ಬೊಲ್ತೆರ್ : ಯುವ ಸಾಹಿತಿ ಚಂದ್ರಹಾಸ ಬಳಂಜೆರ್ನ ಸಾಧನೆದ ತಾದಿಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ ಗರಿ
ಅಂತ್ಯ-ಆರಂಭಗೊಂಜಿ ಮುನ್ನುಡಿ ಸಾಹಿತ್ಯ ಲೋಕದ ವಿಭಿನ್ನ ಬೂಕು
ಬೊಲ್ತೆರ್ :ಯುವ ಸಾಹಿತಿ, ಬಹುಮುಖ ಪ್ರತಿಭೆ ಚಂದ್ರಹಾಸ ಬಳಂಜೆರ್ನ ಸಾಧನೆದ ತಾದಿಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ ಸಂಸ್ಥೆ ಕುಡೊಂಜಿ ಮಾನಾದಿಗೆ ಕೊರ್ತುಂಡು.
ಬಹುಮುಖ ಪ್ರತಿಭೆಯಾದ್ ಗುರ್ತಿಸಾಯಿನ ಮೇರ್ ಒರಿ ಯುವ ಸಾಹಿತಿ, ವಾಗ್ಮಿ, ನಿರೂಪಕ, ಪದ ಪನ್ಪಿನಾರ್ , ನೃತ್ಯಪಟು, ನಟ ಬೊಕ್ಕ ತರಬೇತುದಾರೆಲಾ ಅಂದ್.
ಸಾಂಸ್ಕ್ರತಿಕ ಕ್ಷೇತ್ರೊಡು ರಾಷ್ಟ್ರೀಯ ಮಟ್ಟೋಡು ಪಾಲ್ ಪಡೆದ್ ಮಾನದಿಗೆ ಪಡೆಯಿನ ಮೇರ್ ಅವ್ವೆತೋ ಕಾರ್ಯಕ್ರಮ ಮಲ್ದೆರ್. ಸಾಹಿತ್ಯ ಕ್ಷೇತ್ರೋಡು ಇತ್ತೆ ರಡ್ಡ್ ಬೂಕು ಬುಡುಗಡೆ ಮಲ್ದೆರ್ ಅವ್ವೆತೋ ಲೇಖನ ಪ್ರಕಟ ಆತುಂಡು.
ವಿಶೇಷವಾದ್ ಸಾಹಿತ್ಯ ಲೋಕೊಡು ಕನ್ನಡ ವರ್ಣಮಾಲೆನ್ ದೀದ್ ಪ್ರತಿಯೊಂಜಿ ವರ್ಣಮಾಲೆ ಅಕ್ಷರಗ್ಲಾ ಒಂಜೊಂಜಿ ಪದ ಬರೆದ್ ಪದತ ಮಾತಾ ಸಾಲ್ ದ ಸುರುತ ಅಕ್ಷರ ಒಂಜೇ ಬರ್ಪಿಲಕ ಒಟ್ಟು ಮಲ್ತ್ ಬಾರಿ ವಿಭಿನ್ನವಾದ್ ಬರೆಯಿನ ಅಂತ್ಯ-ಆರಂಭಗೊಂಜಿ ಮುನ್ನುಡಿ ಬೂಕು ಸಾಹಿತ್ಯ ಲೋಕದ ಮಲ್ಲ ವಿಭಿನ್ನ ಬೂಕು ಪಂದ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ ಸಂಸ್ಥೆ ಮೆರೆನ್ ಗುರ್ತಿಸಾದ್ ಮಾನದಿಗೆ ಮಲ್ದೆರ್.
ಉಂದುವೇ ಸುರುತ ಸಲ ಇಂಚಿನ ಬೂಕು ಬುಡುಗಡೆ ಆತುಂಡು. ಈ ಬೂಕುನು ಯುವವಾಹಿನಿ ರಿ ಬೊಲ್ತೆರ್ ಪ್ರಕಟ ಮಲ್ದುಂಡು.
ಮೆರ್ನ ಬಹುಮುಖ ಸಾಧನೆಗ್ ಇತ್ತೆ ದ.ಕ ಜಿಲ್ಲಾ ಯುವ ಸಾಧಕ ಪ್ರಶಸ್ತಿ, ಪ್ರಭಾಕರ ನೀರುಮಾರ್ಗ ಯುವ ಸಾಹಿತಿ ಪ್ರಶಸ್ತಿ , ಎ.ಪಿ.ಜೆ ಅಬ್ದುಲ್ ಕಲಾಂ ಪುರಸ್ಕಾರ, ಜೆಸಿಐ ಸಾಧನಾ ಶ್ರೀ ಪ್ರಶಸ್ತಿ, ಸಾಂಸ್ಕೃತಿಕ ಚೇತನ ಪುರಸ್ಕಾರ ಮತ್ತು ರಾಜ್ಯ, ರಾಷ್ಟ್ರ ಮಟ್ಟದ ಅವ್ವೆತೋ ಪ್ರಶಸ್ತಿ ಬೈದುಂಡು .
ಕಲರ್ಸ್ ಕನ್ನಡದ ರೀಯಾಲಿಟಿ ಶೋಡು ಕ್ರೀಯೆಟಿವ್ ಆದ್ ಬೇಲೆ ಮಲ್ದಿನ ಮೇರ್ ಜೆಸಿಐ ಬೊಲ್ತೆರ್ ಮಂಜುಶ್ರೀ, ಯುವವಾಹಿನಿ ಬೊಲ್ತೆರ್ದ ನಿರ್ದೇಶಕೇರಾದ್ ಬಳಂಜ ಬಿಲ್ಲವ ಸಂಘದ ಸಕ್ರೀಯ ಸದಸ್ಯೆರಾದ್ ಉಲ್ಲೆರ್ .
ಮೇರ್ ನಾಲ್ಕೂರು ಗ್ರಾಮದ ಪುಣ್ಕೆದೊಟ್ಟು ಇಲ್ಲದ ಪ್ರಗತಿಪರ ಕೃಷಿಕೆರಾಯಿನ ಶ್ರೀಧರ ಪೂಜಾರಿ ಬೊಕ್ಕ ಸುಶೀಲ ದಂಪತಿ ಪುತ್ರ, ಸುದ್ದಿ ಬಿಡುಗಡೆ ವಾರಪತ್ರಿಕದ ವರದಿಗಾರೆರಾಯಿನ ಸಂತೋಷ್ ಪಿ ಕೋಟ್ಯಾನ್ ಬಳಂಜ ಮೆರ್ನ ಸಹೋದರೆ.
Editorial