#Campus Front Of India Udupi

ಗುಟ್ಟುಡು ತಯಾರ್ ಅವೊಂದು ಉಂಡು ಕಡಂದಲೆಡ್ ಒಂಜಿ ಮಾರಕ ಘಟಕ

Jun 13, 2022

ಗುಟ್ಟುಡು ತಯಾರ್ ಅವೊಂದು ಉಂಡು ಕಡಂದಲೆಡ್ ಒಂಜಿ ಮಾರಕ ಘಟಕ

ಕಡಂದಲೆ: ಕಡಂದಲೆ ಗ್ರಾಮದ ಪೂಪಾಡಿಕಲ್ಲು ಐನ್ ಸೆನ್ಸ್ ಇಲ್ಲದ ಎದುರು ಉಪ್ಪುನ ಕಾಡ್ ದ ಜಾಗೆಡ್ , ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮದ ಬೃಹತ್ ಘಟಕನ್ (4000 ಮೆಗಾ ವ್ಯಾಟ್) ಸುಮಾರ್ 1000 ಕೋಟಿಡ್ ಸ್ಥಾಪನೆ ಮಲ್ಪುನ ಕಾರ್ಯಗ್ ಇತ್ತೇ ಗುಟ್ಟುಡು ಜಾಗೆ ಪರಿಶೀಲನೆ ಮಲ್ದೆರ್. ಈ ಘಟಕದ ಬಗ್ಗೆ ಎಚ್ಚದ ಜನಕ್ಲೆಗ್ ಈ ಬಗ್ಗೆ ಒವ್ವೆ ಮಾಹಿತಿ ತೆರಿದ್ ಬೈದುಜಿ . ಅಂಚನೆ ಘಟಕರ್ದ್ ಕಡಂದಲೆ ಕೈತಲ್ ದ ಅವ್ವೆತೋ ಜನಕ್ಲೆಗ್ ಬೊಕ್ಕ ಗ್ರಾಮೊಗು ಆಪಿನ ದುಷ್ಪರಿಣಾಮದ ಬಗ್ಗೆ ಗೇನ ಪುಟ್ಟೋಡು . ಉಂದು ನಮ್ಮ ಬೊಕ್ಕ ನಮ್ಮ ಜೋಕ್ಲೆನ ಭವಿಷ್ಯದ ಬದ್ ಕ್ ದ ಪ್ರಶ್ನೆಯಾತುಂಡು . ನಮ ಇನಿ ಲಕ್ಕಿಜಿಂಡ , ಕ್ಯಾನ್ಸರ್ , ಅಸ್ತಮ, ಶ್ವಾಸಕೋಶದ ಸೀಕ್ ಬೊಕ್ಕ , ಮಾರಕ ಚರ್ಮರೋಗಗ ಬರ್ಪಿನ ಸಾಧ್ಯತೆ ಉಂಡು. . ನೆತ್ತ ಬಗ್ಗೆ ತೆರಿದಿನಕ್ಲೆಡ ಮಾಹಿತಿ ಪಡೆದ್ ಈ ಅಕ್ರಮ ಘಟಕ ನಮ್ಮ ಊರುಡು ಆವಂದಿಲಕ ತೂಪಿನ ಜವಾಬ್ದಾರಿ ನಮ್ಮ.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಿತ್ತಿ ಚಿತ್ರ ಪಂಥೋಡು ಮಾನಾದಿಗೆ ಪಡೆಯಿನ ಒಡಿಪುದ ದಿವ್ಯಾ ಶೆಟ್ಟಿ

Jan 25, 2022

ಒಡಿಪು : ರಾಷ್ಟ್ರೀಯ ಮತದಾರರ ದಿನಾಚರಣೆದ ಪರವಾದ್ ಕರ್ನಾಟಕ ಚುನಾವಣಾ ಆಯೋಗ ಅಟ್ಟನೆ ಮಲ್ತಿನ ಪದವಿ ಕಾಲೇಜು ಮಟ್ಟದ ಭಿತ್ತಿಚಿತ್ರ ಪಂಥಡ್ ಒಡಿಪುದ ಪೂರ್ಣಪ್ರಜ್ಞ ಕಾಲೇಜ್ ದ ತೃತೀಯ ಬಿ.ಕಾಂ. ವಿದ್ಯಾರ್ಥಿನಿ ದಿವ್ಯಾ ಶೆಟ್ಟಿ ಸುರುತ ಮಾನಾದಿಗೆ ಪಡೆತೆರ್ ಪಂದ್ ಕಾಲೇಜ್ ದ ಪ್ರಾಂಶುಪಾಲೆರ್ ಪ್ರಕಟಣೆಡ್ ತೆರಿಪಾದೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರೈತೆರ‍್ನ ಹೋರಾಟದ ಬಗೆಟ್ ದುನ್ನದಾಂತೆ ಪಾತೆರ್ದಿನ ಶೋಭಾ ಕರಂದ್ಲಾಜೆ ಜಿಲ್ಲೆಗ್ ಕಳಂಕ ; ಕ್ಯಾಂಪಸ್ ಫ್ರಂಟ್ ಉಡುಪಿ

Aug 18, 2021

ರಾಷ್ಟ್ರ ರಾಜಧಾನಿ ದೆಹಲಿ ಬೊಕ್ಕ ಹಲವು ಕಡೆಟ್ ಕರೀನ ಹಲವು ತಿಂಗೊಲುರ್ದು ಪ್ರತಿಭಟನೆ ನಡಪಾವೊಂದು ಉಪ್ಪುನ ರೈತೆರ‍್ನ ಸಮಸ್ಯೆನ್ ಕೇಂದ್ರ ಸರ್ಕಾರ ಬಗೆಹರಿಸಾವುನ ಪರಿಹಾರ ಕೊರ‍್ಪಿನ ಬದಲ್ಕ್ರಮಕ್ಕೂ ದುಂಬಾವಂದೇ ಪ್ರತಿಭಟನೇ ಮನ್ಪುನ ರೈತೆರೆನ್ ಕೇಂದ್ರ ಸಚಿವೆ ಆಯಿನ ಶೋಭ ಕರಂದ್ಲಾಜೆ ದಲ್ಲಾಳಿ ಪಂಡುದು ಅಪಮಾನ ಮಲ್ತಿನವು ಸಯಿಸರೆ ಅವಂದಿನ ವಿಷಯ.

ಶೋಭಾ ಕರಂದ್ಲಾಜೆ ಉಡುಪಿ ಜಿಲ್ಲೆದ ಪ್ರತಿನಿಧಿಯಾದ್ ಲೋಕಸಭೆಟ್ ಆಯ್ಕೆಯಾದ್, ಉನ್ನತ ಸ್ಥಾನೊಡು ಇತ್ತುದು ಅನ್ನದಾತೆರ‍್ನ ಬಗ್ಗೆ ಕೀಳು ಮಟ್ಟದ ಹೇಳಿಕೆನು ಕೊರ‍್ದು ನಮ್ಮ ಊರುಗ್ ಕಳಂಕ ಕಣಯೆರ್. ಇಂದೆನ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಉಡುಪಿ ಜಿಲ್ಲಾ ಸಮಿತಿ ತೀವ್ರವಾದ್ ಖಂಡಿಸಾದೆರ್. ರೈತೆರ‍್ನ ಸಮಸ್ಯೆನ್ ಬಗೆಹರಿಸಾಯೆರೆ ಸಾಧ್ಯ ಆಯಿಜಿಂಡ ನೈತಿಕ ಹೊಣೆ ಕೊರ‍್ದು ತಮ್ಮ ಪದವೀಗು ರಾಜೀನಾಮೆ ಕೊರಡು ಪಂದು ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಉಡುಪಿ ಜಿಲ್ಲಾ ಕಾರ್ಯದರ್ಶಿ ಮಸೂದ್ ಮನ್ನಾ ಪಂಡೆರ್.