ಏ. 14-28 : ಪುತ್ತಿಗೆ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ವರ್ಷಾಧಿದ ಉಚ್ಚಯ
ಬೆದ್ರದ ಮಿತ್ತಬೈಲು ಮಹತೋಭಾರ ಪುತ್ತಿಗೆ ಶ್ರೀ ಸೋಮನಾಥೇಶ್ವರ ದೇವೆರ್ನ ಸನ್ನಿಧಿಡ್ ಎ.14 ಗುರುವಾರರ್ದ್ ಎ.28 ಗುರುವಾರ ಮುಟ್ಟ ವರ್ಷಾವಧಿ ಉಚ್ಚಯ ನಡಪರೆ ಉಂಡು.
ಮಹೋಚ್ಚಯದ ಕಾರ್ಯಕ್ರಮದ ವಿವರ
ಏ.14 ಗುರುವಾರ ಮಧ್ಯಾಹ್ನ 12 ಗಂಟೆಗ್ ಕೊಡಿ ಏರುನ
ಏ.15 ಶುಕ್ರಾರ ನಿತ್ಯ ಉಚ್ಚಯ
ಏ.16 ಸನಿವಾರ ನಿತ್ಯ ಉಚ್ಚಯ
ಏ.17 ಐತಾರ ನಿತ್ಯ ಉಚ್ಚಯ
ಏ.18 ಸೋಮಾರ ಪೊತ್ತ ರಥೋಚ್ಚಯ, 1ನೇ ಚೆಂಡು
ಏ.19 ಅಂಗಾರೆ ನಿತ್ಯ ಉಚ್ಚಯ, 2ನೇ ಚೆಂಡು
ಏ.20 ಬುಧಾರ ಭೂಮಂಡಲ ರಥೋಚ್ಚಯ, 3ನೇ ಚೆಂಡು
ಏ.21 ಗುರುವಾರ ನಿತ್ಯ ಉಚ್ಚಯ, 4ನೇ ಚೆಂಡು
ಏ.22 ಶುಕ್ರಾರ ಕೆರೆ ರಥೋಚ್ಚಯ, 5ನೇ ಚೆಂಡು
ಏ.23 ಸನಿವಾರ ಸವಾರಿ ಉಚ್ಚಯ, 6ನೇ ಚೆಂಡು
ಏ.24 ಐತಾರ ಬಾಕಿಮಾರು ದೀಪೋಚ್ಚಯ, 7ನೇ ಚೆಂಡು
ಏ.25 ಸೋಮಾರ ಗುಡ್ಡೆ ತೇರು, 8ನೇ ಚೆಂಡು
ಏ.26 ಅಂಗಾರೆ ಆಳು ಪಲ್ಲಕ್ಕಿ ಮಹೋಚ್ಚಯ, ಕಡೇ ಚೆಂಡು
ಏ.27 ಬುಧಾರ ಮಧ್ಯಾಹ್ನ 12 ಗಂಟೆಗ್ ಪಗೆಲ್ ರಥೋಚ್ಚಯ ಬೊಕ್ಕ ನುಪ್ಪು ಸೇವೆ
ಏ.28 ಗುರುವಾರ ಕವಾಟೋದ್ಘಾಟನೆ, ತುಲಾಭಾರ ಸೇವೆಲು, ಕತ್ತಲೆಗ್ ಉಮಿಗುಂಡಿಡ್ ಅವಭ್ರತ, ಕ್ಷೇತ್ರ ಪಾಲ ದೈವ ದೇವೆರ್ನ ಭೇಟಿ, ಅಗ್ನಿ ಕೇಳಿ, ಕೊಡಿ ಜಪ್ಡಾವುನ.
ಏ.29 ಶುಕ್ರಾರ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ, ಶ್ರೀ ಪಂಚ ಧೂಮಾವತೀ ಬೊಕ್ಕ ಪರಿವಾರ ದೈವಲೆನ ನೇಮೋಚ್ಚಯ.
ವಿಶೇಷ ಉಚ್ಚಯದ ದಿನತ್ತಾನಿ ಸಾಂಸ್ಕೃತಿಕ ಕಾರ್ಯಕ್ರಮಲ ಭಾರೀ ಗೌಜಿಡ್ ನಡಪರೆ ಉಂಡು. ಏ. 21 ಗುರುವಾರದಾನಿ ನಿತ್ಯ ಉಚ್ಚಯದಾನಿ ಬಯ್ಯಗ್ 4 ಗಂಟೆಗ್ ದೇವೆರ್ನ ಮೂಲಸ್ಥಾನರ್ದ್ ದೇವರಗುಡ್ಡಗ್ ಭಕ್ತಾದಿಲು ಪೋದ್ ಪೂಜೆ ಕೊರ್ಪಿನವ್.
ಏ.26 ತಾರೀಕ್ ಅಂಗಾರೆ ನಡಪುನ ಆಳು ಪಲ್ಲಕ್ಕಿ ಮಹೋಚ್ಚಯದಾನಿ ಬಯ್ಯಗ್ 4 ಗಂಟೆರ್ದ್ 5 ಗಂಟೆ ಮುಟ್ಟ ಕಡೆಚೆಂಡು ಬೊಕ್ಕ, ಶ್ರೀ ದೇವೆರ್ನ ಬಲಿ ಉಚ್ಚಯ ನಡಪರೆ ಉಂಡು.
ಐತಿಹಾಸಿಕ ಪರಂಪರೆ
ದಕ್ಷಿಣ ಕನ್ನಡ ಜಿಲ್ಲೆದ ಪಿರಾಕ್ ದ ದೇವಲ್ಯಡ್ ಚೌಟ ಅರಸೆರ್ನ ಆಳ್ವಿಕೆಡ್ ಇತ್ತಿನ ದೇವಲ್ಯ ಬೆದ್ರದ ಪುತ್ತಿಗೆ ಶ್ರೀ ಸೋಮನಾಥೇಶ್ವರ ದೇವಲ್ಯ. ಚೌಟೆರ್ನ ಇಷ್ಟದ ದೇವೆರ್ ಅಂಚನೆ ಕುಲದೇವತೆ ಆಯಿನ ಸೋಮನಾಥ ಮುಕ್ಲೆನ ಇಲ್ಲದ ದೇವೆರ್ಲಾ ಅಂದ್.
ಕ್ರಿ.ಶ. 1255ನೇ ಇಸವಿಡ್ ಸೋಮನಾಥ ದೇವಲ್ಯದ ನಿರ್ಮಾಣ ಕಾರ್ಯ ಸುರು ಆಂಡ್. ಎಡ್ಡೆ ರೀತಿಡ್ ಸೋಮನಾಥ ದೇವೆರ್ನ ಪ್ರತಿಷ್ಠೆದ ಕಾರ್ಯಲ ನಡತ್ಂಡ್. ಆಯಿಬೊಕ್ಕ ಮಹಿಷಮರ್ದಿನಿ ಬೊಕ್ಕ ಗಣಪತಿನ ವಿಗ್ರಹನ್ ಶಿವಲಿಂಗದ ಕೈತಲ್ ಸ್ಥಾಪನೆ ಮಲ್ತ್ ದ್, ಆಯಿಕ್ಕ್ ಗುಡಿ ಗೋಪುರನ್ ಕಟ್ಟ್ ಯೆರ್.
ಬಲೇ ಶ್ರೀ ಕ್ಷೇತ್ರ ಪುತ್ತಿಗೆಗ್
ಬೆದ್ರರ್ದ್ ಸುಮಾರ್ 5 ಕಿ.ಮೀ ದೂರಡ್ ಪುತ್ತಿಗೆ ಗ್ರಾಮದ ಸಾಧಾರಣ ನುಡುಭಾಗಡ್ ಈ ಕ್ಷೇತ್ರ ಉಂಡು. ಪರಿಸರದ ನಡುಟ್ಟ್ ಪೇಂಟೆದ ವಾತಾವರಣರ್ದ್ ದೂರ ಉಂಡು ಈ ಸೋಮನಾಥ ದೇವಲ್ಯ. ಮುಲ್ಪ ಸುರುಕ್ಕ್ ತೋಜಾರೆ ತಿಕ್ಕುನವ್ ಮಾಮಲ್ಲ ರಾಜಾಂಗಣ. ಈತ್ ಮಲ್ಲ ರಾಜಾಂಗಣ ಇಪ್ಪುನ ದೇವಲ್ಯಲು ದಕ್ಷಿಣ ಕನ್ನಡ ಜಿಲ್ಲೆಡ್ ಮಸ್ತ್ ಕಮ್ಮಿ. ಈ ರಾಜಾಂಗಣನ್ ಕಡತ್ತ್ ದ್ ದುಂಬು ಪೋನಾಗ ತಿಕ್ಕುನವ್ ನನೊಂಜಿ ಪ್ರಾಂಗಣ. ಎದುರುಡ್ ಮಹಾದ್ವಾರರ್ದ್ ನೇರವಾದ ಸೋಮನಾಥನ ದರ್ಶನ. ದತ್ತ ಕಡೆತ್ತ ಗುಡಿಟ್ಟ್ ಗಣಪತಿ. ಬಲ ಪಾರ್ಶ್ವಡ್ ಮಹಿಷಮರ್ದಿನಿ.
ಮೇಷ ಸಂಕ್ರಮಣರ್ದ್ 15 ದಿನತ್ತ ಕಾಲ ಮುಲ್ಪ ಉಚ್ಚಯದ ಗೌಜಿ. ಮುಲ್ಪದ ಭೂಮಂಡಲ ರಥ ಚಾರಿತ್ರಿಕವಾದ್ ಒಂಜಿ ಅದ್ಭುತ. ಉಂದೆಟ್ಟ್ ತೋಜೊಂದಿಪ್ಪುನ ಬೇತೆ ಬೇತೆ ರೀತಿದ ಕೆತ್ತನೆಲು, ಆಯಿತ್ತ ಜೋಡಣೆಲು ಅಂಚನೆ ಆಯಿತ್ತ ಮಾದರಿಲು ಇತಿಹಾಸ ಪ್ರಸಿದ್ಧವಾದ್ಂಡ್.
ಇಂಚ ಒಂಜಿ ಭವ್ಯ ಪರಂಪರೆ ಇತ್ತಿನ ಈ ಸೋಮನಾಥ ದೇವಲ್ಯ 1948ನೇ ಇಸವಿಡ್ ಎಂಡೊಮೆಂಟ್ ಬೋರ್ಡ್ ದ ವಶ ಆಂಡ್. ಎಂಡೊಮೆಂಟ್ ದ ಮೊಕ್ತೇಸರೆರ್ ಇತ್ತ್ಂಡಲ ದೇವಲ್ಯ ಜೀರ್ಣೋದ್ಧಾರ ಆಪಿನ ಬದಲ್ 15 ದಿನತ್ತ ಕಾರ್ಯಕ್ರಮ 10 ದಿನಕ್ಕ್ ಬತ್ತ್ ದ್ ಜತ್ತ್ಂಡ್. ಬೊಕ್ಕ ಊರುದ ಜನಕುಲು ಸೇರೊಂದ್ 1965 ಟ್ಟ್ ದೇವಲ್ಯ ಜೀರ್ಣೋದ್ಧಾರ ಆದ್ ದುಂಬುದಂಚನೆ 15 ದಿನತ್ತ ಭಾರೀ ಗೌಜಿದ ಜಾತ್ರೆ ಸುರು ಆಂಡ್.
Annual festival of Mahotbara Sri Somanatheshwara temple , Puttige, Moodbidri
The annual festival of Sri Somanatheshwara temple Puttige, Moodbidri will be held from the 14 th – 28th of April.
On the special days of the festivities the cultural program will be held in the evenings.
On the 21st along with the scheduled rituals; devotees will offer prayers at the ‘Moolastana’ at Devargudde at 4 p.m.
On the 26th at ‘ Allupallaki’ festival, from 4 to 5 p.m , Kade chendu and Devarna Bali will be held.
