 ಗಂಟೆಗ್ ಬತ್ತಿನ ಆರೆನ್ ಮಿತ್ತ್ ಚಾವಡಿಗ್ ಎದ್ಕೊಂದು ಮಲ್ಲಿಗೆ ದ ಮಾಲೆ ಪಾಡ್ದ್ ಸ್ವಾಗತ ಮಲ್ತೆರ್.
ಮಿತ್ತ ಚಾವಡಿಡ್ ನಮ್ಮ ದೇಸೊದ ಪ್ರಧಾನಿ ಮೋದಿ, ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಮಾಜಿ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ, ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ರಾಜ್ಯಪಾಲೆರ್ ಥಾವರ್ ಚಂದ್ ಗೆಹ್ಲೋಟ್, ಸಚಿವೆರಾಯಿನ ಸುನಿಲ್ ಕುಮಾರ್, ಕೋಟ ಶ್ರೀನಿವಾಸ ಪೂಜಾರಿ, ಶಾಸಕೆರಾಯಿನ ವೇದವ್ಯಾಸ್ ಕಾಮತ್, ಭರತ್ ಶೆಟ್ಟಿ ಬೊಕ್ಕ ಕೇಂದ್ರ ಸಚಿವೆರ್‌ನಕುಲು ಮಾತ ಇತ್ತೆರ್.
ಪರಶುರಾಮನ ಮೂರ್ತಿ ಕೊರ್ದ್ ಸ್ವಾಗತ
ವಿಸೇಸ ಆದ್ ಸಚಿವೆರಾಯಿನ ಸುನಿಲ್ ಕುಮಾರ್ ಬೊಕ್ಕ ನಳಿನ್ ಕುಮಾರ್ ಕಟೀಲ್ ಮೊಕುಲು ಮೋದಿಗ್ ತುಳುನಾಡ್‌ದ ಸೃಷ್ಟಿಕರ್ತೆರ್ ಪರಶುರಾಮ ದೇವೆರ್ನ ಮೂರ್ತಿ ಬೊಕ್ಕ ಕೃಷ್ಣನ ಮೂರ್ತಿ ಕೊರ್ದು ಅಂಚೆನೆ ಮಲ್ಲಿಗೆದ ಮಾಲೆ ಪಾಡ್ದ್ ಗೌರವೊ ಮಲ್ತೆರ್.
Editorial