ಕುಡ್ಲ: ಕದ್ರಿ ಪೊಲೀಸ್ ಠಾಣೆಡ್ ಮಹಿಳಾ ಸಿಬ್ಬಂದಲಾದುಪ್ಪುನ ಇರ್ವೆರೆಗ್ ಬಯಕೆದ ಲೇಸ್ ನ್ ಕೋಡೆ ಕತ್ತಲೆಗ್ ಕುಡ್ಲದ ಲಯನ್ಸ್ ಕ್ಲಬ್ ಸಭಾಂಗಣಡ್ ಮಲ್ತ್ ದೆರ್.
ಪೊಲೀಸ್ ನಿರೀಕ್ಷಕೆರ್ ಅನಂತ ಪದ್ಮನಾಭ ಮೇರ್ನ ಮುತಾಲಿಕೆಡ್ ಈ ಲೇಸ್ ನ್ ಅಟ್ಟಣೆ ಮಲ್ತ್ ದಿತ್ತೆರ್.
ಪೂ – ಪರ್ಂದ್, ಮಲ್ಲಿಗೆದ ಮಾಲೆ, ಕುಪ್ಪಿದ ಕಾಜಿ, ಮಸ್ತ್ ಬಗೆತ್ತ ಚೀಪೆದ ತೆನಸ್, ಪಚ್ಚೆ ಸೀರೆನ್ ಕೊರ್ದ್, ಆರತಿ ಮಲ್ತ್ ದ್ ತುಳುನಾಡ್ ದ ಸಂಪ್ರದಾಯದೆಲಕನೆ ಬಯಕೆ ಪಾಡ್ದೆರ್.
ನೆರ್ದ್ ಪಿರಾಕ್ ಡ್ ಮೂಜಿ ಜನ ಬಂಜಿನ ಸಿಬ್ಬಂದಿನಕ್ಲೆಗ್ ಬಯಕೆದ ಲೇಸ್ ನ್ ಪೊಲೀಸ್ ಠಾಣೆಡ್ ಮಲ್ತ್ ದಿತ್ತ್ ದ್, ಉಂದು ರಡ್ಡ್ ಸೇರ್ದ್ ಒಟ್ಟು 5 ಬಯಕೆದ ಠಾಣೆಡ್ ಮಲ್ತ್ ದೆರ್. ಉಪನಿರೀಕ್ಷಕೆರ್ ಉಮೇಶ್ ಕುಮಾರ್, ಉಪನಿರೀಕ್ಷಕೆರ್ ಜ್ಞಾನ ಶೇಖರ್, ಉಪನಿರೀಕ್ಷಕೆರ್ ರೋಸಮ್ಮ, ಪೊಲೀಸ್ ಸಿಬ್ಬಂದಿ ವರ್ಗದಕುಲು ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್.
Editorial