ಜೈ ತುಲುನಾಡ್(ರಿ)ಸಂಘಟನೆ ,ಕಾಸ್ರೋಡು ಎಗ್ಗೆ ಬೊಕ ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿದ ಒತ್ತು ಸೆರಿಗೆಡ್ ,ಮಂಜೇಶ್ವರ ದ ಉಧ್ಯಾವರ ಮಾಡದ ಕೈತಲ್ ತೀಯ ಸಮಾಜ ಭವನಡ್ ನಡತಿನ ‘ಬಲೇ ತುಲು ಲಿಪಿ ಕಲ್ಪುಗ’ ಕಜ್ಜ ಕೊಟ್ಯದ ಮುಗಿತಲದ ಲೇಸ್ ,ಉಧ್ಯಾವರ ಅರಸು ಮಂಜಿಷ್ಣಾರ್ ದೈವೊಲೆನ ಪಾತ್ರಿಲೆನ ಆಶೀರ್ವಾದದ ಬಲೊಟು ತೇದಿ.12–03–2022 ತಾನಿ ಮಾಡ ತೀಯಾ ಸಮಾಜಭವನಡ್ ನಡತ್ಂಡ್ .
ಲೇಸ್ ದ ಗುರ್ಕರ್ಮೆನ್ ಜೈ ತುಲುನಾಡ್ ಸಂಘಟನೆ ಕಾಸ್ರೋಡು ಎಗ್ಗೆದ ಗುರಿಕಾರೆರ್ ಹರಿಕಾಂತ್ ಕಾಸ್ರೋಡು ವಯಿಸೊಂದು,ಮಲ್ಲ ಬಿನ್ನೆರಾದ್ ಸಮಾಜ ಸೇವಕೆ ಹರೀಶ್ ಶೆಟ್ಟಿ ಮಾಡ ಪಾಲ್ ಪಡೆಯೆರ್ .ಲೇಸ್ ದ ಸುರೂಕು ಮಾಡ ಪರಿಸರೊಡು ಸಮಾಜ ಸೇವೆ ಮಂತ್ದ್ ದೇವೆರೆ ಪಾದ ಸಂದಿನ ಚೈತ್ರೇಶ್ ಬೊಕ ದಿ |ಬಾಬು ಮಾಸ್ಟರ್ ಮುಕ್ಲೆಗ್ ಒಂಜಿ ನಿಮಿಷದ ಮೌನ ಸುಗಿಪು ಸಂದಾಂಡ್ .
ತುಲು ಲಿಪಿ ಪರೀಕ್ಷೆ ಬರೆದ್ ಪಾಸ್ ಆಯಿನಕ್ಲೆಗ್ ಆಜೋಲೆ ಪಟ್ಟ್ಂಡ್ ,ಕಲ್ಪಾಧಿನಕ್ಲೆಗ್ ಮಾನಾದಿಗೆ ಮಂತೆರ್. ಲೇಸ್ ನ್ ತುಲು ಲಿಪಿ ಕಲ್ಪಾಧಿ ಕಾರ್ತಿಕ್ ಪೆರ್ಲ ಎದ್ಕೊಂದು,ಕುಶಲಾಕ್ಷಿ ಕಣ್ವತೀರ್ಥ ಸೊಲ್ಮೆ ಸಂದಾಯೆರ್,ಕಲ್ಪಾಧಿ ವಿನೋದ ಪ್ರಸಾದ್ ರೈ ಲೇಸ್ ಸುಧಾರಿಕೆ ಮಂತೆರ್.
pallavi shetty