ಗುಟ್ಟುಡು ತಯಾರ್ ಅವೊಂದು ಉಂಡು ಕಡಂದಲೆಡ್ ಒಂಜಿ ಮಾರಕ ಘಟಕ
ಕಡಂದಲೆ: ಕಡಂದಲೆ ಗ್ರಾಮದ ಪೂಪಾಡಿಕಲ್ಲು ಐನ್ ಸೆನ್ಸ್ ಇಲ್ಲದ ಎದುರು ಉಪ್ಪುನ ಕಾಡ್ ದ ಜಾಗೆಡ್ , ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮದ ಬೃಹತ್ ಘಟಕನ್ (4000 ಮೆಗಾ ವ್ಯಾಟ್) ಸುಮಾರ್ 1000 ಕೋಟಿಡ್ ಸ್ಥಾಪನೆ ಮಲ್ಪುನ ಕಾರ್ಯಗ್ ಇತ್ತೇ ಗುಟ್ಟುಡು ಜಾಗೆ ಪರಿಶೀಲನೆ ಮಲ್ದೆರ್. ಈ ಘಟಕದ ಬಗ್ಗೆ ಎಚ್ಚದ ಜನಕ್ಲೆಗ್ ಈ ಬಗ್ಗೆ ಒವ್ವೆ ಮಾಹಿತಿ ತೆರಿದ್ ಬೈದುಜಿ . ಅಂಚನೆ ಘಟಕರ್ದ್ ಕಡಂದಲೆ ಕೈತಲ್ ದ ಅವ್ವೆತೋ ಜನಕ್ಲೆಗ್ ಬೊಕ್ಕ ಗ್ರಾಮೊಗು ಆಪಿನ ದುಷ್ಪರಿಣಾಮದ ಬಗ್ಗೆ ಗೇನ ಪುಟ್ಟೋಡು . ಉಂದು ನಮ್ಮ ಬೊಕ್ಕ ನಮ್ಮ ಜೋಕ್ಲೆನ ಭವಿಷ್ಯದ ಬದ್ ಕ್ ದ ಪ್ರಶ್ನೆಯಾತುಂಡು . ನಮ ಇನಿ ಲಕ್ಕಿಜಿಂಡ , ಕ್ಯಾನ್ಸರ್ , ಅಸ್ತಮ, ಶ್ವಾಸಕೋಶದ ಸೀಕ್ ಬೊಕ್ಕ , ಮಾರಕ ಚರ್ಮರೋಗಗ ಬರ್ಪಿನ ಸಾಧ್ಯತೆ ಉಂಡು. . ನೆತ್ತ ಬಗ್ಗೆ ತೆರಿದಿನಕ್ಲೆಡ ಮಾಹಿತಿ ಪಡೆದ್ ಈ ಅಕ್ರಮ ಘಟಕ ನಮ್ಮ ಊರುಡು ಆವಂದಿಲಕ ತೂಪಿನ ಜವಾಬ್ದಾರಿ ನಮ್ಮ.
Editorial
ಕಾರ್ಲ ತಾಲೂಕುದ ಬಂಜರ್ ಭೂಮಿಡ್ ತಯಾರಾವರೇ ಇತ್ತಿನ ಈ ಮಾರಕ ಪವರ್ ಪ್ಲಾಂಟೇಶನ್ ನ್ , ತನ್ನ ಸ್ವಂತ ಊರ್ದ ಜನಕ್ಲೆಗ್ ಉಪದ್ರ ಆವೆರೆಗ್ ಬಲ್ಲಿಂದ್ ಪವರ್ ಮಂತ್ರಿಲು ನಮ್ಮ ಈ ಜನಜಂಗುಳಿ ಇತ್ತಿನ ಪೊರ್ಲುದ ಕಡಂದಲೆಡ್ ಮಲ್ಲುರೆ ಗೌಪ್ಯೊಡು ಮಲ್ಪರೆ ತಯಾರಿ ಮಲ್ದಿನ ತೂನಗ , ದುಂಬೊಂಜಿ ಏಜಲ್ ಹಾರ್ಡ್ ಪನ್ಪಿನ ಕಂಪನಿಗ್ ಕಡಂದಲೆದ ನಮ್ಮ ಹಿರಿಯ ಕಿರಿಯ ಜನಕುಲು ನೀರ್ ಕೊರ್ದ್ ಗಿಡ್ದಿನೆನ್ ತೆರಿದೇ , ಇಂಚಿನ ಕುತಂತ್ರೊಗ್ ಕೈ ಪಾಡ್ದಿಲೆಕ್ಕ ತೋಜುಂಡು. ನಮ ಇತ್ತೆ ಮಾತೇರ್ಲಾ ವೊಟ್ಟಾದ್ ಉಂದೆತ್ತ ಸಾಧಕ ಭಾಧಕೊಲೆನ್ ಆಯಿನಾತ್ ಬೇಗ ತೆರಿದ್ ಧಿಟ್ಟ ಹೋರಾಟ ಮಲ್ಪುನ ಅನಿವಾರ್ಯತೆ ತೋಜೊಂದುಂಡು.