ಕುಲಶೇಖರ ಶ್ರೀ ವೀರನಾರಾಯಣ ದೇವಲ್ಯದ ಜೀರ್ಣೋದ್ದಾರ ; ಸಮಾಲೋಚನೆ ಸಭೆ

ವೀರನಾರಾಯಣ ದೇವಲ್ಯ ಕುಲಾಲ ಸಮುದಾಯದ ಶಕ್ತಿ ಕೇಂದ್ರ : ಮಯೂರ್ ಉಳ್ಳಾಲ್

ಬೊಂಬಾಯಿ : ಕುಲಾಲ ಸಮುದಾಯರ್ದ್ ಉಂದು ರಡ್ಡನೆ ಇತಿಹಾಸ ನಿರ್ಮಾಣ ಆತ್ಂಡ್. ದುಂಬುದ ಪೀಳಿಗೆದ ಭವಿಷ್ಯಗ್ ನಿರ್ಮಾಣ ಆವೊಂದಿಪ್ಪುನ ಕುಲಾಲ ಸಮುದಾಯದ ಸ್ವಾಭಿಮಾನದ ದೇವಲ್ಯ. ವೀರನಾರಾಯಣ ದೇವಲ್ಯ ಕುಲಾಲ ಸಮುದಾಯದ ಶಕ್ತಿ ಕೇಂದ್ರವಾತ್ಂಡ್. ಬೊಂಬಾಯಿದ ಸಮಿತಿ ನಿರ್ಮಾಣ ಆಪಿನ ಮುಖೇನ ನಮಕ್ಕ್ ಶಕ್ತಿ ಎಚ್ಚ್ ದ್ಂಡ್ ಪಂದ್ ದಕ್ಷಿಣ ಕನ್ನಡ ಜಿಲ್ಲಾ ಮೂಲ್ಯರ ಯಾನೆ ಕುಲಾಲ ಸಂಘದ ಅಧ್ಯಕ್ಷೆರ್ ಮಯೂರ್ ಉಳ್ಳಾಲ್ ಪಂಡೆರ್.

ಮೇ 29 ಗ್ ಬಯ್ಯಗ್ ಬೊಂಬಾಯಿ ಸಂತಾಕ್ರೂಸ್ ಪೂರ್ವದ ಪೇಜಾವರ ಮಠಟ್ಟ್ ನಡತಿನ ಕುಡ್ಲದ ಕುಲಶೇಖರದ ಶ್ರೀ ವೀರನಾರಾಯಣ ದೇವಲ್ಯದ ಜೀರ್ಣೋದ್ದಾರಗ್ ಬೊಂಬಾಯಿದ ಸಮಿತಿ ರಚನೆ ಮಲ್ತಿನ ಸಮಾಲೋಚನೆ ಸಭೆಟ್ಟ್ ಬಿನ್ನೆರಾದ್ ಪಾತೆರ್ದಿನ ಮಯೂರ್ ಉಳ್ಳಾಲ್, ಊರುಡ್ ಒವ್ವೆ ಧಾರ್ಮಿಕ ಲೇಸ್ ನಡೆಪುನಲ್ಪ ಬೊಂಬಾಯಿದಕ್ಲೆನ ಕೊಡುಗೆ ಅಪಾರ. ದೇವಲ್ಯರ್ದ್ ಖಾಲಿ ಪೂಜೆ ಮಾತ್ರ ಅತ್ತಂದೆ ಸಾಮಾಜಿಕ ಬದಲಾವಣೆ ಅಂಚನೆ ಸಮಸ್ಯೆ ಪರಿಹಾರ ಆಪುಂಡು. ಜನಕ್ಲೆನ್ ಒಟ್ಟು ಮಲ್ಪುನ ಶಕ್ತಿ ದೇವಲ್ಯಗ್ ಉಂಡು. ಇಂಚಿನ ಧಾರ್ಮಿಕ ಜಾಗೆಡ್ ನಮ ಮಾತ ಒಂಜಾಪಿನೆಡ್ದ್ ಮಾತ ಸಮಸ್ಯೆಲ ಬಗೆಹರಿಯುಂಡು. ಮೂಜಿ ದಿನತ್ತ ಕಾಲ ನಡಪುನ ದೇವಲ್ಯದ ಬ್ರಹ್ಮ ಕಲಶಗ್ ನಿಕುಲ್ ಮಾತ ಬರೊಡ್. ಕಡಲ್ ಗ್ ಸುದೆ ಸೇರುಲೆಕ್ಕ ಕುಲಾಲ ಸಮುದಾಯದ ಕುಲದೇವೆರಾಯಿನ ಕುಲಶೇಖರದ ವೀರನಾರಾಯಣ ದೇವಲ್ಯದ ಜೀರ್ಣೋದ್ದಾರಗ್ ಬೊಂಬಾಯಿದಕುಲ್ ಮಾತೆರ್ಲಾ ಬೆರೆಸಾಟಿಯಾದ್ ಇಪ್ಪೊಡ್ ಪಂದ್ ಪಂಡೆರ್.

ಸಭೆತ್ತ ಅಧ್ಯಕ್ಷತೆನ್ ಕುಲಾಲ ಸಂಘ ಬೊಂಬಾಯಿ ಉಂದೆತ್ತ ಅಧ್ಯಕ್ಷೆರಾಯಿನ ದೇವದಾಸ್ ಕುಲಾಲ್ ವಹಿಸ್ ದಿತ್ತೆರ್.

ಜ್ಯೋತಿ ಕೋಆಪರೇಟಿವ್ ಕ್ರೆಡಿಟ್ ಸೊಸೈಟಿದ ಕಾರ್ಯಾಧ್ಯಕ್ಷೆರ್ ಗಿರೀಶ್ ಬಿ ಸಾಲಿಯಾನ್ ತುಡರ್ ಅರ್ಲಾದ್ ಸಭೆಕ್ಕ್ ಚಾಲನೆ ಕೊರಿಯೆರ್. ಕು. ಲಾಸ್ಯಾ ಡಿ. ಕುಲಾಲ್ ಪ್ರಾರ್ಥನೆ ಮಲ್ತೆರ್.

ಮಲ್ಲ ಬಿನ್ನೆರಾದ್ ಬತ್ತಿನ ಶ್ರೀ ವೀರನಾರಾಯಣ ಸೇವಾ ಟ್ರಸ್ಟ್ ದ ಕಾರ್ಯಾಧ್ಯಕ್ಷೆರ್ ಪ್ರೇಮಾನಂದ ಕುಲಾಲ್ ಪಾತೆರ್ದ್, ದೇವಲ್ಯದ ಜೀರ್ಣೊದ್ದಾರದ ಬೇಲೆ ಪ್ರಗತಿಡ್ ಉಂಡು. 2018 ಡ್ ದೇವಲ್ಯ ಜೀರ್ಣೊದ್ದಾರದ ಸುರುತ್ತ ಬೇಲೆ ನಡಪಾದಿತ್ತೆರ್. ಆಯಿಬೊಕ್ಕ ಸಮಾಜದ ಯುವ ನಾಯಕೆರ್ ಮಯೂರ್ ಉಳ್ಳಾಲ್ ಮೇರ್ ದೇವಲ್ಯದ ಜೀರ್ಣೊದ್ದಾರ ಆವೊಡ್ ಪನ್ಪಿನ ಉದ್ದೇಶನ್ ದೀಯೆರ್. ಧಾರ್ಮಿಕ ನಿಲೆಟ್ಟ್ ನಮ ಮಾತೆರೆನ್ಲಾ ಒಟ್ಟು ಮಲ್ಪಿನ ಜಾಗೆ ವೀರನಾರಾಯಣ ದೇವಲ್ಯ 27 ಜನವರಿ 2022 ಕ್ಕ್ ಶಿಲಾಮಯ ಗರ್ಬಗುಡಿತ್ತ ಶಿಲಾನ್ಯಾಸವಾತ್ಂಡ್. ಬೊಂಬಾಯಿಡ್ ದೇವಲ್ಯದ ಸಮಿತಿಯಾವೊಡ್ ಪಂದ್ ಯೋಚನೆ ಮಲ್ತಿತ್ತ. ನಿಕ್ಲೆನ ಸಾಕಾರರ್ದ್ 2023 ತ್ತ ಫೆಬ್ರವರಿಡ್ ವೀರನಾರಾಯಣ ದೇವಲ್ಯದ ಬ್ರಹ್ಮಕಲಶೋತ್ಸವ ಕಾರ್ಯ ನಡಪರೆ ಉಂಡು ಪಂಡೆರ್.

ಮಲ್ಲ ಬಿನ್ನೆರ್ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಪುರುಷೋತ್ತಮ ಕುಲಾಲ್ ಕಲ್ಬಾವಿ ಮೇರ್ ಪಾತೆರ್ದ್ ಭವ್ಯ ದೇಗುಲ ನಿರ್ಮಾಣದ ಒಂಜಿ ಅದ್ಭುತ ಶಕ್ತಿ ನಮಡ ಉಂಡು. ಊರುದಕುಲು ದುಂಬುರ್ದ್ ದಿಂಚಿ ಆರ್ಥಿಕ ಸಾಕಾಯಗ್ ಮುಂಬಯಿಗ್ ಪೋವೊಂದಿತ್ತೆರ್. ನಮ್ಮಕುಲು ಓಲು ಇತ್ತ್ಂಡಲ ಫೆಬ್ರವರಿ ತಿಂಗೊಲ್ ಡ್ ನಡಪುನ ಮೂಜಿ ದಿನತ್ತ ಲೇಸ್ ಗ್ ಮಾತೆರ್ಲಾ ಬರೊಡು. ಬೊಂಬಾಯಿದ ಕುಲಾಲ ಸಂಘ ನಾನಾತ್ ಎತ್ತರಗ್ ಬುಳೆಯಡ್ ಪಂದ್ ಪಂಡೆರ್.

ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಆಯಿನ ಎ ದಾಮೋದರ್ ಮೇರ್ ಪಾತೆರ್ದ್ ನಮ್ಮ ಪೆರಿಯಕ್ಲೆನ ಪ್ರಯತ್ನರ್ದ್ ದೇವಲ್ಯನ್ ಸಾದ್ಯವಾಯಿನ ಮಟ್ಟಿಗ್ ಅಭಿವೃದ್ದಿ ಮಲ್ತ್ ದಿತ್ತ್ ದ್, ಇತ್ತೆ ನಮ ಮಾತ ಸೇರ್ದ್ ಆಯಿತ್ತ ಜೀರ್ಣೋದ್ದಾರ ಬೇಲೆಡ್ ಪಾಲ್ ಪಡೆಯೊಡ್ ಪಂದ್ ಪಂಡೆರ್.

ಜೀರ್ಣೋದ್ಧಾರ ಸಮಿತಿದ ಪ್ರಧಾನ ಸಂಚಾಲಕೆರ್ ಸುರೇಶ್ ಕುಲಾಲ್ ಮಂಗಳದೇವಿ ಪಾತೆರ್ದ್ ದೇವಲ್ಯದ ಬ್ರಹ್ಮಕಲಶ ಬೇಲೆಗ್ ಮಾತೆರ್ಲಾ ಬೆನ್ಪುಗ. ನಮ್ಮ ಕುಲ ದೇವೆರ್ ನಮಕ್ಕ್ ಕೊರಿನ ಈ ಜವಾಬ್ಧಾರಿನ್ ಎಡ್ಡೆ ಮಲ್ಪುಗ ಪಂದ್ ಪಂಡೆರ್.

ಕ್ಷೇತ್ರದ ಮೊಕ್ತೇಸರೆರ್ ಆಯಿನ ಗಿರಿಧರ್ ಜೆ ಮೂಲ್ಯ ಪಾತೆರ್ದ್ ಶ್ರೀ ವೀರನಾರಾಯಣ ದೇವಲ್ಯಡ್ ಸೇವೆ ಮಲ್ಪುನ ಅವಕಾಶ ತಿಕ್ಕ್ ದ್ಂಡ್ ಪಂದ್ ಪಂಡೆರ್.

ಕುಲಾಲ ಸಂಘ ಬೊಂಬಾಯಿದ ಉಪಾಧ್ಯಕ್ಷೆರ್ ರಘು ಮೂಲ್ಯ ಪಾತೆರ್ದ್ ನಮ್ಮ ಸಮಾಜದ ದೇವಲ್ಯದ ಜೀರ್ಣೋದ್ದಾರ ನಮ್ಮ ಜವಾಬ್ಧಾರಿ. ಪೊಂಜೊವ್ ಲೆನ ವಿಭಾಗದ ಕಾರ್ಯಾಧ್ಯಕ್ಷೆರ್ ಮಮತಾ ಗುಜರನ್ ಪಾತೆರ್ದ್ ನಮ್ಮ ಊರುದ ಪೆರಿಯ ಸಂಘಟಕೆರ್ನೊಟ್ಟುಗ್ ವೇದಿಕೆಡ್ ಇಪ್ಪುನವ್ ಮಸ್ತ್ ಅಭಿಮಾನ ಆವೊಂದ್ಂಡ್ ಪಂಡೆರ್.

ಊರುರ್ದ್ ಬತ್ತಿನ ಬಿನ್ನೆರ್ ಶ್ರೀ ವೀರನಾರಾಯಣ ದೇವೆರ್ನ ಪಟನ್ ದೇವದಾಸ ಕುಲಾಲ್ ಬೊಕ್ಕ ಗಿರೀಶ್ ಬಿ. ಸಾಲ್ಯಾನ್ ಮೇರೆಗ್ ಹಸ್ತಾಂತರ ಮಲ್ತೆರ್. ಆನಂದ ಮೂಲ್ಯ ಕಡೆಕ್ಕ್ ಸೊಲ್ಮೆ ಸಂದೈತ ಮಲ್ತೆರ್.

ಮಧ್ಯಾಹ್ನ ಗಣೇಶ್ ಎರ್ಮಾಲ್ ಮೆರೆರ್ದ್ ಭಕ್ತಿ ಭಾವಗೀತೆ ಬೊಕ್ಕ ವಿದುಷಿ ಸುಕನ್ಯಾ ಭಟ್ ನಿರ್ದೇಶನಡ್ ನೃತ್ಯ ಪ್ರದರ್ಶನ ನಡತ್ಂಡ್. ಸುಚಿತಾ ಬಂಜನ್ ಮೇರ್ ಸಭಾ ಕಾರ್ಯಕ್ರಮನ್ ನಿರ್ವಹಣೆ ಮಲ್ತ್ ದಿತ್ತ್ ದ್, ರತ್ನಾ ಡಿ. ಕುಲಾಲ್ ಮೇರ್ ಸಾಂಸ್ಕೃತಿಕ ಕಾರ್ಯಕ್ರಮನ್ ನಿರ್ವಹಣೆ ಮಲ್ತೆರ್.

Veera Narayana temple is an strong hold for the Kulal community: Mayur Ullal

Talks on for the renovation of Sri Veera Narayana temple

Mumbai : “The Veera Narayana temple is a strong hold of the Kulal community.As we form a committee for its renovation it brings in renewed powers” said Mayur Ullal president of the DK district Mulya alies Kulal Sangha.

He was speaking on May 29 th on the occasion of the forming of a committee and holding discussion for the start of renovation works of Sri Veera Narayana temple at Kulshekar.

He added that the contribution of the mumbiates for who have their roots in DK is immense especially in programs involving religious sentiments.Only a temple had the power to bring people together and spread the message of oneness.A temple does not only involve holy rituals,it is a platform for the society to spread good values and help eachother in difficult times.

The program was presided by Devdas Kulal the president of Kulal Sangha, Mumbai unit .
Girish Salian the director of Jyothi cooperative credit society lit a lamp and declared open the program.

The chief guest at the function Premananda Kulal the president of Sri Veeranarayana seva trust said the renovation works started in 2018; and the foundation for the sanctom was laid in January 2022.Most of the work is expected to complete by 2023.The Brahmakalashotsav of the temple has tentatively been fixed for February 2023.

The managing trustee of the temple Purushottam Kulal that the people of the community must attend the brahma Kalashotsava without fail as it was the main temple of the community. The program was followed by a dance performance and other cultural programme.