ನೋಂದಣಿಯಾವಂದಿನ ಖಾಸಗಿ ವೈದ್ಯಕೀಯ ಸಂಸ್ಥೆದ ವಿರುದ್ಧ ಕಠಿಣ ಕ್ರಮ: ಜಿಪಂ ಸಿಇಒ ಸೂಚನೆ

ನೋಂದಣಿಯಾವಂದಿನ ಖಾಸಗಿ ವೈದ್ಯಕೀಯ ಸಂಸ್ಥೆದ ವಿರುದ್ಧ ಕಠಿಣ ಕ್ರಮ: ಜಿಪಂ ಸಿಇಒ ಸೂಚನೆ

ಕುಡ್ಲ : ಕುಡ್ಲಡ್ ಕೆ.ಪಿ.ಎಮ್.ಇ ಕಾಯ್ದೆದಡಿ ನೋಂದಣಿಯಾವಂದಿನ ಅಂಚನೆ ನವೀಕರಣ ಆವಂದಿನ ಖಾಸಗಿ ವೈದ್ಯಕೀಯ ಸಂಸ್ಥೆದ ವಿರುದ್ಧ ಬಾರಿ ಕಠಿಣ ಕ್ರಮ ದೆತೊನೊಡು ಪಂದ್ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ.ಕಿಶೋರ್ ಕುಮಾರ್ ಪಂಡೆರ್.

ಮೆರ್ ಪೆಟೆದ ಜಿಲ್ಲಾ ಪಂಚಾಯತ್ದ ಮಿನಿ ಸಭಾಂಗಣಡ್ ನಡತಿನ ಗರ್ಭ ಪೂರ್ವ ಬೊಕ್ಕ ಪ್ರಸವ ಪೂರ್ವ ಭ್ರೂಣ ಲಿಂಗ ಪತ್ತೆ ತಡೆ ಕಾಯ್ದೆ 1994 ಬೊಕ್ಕ ಕರ್ನಾಟಕ ಖಾಸಗಿ ವೈದ್ಯಕೀಯ ಎಸ್ಟಾಬ್ಲಿಷ್ ಮೆಂಟ್ ಕಾಯ್ದೆದ ಅನುಷ್ಠಾನ ಸಭೆಟ್ ಗುರ್ಕಾರ್ಮೆ ವಹಿಸ್ದ್ ಪಾತೆರಿಯೆರ್ .

ಕೆ.ಪಿ.ಎಮ್.ಇ.ಎ ಕಾಯ್ದೆ ಬೊಕ್ಕ ಕಾನೂನು ಉಲ್ಲಂಘನೆ ಮಲ್ಪುನ ಸೆಂಟರ್ದ ಸ್ಕ್ಯಾನಿಂಗ್ ವಸ್ತುಲೆನ್ ವಶಕ್ ದೆತೊoದು ಅವೆನ್ ಮುಚ್ಚೋಡು ಪಂದ್ ಪಂಡೆರ್.

ಸಭೆಟ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ. ಕಿಶೋರ್ ಕುಮಾರ್, ಜಿಲ್ಲಾ ವೆನ್ಲಾಕ್ ಆಸ್ಪತ್ರೆದ ಶಸ್ತ್ರ ಚಿಕಿತ್ಸಕ ಬೊಕ್ಕ ಅಧೀಕ್ಷಕ ಡಾ.ಶಾನುಭೋಗ, ಲೇಡಿಗೋಶನ್ ಆಸ್ಪತ್ರೆದ ವೈದ್ಯಕೀಯ ಅಧೀಕ್ಷಕ ಡಾ.ದುರ್ಗಾಪ್ರಸಾದ್, ಜಿಲ್ಲಾ ಸಲಹಾ ಸಮಿತಿ ಗುರ್ಕಾರ್ಲಾಯಿನ ಡಾ.ವತ್ಸಲಾ ಕಾಮತ್ ಬೊಕ್ಕ ಜಿಲ್ಲಾ ಸಲಹಾ ಸಮಿತಿದ ಸದಸ್ಯೆರ್ ಬೊಕ್ಕ ಇಲಾಖೆದ ಅಧಿಕಾರಿಲು , ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.