ನಾಲನೆ ಮಾಳಿಗೆಡ್ ಬೂರಿನ ಪುಚ್ಚೆದ ರಕ್ಷಣೆ ಮಲ್ತಿನ ಸಾಹಸಿ ರಜನಿ ಶೆಟ್ರ್
ಕುಡ್ಲ : ಬಂಗಡ್ ಉಪ್ಪುನ ಮೂಕ ಪ್ರಾಣಿಲೆನ ಪಾಲ್ ಗ್ ಅಪ್ಪೆ ಆಯಿನ ಕುಡ್ಲದ ಪ್ರಾಣಿಪ್ರಿಯೆ ರಜನಿ ಶೆಟ್ರ್ ಕುಡೋರ ಸುದ್ದಿ ಆಪಿನಿ ಸಾಹಸ ಮೆರೆದ್ ಪ್ರಾಣಿ – ಪಕ್ಷಿದ ರಕ್ಷಣೆದ ಮುಖೇನ . ಇತ್ತೆ ಆರ್ ಕುಡೋರ ಹರಸಾಹಸ ಮಲ್ತ್ ಪರ್ಶಿಯನ್ ಪುಚ್ಚೆನ್ ರಕ್ಷಣೆ ಮಲ್ತ್ ಸುದ್ದಿ ಆತೆರ್ .
ಅಂದ್ … ಕುಡ್ಲದ ಕೊಡಿಯಾಲಬೈಲ್ ಡ್ ಉಪ್ಪುನ ಎಂಪಾಯರ್ ಮಾಲ್ ಪಿರವುದ ಅಪಾರ್ಟ್‌ಮೆಂಟ್ ಡ್ ಏಳನೇ ಮಾಳಿಗೆರ್ದ್ ನಾಲನೆ ಮಾಳಿಗೆಗ್ ಬೂರ್ದು ಪಿದಾಯಿ ಬರಂದೆ ತಿಕೋಲ್ದು ಬೂರ್ದು ಇತ್ತುಂಡು.
ರಾತ್ರಿ ಇಲ್ಲದಕುಲು ಬನ್ನಗನೇ ಪುಚ್ಚೆ ಮಿಸ್ಸಿಂಗ್ ಆಯಿನ ತೆರಿದ್ ಬೈದುಂಡು . ಅಂಚಾದ್ ನಾಡ್ ನಗ ಪುಚ್ಚೆ ನಾಲನೆ ಮಾಲಿಗೆಡ್ ತಿಕ್ಕ್ ದ್ ಬೂರಿನ ತೆರಿದ್ ಬೈದುಂಡು. ಅಪಗನೆ ಇಲ್ಲದಕುಲು ರಜನಿ ಶೆಟ್ರೆನ್ ಲೈದೆರ್ . ಮನದಾನಿ ಕಾಂಡೆ ಆರ್ ಅಡೆಗ್ ಪೋದು ತೂತೆರ್ ಆಂಡ ಬಾಲ್ಕನಿಡ್ ಇತ್ತಿನ ಪುಚ್ಚೆನ್ ರಕ್ಷಣೆ ಮಲ್ಪುನ ಬೇಲೆ ಆತ್ ಸುಲಭ ಆದ್ ಇತ್ತಿಜಿ ಅಂಚಾದ್ ರಜನಿ ಶೆಟ್ರ್ ಸೊಂಟಗ್ ಬಲ್ಲ್ ಪಾಡ್ದ್ ಏಳನೇ ಮಾಳಿಗೆರ್ದ್ ನಾಲನೇ ಮಾಲಿಗೆದ ಗ್ಯಾಲರಿಗ್ ಬತ್ತ್ ದ್ ಪುಚ್ಚೆದ ರಕ್ಷಣೆ ಮಲ್ದೆರ್.
Editorial