ಆ.13ರ್ದ್ ಸರ್ಕಾರಿ ಕಚೇರಿದ ಮಿತ್ತ್ ರಾಷ್ಟ್ರ ಧ್ವಜ ಪಾರಾಯೆರೆ ಸೂಚನೆ ಕೊರಿನ ಕುಡ್ಲ ಜಿ. ಪಂ ಸಿಇಒ ಡಾ. ಕುಮಾರ್

ಕುಡ್ಲ , ಆ.3: ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ ಆ.13ರ್ದ್ 15 ತಾರಿಕ್ ಮುಟ ಹರ್ ಘರ್ ತಿರಂಗ ಲೇಸ್ ದಡಿ ಜಿಲ್ಲೆದ ಮಾತಾ ಸರಕಾರಿ ಕಚೇರಿದ ಕಟ್ಟಡದ ಮಿತ್ತ್ ಕಡ್ಡಾಯವಾದ್ ರಾಷ್ಟ್ರ ಧ್ವಜ ಪಾರಾವೊಡು ಪಂದ್ ದ.ಕ.ಜಿಪಂ ಸಿಇಒ ಡಾ.ಕುಮಾರ್ ಮಾತಾ ಇಲಾಖೆದ ಅಧಿಕಾರಿಲೆಗ್ ಸೂಚನೆ ಕೊರಿಯೆರ್ .

ಹರ್ ಘರ್ ತಿರಂಗಾ ಲೇಸ್ ನ್ ಜಿಲ್ಲೆಡ್ ಯಶಸ್ವಿ ಮಲ್ಪರೆ ಅಂಚನೆ ಸ್ವಾತಂತ್ರ್ಯೋತ್ಸವ ಆಚರಣೆ ಮಲ್ಪುನ ಬಗ್ಗೆ ದ.ಕ.ಜಿಪಂನ ನೇತ್ರಾವತಿ ಚಾವಡಿಡ್ ಸೋಮವಾರ ನಡತಿನ ಪೂರ್ವಭಾವಿ ಸಿದ್ದತಾ ಸಭೆತ ಗುರ್ಕಾರ್ಮೆ ವಹಿಸ್ ದ್ ಆರ್ ಪಾತೆರಿಯೆರ್.