ಕುಡ್ಲರ್ದ್ ಪಿದಾಡಿನ ಮಾಜಿ ಸಿಎಂ ಕುಮಾರಸ್ವಾಮಿನ ಕಾಪುನ ಗಾಡಿ ಆಕ್ಸಿಡೆಂಟ್ ; ಮೂಜಿ ಜನಕ್ ಗಂಭೀರ ಗಾಯ
ಕುಣಿಗಲ್: ಮಾಜಿ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಮೆರೆನ್ ಕಾಪುನ ಗಾಡಿ ಮಾರ್ಗದ ಡಿವೈಡರ್ ಗ್ ಢಿಕ್ಕಿ ಆದ್ ಐನ್ ಜನ ಪೊಲೀಸ್ ದಕ್ಲೆಗ್ ಗಾಯ ಆಯಿನ ಘಟನೆ ಕುಣಿಗಲ್ ತಾಲೂಕುದ ಎಡಿಯೂರು ಹೋಬಳಿ ರಾಷ್ಟ್ರೀಯ ಹೆದ್ದಾರಿ 75 ತಿಪ್ಪೂರು ಗೇಟ್ ಡ್ ನಡತುಂಡು .
ಸಿಬ್ಬಂದಿಲಾಯಿನ ಮಹೇಶ್, ಮಂಜುನಾಥ್ ಮೆರೆಗ್ ಮಸ್ತ್ ಗಾಯ ಆತುಂಡು. ಜಗದೀಶ್, ಆನಂದ್, ಹರೀಶ್ ಮೆಕ್ಲೆಗ್ ಒಂತೆ ಗಾಯ ಆತುಂಡು .
ಮಾಜಿ ಮುಖ್ಯಮಂತ್ರಿ ಎ.ಚ್.ಡಿ. ಕುಮಾರಸ್ವಾಮಿ ಮೆರ್ ಇಂಚೋಗು ಸೈತಿನ ಬೆಳ್ಳಾರೆದ ಪ್ರವೀಣ್ ನೆಟ್ಟಾರು, ಮಸೂದ್ ಬೊಕ್ಕ ಸುರತ್ಕಲ್‌ದ ಪಾಝಿಲ್ ಮೆಕ್ಲೆನ ಇಲ್ಲಗ್ ಭೇಟಿ ಕೊರ್ದು ಬೆಂಗ್ಳೂರುಗು ಹೆಲಿಕಾಪ್ಟರ್‍ ಮುಖೇನ ಪೋದು ಇತ್ತೆರ್ . ಈ ಪೊರ್ತುಡು ಆರ್ನ ಬೆಂಗಾವಲು ಪೊಲೀಸೆರ್ ತಮ್ಮ ಬೇಲೆ ಮಲ್ತ್ ಮಾರ್ಗಡ್ ಪೋನಗ ಈ ಘಟನೆ ನಡತುಂಡು.
Editorial