Mangalore Police

ದಕ ಜಿಲ್ಲಾ ವ್ಯಾಪ್ತಿಡ್ 53.75 ಲಕ್ಷ ರೂ. ಬಿಲೆತ್ತ್ ಅಮಲ್ ದ ವಸ್ತುಲೆನ್ ಪೊತ್ತಾಯಿನ ಪೊಲೀಸೆರ್

Jun 27, 2022

ಕುಡ್ಲ: ಅಂತಾರಾಷ್ಟ್ರೀಯ ಮಾದಕ ದ್ರವ್ಯ ಬೊಕ್ಕ ಕಳ್ಳ ಸಾಗಣೆ ವಿರೋಧಿ ದಿನತ್ತ ಅಂಗವಾದ್ ಕುಡ್ಲ ಕಮಿಷನರೇಟ್ ವ್ಯಾಪ್ತಿಡ್ ಒಟ್ಟು 53,75,300 ರೂ. ಬಿಲೆತ್ತ ಮಾದಕವಸ್ತುಲೆನ್ ಪೊಲೀಸೆರ್ ಐತಾರ ನಾಶ ಮಲ್ತೆರ್.

ಕಮಿಷನರೇಟ್ ವ್ಯಾಪ್ತಿದ 11 ಸ್ಟೇಶನ್ ದಕುಲು ಪತ್ ದಿನ 23,75,300 ರೂ. ಬಿಲೆತ್ತ 53.128 ಕೆಜಿ ಗಾಂಜಾ, 30,00,000 ರೂ. ಬಿಲೆತ್ತ 120 ಗ್ರಾಂ ಹೆರಾಯಿನ್ ನ್ ಮುಲ್ಕಿದ ರಾಮ್ಕಿ ಎನರ್ಜಿ ಬೊಕ್ಕ ಎನ್ವಿರಾನ್ ಮೆಂಟ್ ಲಿ.ಕಂಪನಿಡ್ ಪೊತ್ತಾದ್ ಪಾಡಿಯೆರ್.

ಕೋರ್ಟು ದ ಆದೇಶದಂಚ ನಡತಿನ ಈ ನಡತ್ಂಡ್. ದಕ ಜಿಲ್ಲಾ ಮಾದಕದ್ರವ್ಯ ವಿಲೇವಾರಿ ಸಮಿತಿ ಅಧ್ಯಕ್ಷೆರ್ ಸೋನಾವಣೆ ಋಷಿಕೇಶ್ ಭಗವಾನ್,ಬಂಟ್ವಾಳ ಉಪವಿಭಾಗದ ಅಧಿಕಾರಿ ಶಿವಾಂಶು ರಜಪೂತ್, ಪುತ್ತೂರು ಉಪ ವಿಭಾಗದ ಅಧಿಕಾರಿ ಗಾನ ಪಿ.ಕುಮಾರ್ ಮೊಕಲ್ನ ಎದುರುಡು ಈ ಬೇಲೆ ನಡತ್ಂಡ್.

ಕುಡ್ಲ ವಿಮಾನ ನಿಲ್ದಾಣಡ್ 1.36 ಕೋಟಿ ಬಿಲೆತ್ತ ಬಂಗಾರ್ ವಶಕ್ಕ್

Jun 15, 2022

ಕುಡ್ಲ: ದುಬೈಯಿರ್ಡ್ ಆಕ್ರಮವಾದ್ ಕೊನವೊಂದಿತ್ತಿನ 24 ಕ್ಯಾರೆಟ್ ದ 1.36 ಕೋಟಿ ರೂಪಾಯಿ ಕಾಸ್ ದ ಬಂಗಾರ್ ನ್ ಕಸ್ಟಮ್ಸ್ ಅಧಿಕಾರಿಲು ಕುಡ್ಲ ವಿಮಾನ ನಿಲ್ದಾಣಡ್ ವಶಕ್ಕ್ ದೆತೊಂದಿನ ಬಗೆಟ್ಟ್ ರಡ್ಡ್ ಬೇತೆ ಬೇತೆ ಪ್ರಕರಣಲು ದಾಖಲಾತ್ಂಡ್.

ಒಂಜಿ ಪ್ರಕರಣಡ್ ಒರಿ ಪ್ರಯಾಣಿಕೆರ್ದ್ 49.74 ಲಕ್ಷ ಕಾಸ್ ದ 964 ಗ್ರಾಂ ಬಂಗಾರ್ ನ್ ವಶಕ್ಕ್ ದೆತೊಂದೆರ್.

ನನೊಂಜಿ ಪ್ರಕರಣಡ್ ದುಬೈಯಿರ್ಡ್ ಬತ್ತಿನ ಪೊಂಜೊವ್ ರ್ದ್ 86,89,440 ಬಿಲೆತ್ತ 1.684 ಕೆ.ಜಿ ಬಂಗಾರ್ ನ್ ವಶಕ್ಕ್ ದೆತೊಂದೆರ್. ಮೇರ್ ಉಲಯಿ ಪಾಡುನ ಕುಂಟು ಅಂಚನೇ ಸ್ಯಾನಿಟರಿ ಪ್ಯಾಡ್ ಡ್ ಬಂಗಾರ್ ನ್ ಕನವೊಂದಿತ್ತೆರ್ ಪಂದ್ ಕಸ್ಟಮ್ಸ್ ಅಧಿಕಾರಿಲು ತೆರಿಪಾದೆರ್.

Gold worth 1.36 crores confiscated at Mangalore Airport

Mangalore: The custom officials of Mangalore airport confiscated 24 carat gold worth 1.36 crore illegally brought from Dubai.

In two different cases registered; a passanger was caught holding 964 grams of gold worth 49.74 lakhs rupees.

In another case registered a lady from Dubai was caught with 1.684 kg gold worth 88,89,440 rupees.She had hidden the loot in her inner wear and sanitary pads said custom officials.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕದ್ರಿ ಸ್ಟೇಶನ್ ದ ರಡ್ಡ್ ಮಹಿಳಾ ಸಿಬ್ಬಂದಿನಕ್ಲೆಗ್ ಬಯಕೆದ ಗೌಜಿ

Jun 9, 2022

ಕುಡ್ಲ: ಕದ್ರಿ ಪೊಲೀಸ್ ಠಾಣೆಡ್ ಮಹಿಳಾ ಸಿಬ್ಬಂದಲಾದುಪ್ಪುನ ಇರ್ವೆರೆಗ್ ಬಯಕೆದ ಲೇಸ್ ನ್ ಕೋಡೆ ಕತ್ತಲೆಗ್ ಕುಡ್ಲದ ಲಯನ್ಸ್ ಕ್ಲಬ್ ಸಭಾಂಗಣಡ್ ಮಲ್ತ್ ದೆರ್.

ಪೊಲೀಸ್ ನಿರೀಕ್ಷಕೆರ್ ಅನಂತ ಪದ್ಮನಾಭ ಮೇರ್ನ ಮುತಾಲಿಕೆಡ್ ಈ ಲೇಸ್ ನ್ ಅಟ್ಟಣೆ ಮಲ್ತ್ ದಿತ್ತೆರ್.
ಪೂ – ಪರ್ಂದ್, ಮಲ್ಲಿಗೆದ ಮಾಲೆ, ಕುಪ್ಪಿದ ಕಾಜಿ, ಮಸ್ತ್ ಬಗೆತ್ತ ಚೀಪೆದ ತೆನಸ್, ಪಚ್ಚೆ ಸೀರೆನ್ ಕೊರ್ದ್, ಆರತಿ ಮಲ್ತ್ ದ್ ತುಳುನಾಡ್ ದ ಸಂಪ್ರದಾಯದೆಲಕನೆ ಬಯಕೆ ಪಾಡ್ದೆರ್.

ನೆರ್ದ್ ಪಿರಾಕ್ ಡ್ ಮೂಜಿ ಜನ ಬಂಜಿನ ಸಿಬ್ಬಂದಿನಕ್ಲೆಗ್ ಬಯಕೆದ ಲೇಸ್ ನ್ ಪೊಲೀಸ್ ಠಾಣೆಡ್ ಮಲ್ತ್ ದಿತ್ತ್ ದ್, ಉಂದು ರಡ್ಡ್ ಸೇರ್ದ್ ಒಟ್ಟು 5 ಬಯಕೆದ ಠಾಣೆಡ್ ಮಲ್ತ್ ದೆರ್. ಉಪನಿರೀಕ್ಷಕೆರ್ ಉಮೇಶ್ ಕುಮಾರ್, ಉಪನಿರೀಕ್ಷಕೆರ್ ಜ್ಞಾನ ಶೇಖರ್, ಉಪನಿರೀಕ್ಷಕೆರ್ ರೋಸಮ್ಮ, ಪೊಲೀಸ್ ಸಿಬ್ಬಂದಿ ವರ್ಗದಕುಲು ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಆನ್ ಲೈನ್ ಲೋನ್ ದ ಬಲೆಕ್ಕ್ ಬೂರಡೆ !

Jan 12, 2022

ಕುಡ್ಲ : ಸುರತ್ಕಲ್ ಸ್ಟೇಷನ್ ವ್ಯಾಪ್ತಿಡ್ ಸುಶಾಂತ್ (26 ವರ್ಷ ) ಪನ್ಪಿನ ಜವಣೆ ಜ. 10 ತಾರೀಕ್ ದಾನಿ ತಾನ್ ಬೇಲೆ ಮಲ್ಪುನ ಜಾಗೆಡ್ ಬಲ್ಲ್ ಪಾರ್ದ್ ತೀರ್ ಪೋಯಿನ ಘಟನೆ ನಡದ್ಂಡ್. ಆನ್ ಸಾಲದಕುಲು ಕೇಂಡೆರ್ಡ ಯಾನ್ ಸೈತ್ ದೆ ಪಂದ್ ಪನ್ಲೆ ಪಂದ್ ಸುಶಾಂತ್ ಡೆತ್ ನೋಟ್ ಬರೆದ್ ದೀದಿತ್ತೆರ್.

ಒಡಿಪುಡು ಇಂಚೊಗು ನಡತಿನ ಇಂಚಿನನೇ ಘಟನೆ ಸೇರ್ದ್ ಆನ್ ಲೈನ್ ಸಾಲೊಗು ಜೂವ ದೆತ್ತೊನೊಡಾಯಿನ ರಡ್ಡನೆ ಪ್ರಕರಣ ಉಂದು.

ಉಂದೆನ್ ಗಂಭೀರವಾದ್ ದೆತೊನಿನ ಪೊಲೀಸ್ ಇಲಾಖೆದಕುಲು ನನ ಇಂಚಿನ ಘಟನೆ ನಡಪರೇ ಬಲ್ಲಿ ಪನ್ಪಿನ ನಿಲೆಟ್ಟ್ ಕಟ್ಟ್ ನಿಟ್ಟ್ ದ ಕ್ರಮ ದೆತೊನುನ ನೆಲೆಟ್ಟ್ ಜನಕ್ಲೆಗ್ ನೆತ್ತ ಬಗ್ಗೆ ಎಚ್ಚೆರ್ಗೆ ಕೊರ್ತೆರ್.

ಈ ಪ್ರಕರಣಡ್ ತಾನ್ ಡೆತ್‌ನೋಟ್‌ಡ್ ಸಾಲ ಮಲ್ದೆ ಪಂದ್ ಸುಶಾಂತ್ ಬರೆತೆರ್.
ಆನ್‌ಲೈನ್ ಲೋನ್ ಆ್ಯಫ್‌ ದಕುಲು ಕಿರಿಕಿರಿ ಮಲ್ದೆರ್, ಈ ಬಗ್ಗೆ ಸುರತ್ಕಲ್ ಠಾಣೆಡ್ ಮೊ.ನಂ 04-2022 ಕಲಂ 306,384 ಐಪಿಸಿ ಬೊಕ್ಕ 66 ಸಿ ಬೊಕ್ಕ 66 ಡಿ ಐಟಿ ಆಕ್ಟ್ ನೇ ದ ಅಡಿಟ್ ಪ್ರಕರಣ ದಾಖಲ್ ಮಲ್ದೆರ್ .

ಲೋನ್ ಆ್ಯಫ್ ಸುರುಟ್ಟು ಚೈನಾ ಆ್ಯಪ್ ಸುರು ಆತಿನವು , ನ್ಯೂಯ್ದ ಲೋನ್ ಆ್ಯಫ್ ಪನ್ಪಿನ ಆ್ಯಪ್ ಲಾ ಚಾಲನೆಡ್ ಇತ್ತ್oಡ್ ಆಂಡ ಆ ಆ್ಯಪ್‌ನ್ ಇನ್‌ಸ್ಟಲ್‌ ಮಲ್ಪುನಗ ಬತ್ತಲೆ ಫೋಟೋನ್ ಪಡೆಯೊಂದು ಇತ್ತುಂಡು , ಒಂಜಿ ವೇಳೆ ಸರಿಯಾದ್ ಲೋನ್ ಕಟ್ಟ್ ಜಿಂಡ ಬೇತಕ್ಲೆಗ್ ಕಡಪಾವ ಪಂದ್ ಪೋಡಿಗೆ ಕಟ್ಟಾವೊಂದು ಇತ್ತೆರ್ .

ಭಾರತೊಡು ಸುಮಾರ್ 600ರ್ದ್ ಜಾಸ್ತಿ ಲೋನ್ ಆಫ್‌ ಉಂಡು , ನೆಕ್ಕ್ ಒವ್ವೆ ರೀತಿಡ್ ಆರ್‌ಬಿಐರ್ದ್ ಮಾನ್ಯತೆ ಇಜ್ಜಿ . ಉಂದು ಮಾತಾ ಪ್ಲೇಸ್ಟೋರ್‌ಡ್ ಡೌನ್‌ಲೋಡ್ ಮಲ್ಪುನ ಆ್ಯಪ್‌, ಇನ್‌ಸ್ಟಲ್‌ ಮಲ್ಪುನಗ ಮಸ್ತ್ ರೀತಿದ ಅನುಮತಿನ್ ಕೇನುoಡು . ಉದಾರ್ಮೆಗ್ ಕಾಂಟಾಕ್ಟ್, ವಿಡಿಯೋ ಫೋಟೋ ಕ್ಯಾಮರ, ಇಂಚ ಅನುಮತಿ ಕೇನುoಡು. ಮಾತೆಕ್ಕ್ ಲಾ ಎಸ್ ಎಸ್ ಪಾರ್ದ್ ಇನ್ಸಸ್ಟಾಲ್ ಮಲ್ತಿ ಬೊಕ್ಕ ಎಲ್ಯ ಪಣವು ಪಂಡ ರೂ 3000/- ಅತ್ತುಂಡ 5000/- ಕಾಸ್ ಕೊರ್ಪೆರ್ . ಐರ್ದ್ ಬೊಕ್ಕ ಸಾಲನ್ ಪಿರ ಕೊರ್ನಗ 30 ರ್ದ್ 60 % ಬಡ್ಡಿನ್ ಪಾರ್ದ್ ಸಾಲ ಮನ್ನ ಮಲ್ಪರೆ ಪನ್ಪೆರ್ ಒಂಜಿ ವೇಳೆ ಕುಡ ಮನ್ನಾ ಮಲ್ತಿಜಿಂಡ ಅಕ್ಲೆನ ಕಂಟಾಕ್ಟ್ ನಂಬರ್ ಗ್ ಪೋನ್ ಮಲ್ತ್ ಲೋನ್ ಪಡೆಯಿನಕ್ಲೆನ ಬಗ್ಗೆ ಪನ್ಪ ಪೋಟೋ , ವಿಡಿಯೋ ನ್ ಸಾಮಾಜಿಕ ಜಾಲಾತಣಡ್ ವೈರಲ್ ಮಲ್ಪುವ ಪಂದ್ ಪೋಡಿಪಾವೆರ್ . ಬೊಕ್ಕ ಕ್ರೆಡಿಟ್ ರೇಟ್ ಕಮ್ಮಿ ಆಪುಂಡು ನಿಕ್ಲೆನ ಮಿತ್ತ್ 420, ಚೀಟಿಂಗ್ ಕೇಸ್ ಪಾಡುವ ಪಂದ್ ಪನ್ಪೆರ್ . ಕೆಲವೊರ ಕೇಸ್ ದಾಖಲಾತ್ಂಡ್ ಪಂದ್ ನಕಲಿ ಎಫ್‌ಐಆರ್‌ ಕಡಪಾವೆರ್ . ನನ ನಿಕ್ಲೆಗ್ ದುಂಬುಡು ಒವ್ವೆ ಬ್ಯಾಂಕ್ದ ಸಾಲ ತಿಕ್ಕುಜಿ ಪಂದ್ ಪೋಡಿಗೆ ಕಟ್ಟಾವೆರ್.

ಸಾರ್ವಜನಿಕೆರ್ ಇಂಚಿನ ಲೋನ್‌ ಆ್ಯಪ್‌ನ್ ಡೌನ್‌ಲೋಡ್ ಮಲ್ಪರೆ ಬಲ್ಲಿ . ಇಂಚಿನ ಒವ್ವೆ ಆ್ಯಪ್ ಡೌನ್‌ಲೋಡ್‌ ಮಲ್ತುಂಡಲ ನಿಕ್ಲೆನ ಕಾಂಟ್ಯಾಕ್ಟ್, ವಿಡಿಯೋ, ಪೊಟೋಸ್ ತೂಯೆರೆ ಅನುಮತಿನ್ ಕೊರಿಯೆರೆ ಬಲ್ಲಿ . ಒವ್ವೆ ಲೋನ್ ಆಪ್ ನ್ ಇನ್ ಸ್ಟಲ್ ಮಲ್ಪುನಗ ಎಸ್ ಎಸ್ ಪಂದ್ ಮಾತೆಕ್ಕ್ಲಾ ಅನುಮತಿ ಕೊರ್ದು ಬಂಗಡ್ ಬೂರೊಚ್ಚಿ . ಮಸ್ತ್ ಕಮ್ಮಿ ಕಾಸ್ ಕೊರ್ದು ಜಾಸ್ತಿ ಬಡ್ಡಿ ಸಮೇತ ದೆತೊನುನು ಒಂಜಿ ವೇಳೆ ಲೋನ್ ಕಟ್ಟೆರೆ ಆಯಿಜಿಂಡ ನಿಕ್ಲೆನ ಮೊಬೈಲ್‌ಡ್ ಉಪ್ಪುನ ಮಾತಾ ಮಾಹಿತಿನ್ ದೀಯೊಂದು ಪೋಡಿಗೆ ಕಟ್ಟಾವುನ, ಬ್ಲಾಕ್‌ಮೇಲ್ ಮಾಡಿ ಹಣವನ್ನು ವಸಲು ಮಲ್ತ್ ಕಾಸ್ ದೆತೊನುನ ಇಚಾರಡ್ ಜನಕುಲು ಜಾಗ್ರತೆಡ್ ಉಪ್ಪೊಡು ಪಂದ್ ಪೊಲೀಸ್ ದಕುಲು ಮಾಹಿತಿ ಕೊರ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಗಾಲ ಪಾಡಿನಿ ಕಳ್ವೆರೆಗ್, ಆಂಡ ತಿಕ್‌ದ್ ಬೂರಿನಿ ಪರ ನೋಟು ಸಾಗಾವುನಕುಲು!

Nov 20, 2021

ಕುಡ್ಲ: ಇಲ್ಲ್ ಪೊಗ್ಗುದು ಲಕ್ಕಾವುನ ಕಳ್ವೆರೆನ್ ಪತ್ತರೆ ಬೋಡಾದ್ ಪೊಲೀಸ್‌ದಕುಲು ಬೇತೆ ಬೇತೆ ಕೂಟೊನು ಮಲ್ತ್‌ದ್ ಅಕುಲು ಕಾರ್ಯಾಚರಣೆಡ್ ಉಪ್ಪುನಗ ತೇದಿ ನ.೧೮ ಗುರುವಾರದಾನಿ ಕಾಂಡೆ ೧೧.೩೦ ಗಂಟೆಗ್ ಅಡ್ಯಾರ್‌ರ್ದ್ ಲಾಲ್‌ಬಾಗ್‌ಗ್ ಭಾರತ ಸರ್ಕಾರ ಬ್ಯಾನ್ ಮಲ್ದಿನ ಪರ ನೋಟುನು ಸಾಗಾವೊಂದುಲ್ಲೆರ್ ಪನ್ಪಿ ಮಾಹಿತಿ ತಿಕ್ಕಿ ಕೂಡ್ಲೆ ಬರ್ಕೆ ಸ್ಟೇಷನ್‌ದ ಪೊಲೀಸ್‌ದಕುಲು ಕೆಎಂ ೦೩ಎಂ ಪಿ೦೩೦೦ ನಂಬರ್‌ದ ಇನೊವಾ ಕಾರ್‌ನ್ ಉಂತಾದ್ ರಡ್ಡ್ ಬ್ಯಾಗ್‌ನ್ ಪತ್ತಿಯೆರ್. ಆ ಬ್ಯಾಗ್‌ಡ್ ಇತ್ತಿನ ೧.೯೨ ಕೋಟಿ ರೂಪಾಯಿ ಬಿಲೆತ್ತ ಪರನೋಟುನು ವಶ ಮಲ್ತೊಂಡೆರ್.

ಆರೋಪಿಲಾಯಿನ ಜುಬೇರ್ ಹಮ್ಮಬ್ಬ(೫೨)ಕಣ್ಣೂರು, ಕುಡ್ಲ, ದೀಪಕ್ ಕುಮಾರ್ (೩೨)ಪಡೀಲ್, ಅಬ್ದುಲ್ ನಾಸಿರ್(೪೦)ಬಜ್ಪೆ ಮೊಕ್ಲೆನ್ ಪತ್ತ್‌ದ್ ಪೊಲೀಸ್‌ದಕುಲು ವಿಚಾರಣೆ ಮಲ್ತೊಂದುಲ್ಲೆರ್.

ಬ್ಯಾನ್ ಆತಿನ ನೋಟುನು ಪತೊಂದು ಜನೊಕ್ಲೆಗ್ ಆಸೆ ತೋಜಾದ್ ಮಂಗೆ ಮಲ್ಪುನ ಬೇಲೆ ಕೆಲ ವರ್ಷೊರ್ದಿಂಚಿ ನಡತೊಂದಿತ್ತ್‌ದ್ ಪರ ನೋಟುಗು ಬಿಲೆ ಇಜ್ಜಿಂದ್ ಗೊತ್ತಿತ್ತ್‌ದ್‌ಲ ಕಾಸ್‌ದ ಆಸೆಗ್ ಬೋಡಾದ್ ಪೊಸ ಪೊಸ ಬ್ರೋಕರ್‌ನಕುಲು ಸೃಷ್ಟಿ ಆತೆರ್.ಉಂದೊಂಜಿ ನಾಮ ಪಾಡುನ ಬೇಲೆ ಪಂದ್ ಗೊತ್ತಿತ್ತ್ಂಡಲ ಆಯಿನಾತ್ ಬೇಗ ದುಡ್ಡು ಮಲ್ಪೊಡು ಪಂದ್ ಕೆಲವು ಜನ ಇಂಚಿತ್ತಿನ ಮಂಗನಕಲ್ನ ಪಾತೆರ ಕೇನುವೆರ್. ಇತ್ತೆ ಆರೋಪಿಲು ಕರ್ಪಿಲ್‌ಡ್ ಇತ್ತ್‌ದ್ ವಿಚಾರಣೆ ಆವೊಂದುಂಡು.
ಮೊಕುಲು ಬಾಯಿಬುಡಿಯೆರ್‌ಡ ಆ ಕಾಸ್‌ದ ನಿಜವಾಯಿನ ವಾರಿಸ್‌ದಾರೆ ಏರ್ ಪಂದ್ ಗೊತ್ತಾಪುಂಡು.

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ ನೈತಿಕ ಪೊಲೀಸ್ ಗಿರಿ – 6 ಜನ ಆರೋಪಿಲೆನ ಬಂಧನ

Nov 16, 2021

ಕುಡ್ಲ, ನ16 : ಪೇಂಟೆದ ಸುರತ್ಕಲ್ ಡ್ ನೈತಿಕ ಪೊಲೀಸ್ ಗಿರಿ ನಡತಿನ ಆರೋಪದ ಹಿನ್ನಲೆಡ್ ಪೊಲೀಸೆರ್ ಆಜಿ ಜನ ಆರೋಪಿಲೆನ್ ಬಂಧಿಸಾದೆರ್. ಪ್ರಹ್ಲಾದ್, ಪ್ರಶಾಂತ್, ಗುರುಪ್ರಸಾದ್, ಪ್ರತೀಶ್, ಭರತ್, ಸುಖೇಶ್ ಬಂಧಿತ ಆರೋಪಿಲು ಪಂದ್ ಗುರ್ತಿಸಾದೆರ್.

ಬೇತೆ ಧರ್ಮದ ಪೊಣ್ಣನೊಟ್ಟುಗ್ ಆನ್ ಒರಿ ಬೈಕ್ ಡ್ ಕೋಡೆ ಕತ್ತಲೆಗ್ 10 ಗಂಟೆಗ್ ಸುರತ್ಕಲ್ ಅಪಾರ್ಟ್ಮೆಂಟ್ ಗ್ ಬರೊಂದಿತ್ತೆ. ಅಪಗ 5-6 ಜನ ಜವನ್ಯೆರ್ ಬೈಕ್ ಗ್ ಅಡ್ಡ ಬತ್ತ್ ದ್ ಅಕುಲ್ನ ಪುದರ್ ನ್ ಕೆನೊಂದ್, ಬೊಡ್ಚಂದಿನ ಪಾತೆರನ್ ಪಂದ್ ಹಲ್ಲೆ ಮಲ್ತ್ ದೆರ್. ಈ ಬಗ್ಗೆ ಸುರತ್ಕಲ್ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತ್ಂಡ್. ಜಾಗೆಗ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ಭೇಟಿ ಕೊರ್ತೆರ್.

Moral policing at Mangalore- 6 persons arrested.

Mangalore November 16: In connection with the moral policing incident at Suratkal, the Mangalore police arrested 6 persons. Prahlad, Prashant, Guruprasad, Prateesh, Bharat, Sukesh are the arrested persons.

A couple belonging to different religious were seen meeting at an apartment in Suratkal. About 5 to 6 youth on bikes intercepted them and assaulted them. A case was filed in the Suratkal police station.The commissioner of police of Mangalore N.Shashi Kumar also visited the spot.

ಕುಡ್ಲ :ಪೇಂಟೆದ ಕಂಕನಾಡಿ ಕೈತಲ್ ಡ್ ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್.

Nov 12, 2021

ಕುಡ್ಲ, ನ.12: ಪೇಂಟೆದ ಕಂಕನಾಡಿ ಕೈತಲ್ ಡ್ ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್.. ಗುರುವಾರ ಕತ್ತಲೆಡ್ದ್ ಈ ಕಾರ್ ಕಂಕನಾಡಿಡ್ ಉಂತುದಿತ್ತ್ಂಡ್ ಪಂದ್ ಕೈತಲ್ ದ ಜನಕುಲು ಮಾಹಿತಿನ್ ಕೊರ್ತೆರ್.

ಇನಿ ಮಧ್ಯಾಹ್ನಲ ಈ ಕಾರ್ ಅನಾಥವಾಯಿನ ಸ್ಥಿತಿಡ್ ಇತ್ತಿನೆನ್ ತೂಯಿನ ಜನಕುಲು ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್. ಪೊಲೀಸೆರ್ ಜಾಗೆಗ್ ಬತ್ತ್ ದ್, ಪರಿಶೀಲನೆ ಮಲ್ತೊಂದುಲ್ಲೆರ್.

ಮಸ್ತ್ ಶಬ್ಧ ಬರ್ಪಿನ ಹಾರ್ನ್‌ ಲೆನ್ ದೆತ್ತಿನ ಸಂಚಾರಿ ಪೊಲೀಸೆರ್- ಕಾಂಡೆ ಕಾಂಡೆ ಡ್ರೈವರ್ ನಕುಲೆಗ್ ಶಾಕ್‌

Nov 8, 2021

ಕುಡ್ಲ, ನ.8: ಪೇಂಟೆದ ಬಸ್ ಡ್ ಪಾಡುನ ಮಸ್ತ್ ಶಬ್ಧ ಬರ್ಪಿನ ಹಾರ್ನ್ ವಿರುದ್ದ ಇನಿ ಸಂಚಾರಿ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್ ದ್ ನೂದೆಡ್ದ್ ಜಾಸ್ತಿ ಹಾರ್ನ್ ಲೆನ್ ಬಸ್ ಡ್ದ್ ದೆತ್ತೆರ್.

ಇನಿ ಕಾಂಡೆ ಕುಡ್ಲ ನಗರ ಪೊಲೀಸ್‌ ಕಮೀಷನರ್‌ ಮುತಾಲಿಕೆಡ್ ಪೇಂಟೆದ 4 ಸಂಚಾರಿ ವಿಭಾಗದ ಪೊಲೀಸೆರ್ ಪೇಂಟೆದ ಮಸ್ತ್ ಕಡೆಟ್ ದಾಳಿ ಮಲ್ತೆರ್. ಈ ಪೊರ್ತುಡ್ ಖಾಸಗಿ ಸಿಟಿ ಅಂಚನೆ ಸರ್ವಿಸ್‌ ಬಸ್‌ ಸೇರ್ದ್ ಮಸ್ತ್ ಗಾಡಿದ ವಿರುದ್ದ ಕಾರ್ಯಾಚರಣೆ ಮಲ್ತೆರ್.

Drivers’ in shock: Traffic police remove loud sounding horns:

Mangalore November 08: The traffic police of Mangalore took to task buses having loud sounding horns and got them removed. Many private city and service buses having loud screeching horns were removed by the police personnel. The whole operation was conducted under the guidance of the police commissioner.

ಕುಡ್ಲ: ಕೆಕ್ಕಿಲ್ ದ ಸರ ಕಂಡಿನಕ್ಲೆನ್, ಲೂಟಿ ಸೇರ್ದ್ 24 ಪ್ರಕರಣಡ್ ಬೋಡಾಯಿನ 7 ಜನಕ್ಲೆನ್ ಅರೆಸ್ಟ್ ಮಲ್ತಿನ ಪೊಲೀಸೆರ್

Nov 2, 2021

ಕುಡ್ಲ, ನ.2: ಕುಡ್ಲ ಪೊಲೀಸ್ ಕಮಿಷನರ್ ವ್ಯಾಪ್ತಿದ ಬೇತೆ ಬೇತೆ ಪೊಲೀಸ್ ಠಾಣಾ ವ್ಯಾಪ್ತಿಡ್ ಕೆಕ್ಕಿಲ್ ದ ಸರ ಕಂಡಿನಕ್ಲೆನ್, ಲೂಟಿ ಮಲ್ತ್ ನಕುಲೆನ್, 2 ಚಕ್ರದ ಗಾಡಿ ಕಂಡಿನಕ್ಲೆನ್ ಅಂಚನೆ ಪೊಲೀಸ್ ನಕುಲ್ ನ ಬೇಲೆಗ್ ಅಡ್ಡ ಬತ್ತಿನ 24 ಪ್ರಕರಣಡ್ ಬೋಡಾಯಿನ 7 ಜನಕ್ಲೆನ್ ಪೊಲೀಸೆರ್ ಬಂಧಿಸಾದೆರ್ ಪಂದ್ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ತೆರಿಪಾದೆರ್.

ಕಾವೂರ್ ದ ಅಬ್ದುಲ್ ಇಶಾಮ್ (26), ಪಂಜಿಮೊಗರ್ ದ ಸಫ್ವಾನ್ (29), ಕಾವೂರ್ ದ ಮಹಮ್ಮದ್ ತೌಸಿಫ್ (30), ಶಾಂತಿನಗರದ ಅಬ್ದುಲ್ ಖಾದರ್ ಸಿನಾನ್ (30), ಮಲ್ಲೂರ್ ದ ಮಹಮ್ಮದ್ ಫಜಲ್ (32), ಚೊಕ್ಕಬೆಟ್ಟು ದ ಅರ್ಷದ್ (42) . ಬೊಕ್ಕ ಕುಂದಾಪುರದ ಕುಂಬಾಶಿದ ಮೊಹಮ್ಮದ್ ರೆಹಮಾನ್ (23) ಬಂಧಿತ ಆರೋಪಿಲು ಪಂದ್ ಗುರ್ತಿಸಾದೆರ್.

ಮುಕುಲೆಡ್ದ್ 10 ಲಕ್ಷ ಕಾಸ್ ದ 210 ಗ್ರಾಂ ಬಂಗಾರ್ ದ ಸರ, ಮಂಗಳಸೂತ್ರ ಅಂಚನೆ 2 ಲಕ್ಷದ 3 ಗಾಡಿನ್ ವಶಕ್ಕ್ ಪಡೆಯೊಂದೆರ್. ಉಂದು ಅತ್ತಂದೆ ಮಸ್ತ್ ಕಡೆಟ್ ಕಂಡಿನ ಬಂಗಾರ್, 5 ನೆಡ್ದ್ ಜಾಸ್ತಿ ಗಾಡಿಲೆನ್ ಪೊಲೀಸೆರ್ ವಶಕ್ಕ್ ಪಡೆಯೊನರ ಬಾಕಿ ಉಂಡು.

“ಬಾಡಿ ಕ್ಯಾಮರನ್” ಪಾಡ್ದಿನ ಕುಡ್ಲದ ಪೊಲೀಸೆರ್

Oct 12, 2021

ಕುಡ್ಲ, ಅ.11: ಜನಕುಲ್ ನ ಮಿತ್ತ್ ಪೊಲೀಸೆರ್ ಪಾತೆರ್ ನ್ ಅಂಚನೆ ಪೊಲೀಸೆರ್ ನ ಮಿತ್ತ್ ಜನಕುಲ್ ಬೊಡ್ಚಾಂದಿನ ಪಾತೆರುನೆನ್ ತಪ್ಪಾಯರ ಸಲುವಾದ್ ಕುಡ್ಲ ನಗರ ಸಂಚಾರ ಪೊಲೀಸೆರ್ ‘ಬಾಡಿ ಕ್ಯಾಮರ’ ನ್ ಪಾಡ್ರೆ ಸುರು ಮಲ್ತುದೆರ್.

ಗಾಡಿಲೆನ್ ಚೆಕ್ ಮಲ್ಪುನ ಸಮಯಡ್ ಪೊಲೀಸೆರ್ ಬೊಕ್ಮ ಜನಕುಲ್ ನಡುಟ್ ಪಾತೆರ ಅಪುನವ್ ಸಾಮಾನ್ಯ. ಅಪಗ ‘ಬಾಡಿ ಕ್ಯಾಮರಾ’ ರಕ್ಷಣೆನ್ ಮಲ್ಪುಂಡ್ ಪನ್ಪಿನ ವಿಶ್ವಾಸಡ್ ಕುಡ್ಲ ಸಂಚಾರ ಪೊಲೀಸೆರ್ ‘ಬಾಡಿ ಕ್ಯಾಮರಾ’ ನ್ ಪಾಡ್ದೆರ್.

“Body Camera” being used by Mangalore police

Mangalore October 11: The Mangalore traffic police have started using body camera to record conversation between the police and the general public.

There are chances of tiffs and exchange of hot words when vehicles are stopped for checking, and a body camera will provide evidence and help in protecting the interest of both the public and the police.

Mangalore Police

ದಕ ಜಿಲ್ಲಾ ವ್ಯಾಪ್ತಿಡ್ 53.75 ಲಕ್ಷ ರೂ. ಬಿಲೆತ್ತ್ ಅಮಲ್ ದ ವಸ್ತುಲೆನ್ ಪೊತ್ತಾಯಿನ ಪೊಲೀಸೆರ್

ಕುಡ್ಲ ವಿಮಾನ ನಿಲ್ದಾಣಡ್ 1.36 ಕೋಟಿ ಬಿಲೆತ್ತ ಬಂಗಾರ್ ವಶಕ್ಕ್

ಕದ್ರಿ ಸ್ಟೇಶನ್ ದ ರಡ್ಡ್ ಮಹಿಳಾ ಸಿಬ್ಬಂದಿನಕ್ಲೆಗ್ ಬಯಕೆದ ಗೌಜಿ

ಆನ್ ಲೈನ್ ಲೋನ್ ದ ಬಲೆಕ್ಕ್ ಬೂರಡೆ !

ಗಾಲ ಪಾಡಿನಿ ಕಳ್ವೆರೆಗ್, ಆಂಡ ತಿಕ್‌ದ್ ಬೂರಿನಿ ಪರ ನೋಟು ಸಾಗಾವುನಕುಲು!

ಕುಡ್ಲ ನೈತಿಕ ಪೊಲೀಸ್ ಗಿರಿ – 6 ಜನ ಆರೋಪಿಲೆನ ಬಂಧನ

ಕುಡ್ಲ :ಪೇಂಟೆದ ಕಂಕನಾಡಿ ಕೈತಲ್ ಡ್ ಕಾರ್ ದ ಉಲಯಿ ಒಂಜಿ ಜನತ್ತ ಪುನ ತಿಕ್ ದ್ಂಡ್.

ಮಸ್ತ್ ಶಬ್ಧ ಬರ್ಪಿನ ಹಾರ್ನ್‌ ಲೆನ್ ದೆತ್ತಿನ ಸಂಚಾರಿ ಪೊಲೀಸೆರ್- ಕಾಂಡೆ ಕಾಂಡೆ ಡ್ರೈವರ್ ನಕುಲೆಗ್ ಶಾಕ್‌

ಕುಡ್ಲ: ಕೆಕ್ಕಿಲ್ ದ ಸರ ಕಂಡಿನಕ್ಲೆನ್, ಲೂಟಿ ಸೇರ್ದ್ 24 ಪ್ರಕರಣಡ್ ಬೋಡಾಯಿನ 7 ಜನಕ್ಲೆನ್ ಅರೆಸ್ಟ್ ಮಲ್ತಿನ ಪೊಲೀಸೆರ್

“ಬಾಡಿ ಕ್ಯಾಮರನ್” ಪಾಡ್ದಿನ ಕುಡ್ಲದ ಪೊಲೀಸೆರ್

You Missed

ಹೋಟೆಲ್ ಗ್ಯಾಸ್‌ದ ರೇಟ್‌ಡ್ 183.50 ರೂ. ಕಮ್ಮಿ

ಇಲ್ಲ್‌ದ ಮಿತ್ತ್ ಗೋಡೆ ಮಗ್‌ರ್ದ್ 3 ಜನ ಸಾವು

“ಕೃಷ್ಣಣ್ಣ ಬೇಗ ಬಲೆ” ನಾಟಕದ ಮೂರ್ತ

ತುಳುವ ಮಹಾಸಭೆ ಇಂಟರ್ ನ್ಯಾಷನಲ್‌ದ ಗುರ್ಕಾರೆ ಆದ್ ಸರ್ವೋತ್ತಮ ಶೆಟ್ಟಿ ಆಯ್ಕೆ