April 8, 2022

ಉಕ್ರೇನ್ ರೈಲು ನಿಲ್ದಾಣಡ್ ರಾಕೆಟ್ ಆಕ್ ದ್ ತೀರ್ ಪೋಯಿನ 35 ಜನ

Apr 8, 2022

ಕುಡ್ಲ : ಪೂರ್ವ ಉಕ್ರೇನಿಯನ್ ನಗರವಾಯಿನ ಕ್ರಾಮಾಟೋರ್ಸ್‌ಡ್ ನಾಗರಿಕೆರೆನ್ ಸ್ಥಳಾಂತರ ಮಲ್ಪರೆ ಕೊನೊವೊಂದು ಇತ್ತಿನ ರೈಲು ನಿಲ್ದಾಣಗ್ ರಡ್ಡ್ ರಾಕೆಟ್‌ಲು ಆಕ್ ದ್ ಐರ್ದ್ ಬೊಕ್ಕ ಕನಿಷ್ಠ 35 ಜನ ತೀರ್ ಪೋತೆರ್ ಅಂಚನೆ ಸುಮಾರ್ 100 ಜನಕ್ ಗಾಯ ಆತುಂಡು .

ಈ ತಿಂಗೊಲ್ ದ ಸುರುಟು , ರಷ್ಯಾದ ಪೆಂಟೆಡ್ ಬೆಲ್ಗೊರೊಡ್‌ಡ್ ಉಪ್ಪುನ ಇಂಧನ ಡಿಪೋ ದ ಮಿತ್ತ್ ಉಕ್ರೇನ್ ವೈಮಾನಿಕ ದಾಳಿ ನಡಪಾದುಂಡು ಪಂದ್ ರಷ್ಯಾ ಆರೋಪ ಮಲ್ತ್ ಇತ್ತುಂಡು .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳು ಭಾಷೆನ್ ಅಳಿಪೊರ್ಚಿ ತುಳು ಭಾಷೆನ್ ಒರಿಪುಲೆ; ತುಳುವೆರ್ ಕುಡ್ಲರ್ದ್ ಟಿ.ಎಸ್.ನಾಗಭರಣಗ್ ಮನವಿ

Apr 8, 2022

ಟಿ.ಎಸ್.ನಾಗಭರಣ ಕುಡ್ಲಗ್ ಬತ್ತಿತ್ತ್ ದ್, ಮೂಲು ಪೂರ ಪ್ರೈವೆಟ್ ಬಸ್ ಟ್ಟ್ ಕನ್ನಡ ಕಡ್ಡಾಯ, ಸರಕಾರಿ ಆಫೀಸ್ ಡ್ ಕನ್ನಡ ಕಡ್ಡಾಯ, ಜನಕುಲು ವ್ಯವಹಾರ ಮಲ್ಪುನಗಲ ಕನ್ನಡನೇ ಪಾತೆರೊಡು ಅಂಚನೆ ಪಬ್ಲಿಕ್ ಜಾಗೆಡ್ ಲ ಕನ್ನಡನೇ ಪಾತೆರೊಡ್ ಪಂದ್ ಹೇಳಿಕೆನ್ ಕೊರ್ದ್ ತುಳುವೆರ್ನ ನೆತ್ತೆರ್ ನ್ ಬೆಚ್ಚ ಮಲ್ತೆರ್.

ತುಳುವೆರ್ ಕನ್ನಡನ್ ಆರಾಧನೆ ಮಲ್ತೊಂದು ಪೂಜಿಸಾವೊಂದ್ ಇಪ್ಪುನ ಪೊರ್ತುಡ್, ತುಳುನ್ ಲೆಕ್ಕಗ್ ದಿವಂದೇ ಟಿ.ಎಸ್.ನಾಗಭರಣ ತಳುವೆರೆನ ಬೆಚ್ಚ ನೆತ್ತೆರ್ ಗ್ ನಾನಾತ್ ಎಣ್ಣೆ ಮೈತ್ ದ್ ತುಳುವೆರೆನ ಉಡಲ್ ಡ್ ಸೂ ಪೊತೈಲೆಕ್ಕ ಮಲ್ತ್ ದ್, ತುಳು ಭಾಷೆಗ್ ಪ್ರತ್ಯೇಕವಾದ್ ರಾಜ್ಯನ್ ಕೇನುಲೆಕ್ಕ ತುಳುತ್ತಕುಲೆಗ್ ಎಚ್ಚರಿಕೆ ಕೊರಿಲೆಕ್ಕ ಮಲ್ತೆರ್.

ತುಳುನಾಡ್ ಡ್ ತುಳು ಭಾಷೆನ್ ಅಳಿಪರೆ ಪಿದಾಡ್ದಿನ ಟಿ.ಎಸ್ ನಾಗಭರಣ್ ನ ವಿರುದ್ಧವಾದ್ ನಮ್ಮ ತುಳುವೆರ್ ಕುಡ್ಲದ ಸಂಘಟಣೆದಕುಲು ತುಳು ಭಾಷೆನ್ ಒರಿಪಾಯರೆ ಬೋಡಾದ್ ಕನ್ನಡ ಭಾಷೆದೊಟ್ಟುಗ್ ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ಕೊರೊಡ್.

ಆತೆ ಅತ್ತಂದೆ ತುಳು ಟೀಚರ್ ನಕ್ಲೆಗ್ ಬಾಕಿ ಇತ್ತಿನ ಸಂಬಳ ದೆಪ್ಪಾದ್ ಕೊರೆಡ್ ಪಂಡ್ ದ್ ಟಿ.ಎಸ್ ನಾಗಾಭರಣಗ್ ನ್ ಮನವಿ ಕೊರಿಯೆರ್.

ಪೆಟ್ರೋಲ್ ಟ್ಯಾoಕ್ ಲೀಕ್ ಆದ್ ಪೊತ್ತಿನ ಬಸ್

Apr 8, 2022

ಕುಡ್ಲ : ಕುಡ್ಲದ ಮಿಲಾಗ್ರಿಸ್ ದ ಸಿಗ್ನಲ್ ದ ಕೈತಲ್ ಸಿಗ್ನಲ್ ಬುಡ್ಪಿನ ಪೊರ್ತುಡು ಬಸ್ ಪೋನಗ ಬೈಕ್ ಒಂಜಿ ಅಡ್ಡ ಬತ್ತ್ ದ್ ಪೆಟ್ರೋಲ್ ಟ್ಯಾoಕ್ ಲೀಕ್ ಆದ್ ಬಸ್ ಪೊತ್ತಿನ ಘಟನೆ ಇನಿ ಮಧ್ಯಾಹ್ನ ದ ಪೊರ್ತುಡು ನಡತ್oಡ್.

ಅಪಗನೆ ಅಗ್ನಿ ಶಾಮಕ ದಳ ದಕುಲು ಬತ್ತ್ ದ್ ತೂ ತೆಕ್ಕಾವುನ ಬೇಲೆ ಮಲ್ತೆರ್. ಏರೆಗ್ಲಾ ದಾಲ ಜೀವ ಹಾನಿ ಅತಿಜಿ ಪಂದ್ ತೆರಿದ್ ಬೈದುಂಡು. ಜಾಗೆಗ್ ಪೊಲೀಸ್ ದಕುಲು ಬತ್ತ್ ದ್ ಪರಿಶೀಲನೆ ಮಲ್ತೆರ್.

ದ್ವಿತೀಯ ಪಿಯುಸಿದ ಪರಿಷ್ಕೃತ ವೇಳಾಪಟ್ಟಿ ಪ್ರಕಟ

Apr 8, 2022

ಬೆಂಗ್ಳೂರು: ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷ ವೇಳಾಪಟ್ಟಿನ್ ಪಿಯುಸಿ ಬೋರ್ಡ್ ಪ್ರಕಟ ಮಲ್ದುಂಡು .

ನೆತ್ತ ಪ್ರಕಾರ ಏಪ್ರಿಲ್ 22 ರ್ದ್ ಮೇ 18 ಮುಟ ಪರೀಕ್ಷೆ ನಡಪರೆ ಉಂಡು . ಏಪ್ರಿಲ್ 22-ತರ್ಕಶಾಸ್ತ್ರ ,ವ್ಯವಹಾರ ಅಧ್ಯಯನ
ಏಪ್ರಿಲ್ 23-ಗಣಿತಶಾಸ್ತ್ರ, ಶಿಕ್ಷಣಶಾಸ್ತ್ರ
ಎಪ್ರಿಲ್ 25-ಅರ್ಥಶಾಸ್ತ್ರ
ಏಪ್ರಿಲ್ 26-ರಸಾಯನಶಾಸ್ತ್ರ, ಮನಶಾಸ್ತ್ರ,
ಏಪ್ರಿಲ್ 27-ತಮಿಳು, ತೆಲುಗು, ಮಲಯಾಳಂ ,ಮರಾಠಿ ,ಸಂಸ್ಕೃತ
ಎಪ್ರಿಲ್ 28-ಕನ್ನಡ, ಅರೇಬಿಕ್
ಮೇ 4-ಭೂಗೋಳಶಾಸ್ತ್ರ , ಜೀವಶಾಸ್ತ್ರ
ಮೇ 5-ಮಾಹಿತಿ ತಂತ್ರಜ್ಞಾನ
ಮೇ 6-ಇಂಗ್ಲಿಷ್
ಮೇ 10 -, ಭೌತಶಾಸ್ತ್ರ, ಇತಿಹಾಸ
ಮೇ 12-ರಾಜ್ಯಶಾಸ್ತ್ರ ,ಸಂಖ್ಯಾಶಾಸ್ತ್ರ
ಮೇ 14-ಸಮಾಜಶಾಸ್ತ್ರ, ಗಣಕ ವಿಜ್ಞಾನ
ಮೇ 17-ಲೆಕ್ಕಶಾಸ್ತ್ರ, ಗೃಹ ವಿಜ್ಞಾನ ಭೂಗರ್ಭಶಾಸ್ತ್ರ
ಮೇ 18-ಹಿಂದಿ
ಪರೀಕ್ಷೆ ನಡಪರೆ ಉಂಡು.

ಬೆಂಗ್ಳೂರುಡು 4 ಶಾಲೆಗ್ ಬಾಂಬ್ ಬೆದರಿಕೆ; ಪೊಲೀಸೆರ್ ಹೈ ಅಲರ್ಟ್

Apr 8, 2022

ಬೆಂಗ್ಳೂರು: ಬೆಂಗ್ಳೂರುದ 4 ಖಾಸಗಿ ಶಾಲೆಗ್ ಬಾಂಬ್ ಬೆದರಿಕೆದ ಇ-ಮೇಲ್ ಬೈದಿನ ಬಗ್ಗೆ ವರದಿ ಆತುಂಡು.ಹುಸ್ಕೂರು ಕೈತಲ್ ಉಪ್ಪುನ ಖಾಸಗಿ ಶಾಲೆಗ್ ಇನಿ ಕಾಂಡೆ ದುಷ್ಕರ್ಮಿಲು ಇ-ಮೇಲ್ ಮುಖೇನ ಬೆದರಿಕೆದ ಸಂದೇಶ ಕೊರ್ತೆರ್ , ನೆರ್ದಾವರ ಶಾಲೆಡ್ ಪೋಡಿಗೆದ ವಾತಾವರಣ ನಿರ್ಮಾಣ ಆದ್ ಇತ್ತುಂಡು .

ಬಾಂಬ್ ಬೆದರಿಕೆ ಸಂದೇಶದನೆಲೆಟ್ಟ್ ಜಾಗೆಗ್ ಹೆಬ್ಬಗೋಡಿ ಪೊಲೀಸೆರ್ ಬತ್ತ್ ದ್ ಪರಿಶೀಲನೆ ನಡಪಾದೆರ್ .

ಪೂಮ್ಸ್, ಪೈಟಿಂಗ್ ಡ್ ಸತ್ಯಪ್ರಸಾದ್ ಗ್ 2 ಬಂಗಾರ್ದ ಪದಕ

Apr 8, 2022

ಕಾರ್ಲ :: ಭಾರತ ಸರಕಾರ ಬೊಕ್ಕ ಒಲಿಂಪಿಕ್ ಕ್ರೀಡಾಕೂಟರ್ದ್ ಮಾನ್ಯತೆ ಪಡೆಯಿನ ಅಖಿಲ ಕರ್ನಾಟಕ ಕ್ರೀಡಾ ಬೊಕ್ಕ ಕಲಾ ಅಕಾಡೆಮಿ ಅಟ್ಟನೆ ಮಲ್ತಿನ ವೆಸ್ಟರ್ನ್ ಕಪ್ 1ನೇ ರಾಷ್ಟ್ರೀಯ ಮುಕ್ತ ಪೂಮ್ಸ್ ಬೊಕ್ಕ ಪೈಟಿಂಗ್ ಚಾಂಪಿಯನ್ ಶಿಪ್ ಪಂಥಡ್ ಕಾರ್ಲದ ಅತ್ತೂರು ರವಿಶಂಕರ್ ಶಾಲೆದ 9 ನೇ ತರಗತಿ ವಿದ್ಯಾಾರ್ಥಿ ಸತ್ಯಪ್ರಸಾದ್ ರಾವ್ ಮೇರ್ ಅಂಡರ್ 45 ಕೆ.ಜಿ ತೂಕದ ವಿಭಾಗಡ್ ಪೈಟ್ ಬೊಕ್ಕ ಪೂಮ್ಸ್ ರಡ್ಡ್ ವಿಭಾಗಡ್ ತಲಾ ಒಂಜೊಂಜಿ ಲಕ ರಡ್ಡ್ ಬಂಗಾರ್ದ ಪದಕ ಪಡೆತೆರ್ .

ಬೆಂಗ್ಳೂರುದ ಮಲ್ಲೇಶ್ವರಂ ಗುಂಡೂರಾವ್ ಸ್ಪೋಟ್ಸ್ ದ ಕಾಂಪ್ಲೆಕ್ಸ್ ಡ್ ಇಂಚೋಗು ಪಂಥ ನಡತುಂಡು.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪುದ ಎಸ್.ಎಸ್.ಎಲ್.ಸಿ ಜೋಕ್ಲೆಗ್ ಮಾಸ್ಕ್ ಪಟ್ಟುನ ಲೇಸ್

Apr 8, 2022

ಒಡಿಪು : ಯೂತ್ ಫಾರ್ ಸೇವಾ ಒಡಿಪು ಕೂಟದ ವತಿರ್ದ್ ಒಡಿಪುದ ಎಸ್ ಎಸ್ ಎಲ್ ಸಿ ಜೋಕ್ಲೆಗ್ 195 ಕ್ವಾಲಿಟಿ ದ 5000 ಮಾಸ್ಕ್ ನ್ ಶಿಕ್ಷಣ ಇಲಾಖೆದ ಉಪನಿರ್ದೇಶಕೆರಾಯಿನ ಸಾವ೯ಜನಿಕ ಶಿಕ್ಷಣ ಇಲಾಖೆ, ಒಡಿಪು ಜಿಲ್ಲೆ ಮೆಕ್ಲೆನ ಪರವಾದ್ ಶ್ರೀ ಮತಿ ಜಾಹ್ನವಿ ಸಿ. ಶಿಕ್ಷಣಾಧಿಕಾರಿ ಮೆರೆಗ್ ಯೂತ್ ಫಾರ್ ಸೇವ ಕೂಟದ ಒಡಿಪು ಸಂಯೋಜಕಿ ಶ್ರೀಮತಿ ರಮಿತಾ ಶೈಲೇಂದ್ರ ಮೇರ್ ಕೊರಿಯೆರ್.

ಕುಡ್ಲ ವಿಧಾನಸಭೆ ಕ್ಷೇತ್ರ: ಕಾಂಗ್ರೆಸ್ ರ್ದ್ ಮಾಜಿ ಶಾಸಕ ಜೆ. ಆರ್. ಲೋಬೊ ಕುಡ ಕಣಕ್ ಜಪ್ಪುವೆರಾ

Apr 8, 2022

ಕುಡ್ಲ : ನನ ದುಂಬುದ ವಿಧಾನಸಭೆ ಚುನಾವಣೆ ಎದುರಿಸಾಯೆರೆ ರಾಜ್ಯದ ಮೂಜಿ ಪ್ರಮುಖ ಪಕ್ಷ ಮೈ ಬುರ್ದು ಕುಲ್ದುಂಡು . ಟಿಕೆಟ್ ಗಾದ್ ಹೋರಾಟ ಕುಡ ಸುರು ಆತುಂಡು.

. ಹಾಲಿ ಶಾಸಕೆರ್ ನೆಟ್ಟ್ ಮಸ್ತ್ ಜನಕ್ ಕುಡ ಅವಕಾಶ ತಿಕ್ಕೆರೆ ಉಂಡು . ಸೋತಿನಕ್ಲೆನೆಟ್ಟ್ ಕೆಲವೆರೆಗ್ ಟಿಕೆಟ್ ತಿಕ್ಕುನ ಸಾಧ್ಯತೆ ಇಜ್ಜಿ . ಆಂಡ ಕುಡ್ಲಡ್ ಕುಡ್ಲದ ದಕ್ಷಿಣ ಕ್ಷೇತ್ರಗ್ ಸಂಬಂಧಿಸಿ ಕಾಂಗ್ರೆಸ್ ರ್ದ್ ಜೆ.ಆರ್. ಲೋಬೊ ಮೆರೆನ್ ಕುಡ ಬರ್ಪಿನ ಸಾಧ್ಯತೆ ಉಂಡು.